** أرشيـــف المحــاورات المميــــــزة **

عمر الخالدي

[poem=font="arial,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]
مرحبا والمنبر المشهور من بين المنابر=منبر الهذلان والسلمـان منبرهـم وزانـه

عاش بيـاع النحـاس ومـات بيـاع الجواهـر=والشداد اللي في ظهر شعيل حول عن مكانه [/poem]


صقر سليم

[poem=font="arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]
البقاء والمنبر اللي عندنا منبر معاصر=ما يقر الروس من سحر البيان الا بيانه

قبل لا تنضر على التجار ناضر للمتاجـر=البناجر ما لها في معضم الاسواق خانه [/poem]

عمر الخالدي

[poem=font="arial,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]الزمان اللي نعيشه فيه شئ مـن المخاطـر=مير قول ولا عليك إحنا في حفظ الله وأمانه

ما يصح إلا الصحيح ومن يكن الحق فاجر=حضره وإحنا قضاتـه عندنـا ذمـه وأمانـه [/poem]


صقر سليم

[poem=font="arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]الكـلام اللـي نقولـه محتميـنـه وانــت خـابـر=والهبايـب ما تميـل غـيـر عــود الخيـزرانـه

نهجنا ما يختلف طول الزمن ماضي وحاضر=عقب اللي فا اللزوم ايدينه اقصر مـن لسانـه [/poem]

عمر الخالدي

[poem=font="arial,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]ياسليم أخذو حذركم من مطولة الحناجر=علمهم ما منه فود وفعلهم خبـث ولعانـه

فـي زمـان العولمـه حتـى البقـر تلـبـس منـاظـر=والخطيب اليا اختطب في منبره ما حدن في شانه [/poem]

صقر سليم

[poem=font="arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]انت صاحب تجربـه تعبربهـا كـل المعابـر=دبلوماسي دبلوماسي مير ما عندك حصانه

المناضـر هينـه خـايـف تـحـزم بالخنـاجـر=والـبـلا فالكاهـنـه عـيـت تبـطـل فالكهـانـه [/poem]

عمر الخالدي

[poem=font="arial,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]منهو اللي ينصر المظلوم ونعده مناصـر=من عيال سليم بن منصور والا من كنانه

الورق فالمكتبه وأم الكتب عكس الدفاتر=ما تـقـراهـا فـــلان ولا تقـرتـهـا فــلانــه [/poem]


صقر سليم

[poem=font="arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]انقذوه اعيال ابن منصور يوم انه محاصر=ثـم بلغهـم تحياتـه وشكـره وامتنانـه

ياعمر كسر العضام اخف من كسر الخواطر=وانت ما عندك سلاح اقوى مواقفك الادانه [/poem]

عمر الخالدي

[poem=font="arial,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]منته منقذ ميت وعظامه تبنتها المقابـر=عظم الله اجركم وكليب يبقى إلا حصانه

القطيع الها حمى ومنظمه والها كـوادر=والوكيل اللي ينظمها على باب الخزانه [/poem]


صقر سليم

[poem=font="arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]الكلام اللي تقوله غير موثوق المصـادر=كان ونك ما تشوفه حي يرزق قلت عانه

النخاله عيدت باالذود في وادي الدواسـر=والسبب مانعرفه بس احتمال انه خيانه [/poem]

عمر الخالدي

[poem=font="arial,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]كفن الميت في ثوبه لاتزوم ولاتكابـر=لو تزوم اليوم بعد اليوم تنفاك الديانه

البدو ما تخلط البري مـع انتـاج المعاصـر=والبطون الها عشاها والسيور الها دهانه [/poem]


صقر سليم

[poem=font="arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]الحقيقه يا عمر سجل عليك اربع محاضر=طيعنـي يابـو محمـد لا تعيـد الاسطـوانـه

الرجال الهم عوايد والحرار الهـا مواكـر=لا تضيع معرفت راسـك وقـوت عنفوانـه[/poem]

بن قاسي الهذلي

اللـيـلـه المـعـنـى عـلــى روس الـجـبـال نعـلـقـه ***** ولا تــحــت كــــم الـعــبــاه نــمـــرره مــاحـــد درى
سلام منصاه البقيلي لو على الصخر فلقه *****ياهل الشفـا كـم عـام والمنبـر لـراع المنبـرى

الحميا

الليله المعنى على جمر الغضى نبنسلقه ****** جود عباتك يابن قاسي والبرى مالك برى
يامرحبا ترحيب دايم للمسلم نطلقه ***** انا اخبرك قدام ماترجع يابن قاسي ورى

بن قاسي الهذلي

دام الـبــقــا والــبـــاب دونـــــك يالـبـقـيـلـي نـغـلــقــه *****لن كنت منت من النجوم اللي منازلها ترى
الــــي يــقــرب راســـــه الــحـــلاق غــيـــر يـحـلـقــه ****عشـريـن عــام وزود ماشفـنـا لبـوزيـد خـشــرى

الحميا

باالقلقله راس البقيلي مانت قادر تقلقه ***** والي قرا يعلم الي في المدارس ماقرى
الي يقرب راسه الحلاق يدخل بحلقه ****** وانته مع اصحاب المدن والى مع اصحاب القرى

بن قاسي الهذلي

انته تسمى مبتدي حتـى ان كتبـت معلقـه *****والاوله راحت لهلها مير خلك في السرى
ودك بـتـذكــرة الـصـعــود لـطـايــرات مـحـلـقـه *****متع عيونك بالنظر حتى لو انـك بالثـرى

الحميا

صحيح انا اسمي مبتدي لاكن شربك معلقه ***** والله ليقتلك العطش وانته في حكمة هل ترى
يلي تبشلق لا تبشلق مانت قد البشلقه ******* احطب من اغصون السلم والى غصون العرعرى

بن قاسي الهذلي

كــل عـلـى سـاقـه يـقـف ولـــى زمـــان العمـلـقـه *****اشرب على قدر الظما والزود عندك ينثرى
لـيـتـك خـذيــت الـــدرب كـلــه يالبقـيـلـي زحـلـقـه *****مـاكـان تـعـبـت الـقــدم والـفــود لاشـــي يـذكــرى

الحميا

يلي يديك امكلبشه انا يديه مطلقه ****** وماني مثبت صورتي فوق البطاقه بالغرى
بنت الهوى خطابها عشرين ماهي مطلقه ***** وانا ذرى الي ياولد قاسي يدور للذرى

بن قاسي الهذلي

كـم صـورةٍ فيـهـا عـيـون الـنـاس دوم مبحلـقـه *****وكم صورة فيها عيون الناس عيت تنظرى
بـنـت الـهـوى لـلـي هـواهــا يالخـطـيـب معـلـقـه *****وانتـه تجـاوزك القطـار وجــرح قلـبـك مـابـرى

الحميا

اتعبت فكرك يابن قاسي في علوم امغلقه ****** كثير مثلك يامغني يوم تشبع تبطرى
وشبك تعزلق ليش تاخذ من طباع العزلقه ***** لا والله الى ياولد قاسي سرى ليلك سرى

هامة دكا
سلام تسليمة وفا تحمل معزه واحترام === بسم الهجوس الي مع العراف تاخذ قسمها
دام المواطن ياخضرماشي على حسب النضام===سم القرارات الي تصدر ياالبقيلي سمها



الحميا
يا مرحبا تكريم واكرم به الناس الكرام ///// بسم الهجوس الي مع العراف زايد سلمها
لي نضرة(ن) صوب الجنوب ولي نضروا لد شام///// واصعب قرار انك تفكر في الشعوب ولمها
هامة دكا
دام البقا سالم وتسلم كان ودك باالسلام ==== وابحث عن الفتنه ودور ياالبقيلي عمها
عن طرقة اعيال الحلال يجنب اعيال الحرام === واهل الحلال ابهمها واهل الحرام ابهمها



الحميا
ترى الجمل والثور فوق اضهورها تلقى سنام //// لاكن في حمل الثقال الثور ماهو يمها



قديش ياهامة دكا نبني الاماني باالكلام //// وام الكباير كل من جاها يقبل خشمها



هامة دكا
تغلي حميه وانت ماحد رسمك قايم مقام ==== والوقت ضالم وانت قاسيت السنين وضلمها
ان كان تعرف ياخضر وصف الصقور امن الحمام === اوصيك ثم اوصيك عن شغل العباه وكمها
الحميا
احسبك صالح ترغب الاصلاح لاكن ماتلام //// اهل الحسد من يقدر يشيل الحسد من دمها
بكره الحقيقه تنعرف والنور جلاي الضلام ///// وعقولكم تحلم وتلقى من يفسر حلمها



هامة دكا
العام حصلت البقيلي بين زمزم والمقام === واليوم خصما للخصوم الي تكفر خصمها
انته محلك في القصور الشامخه كب الخيام === كحل عيون الخصم من ملح الثميدي واعمها
الحميا
العام ياهامة دكا مغرم وذابحني الغرام ///// بغيت احب البنت مير ابليت في حب امها
ان سار في راسك طناخه سار في خشمك عرام ///// وانته بعزمك والنشاما ماتخلي عزمها
هامة دكا
لاتعتزي الا في الذي يقدر يسرك في الزحام === قدام لابقعا تخمك ياالبقيلي خمها
الحي منكم نابغه ومن مات جعله للرحام === وهذيل ربعك ياخضر وش علمها وش علمها
الحميا
دام العطيبه في يميني والمقبس في الحزام /// في محزمي طب الكبود وفي يديني سمها

هذيل عزوة من تعزاها عليه باالحرام //// يوم الحرايب لابتي فوق العلابي وسمها

مشعل المعبدي
سلام(ن) يعم يخص بشت أبن مسعود=من الهاجس الي طاريله طواري
ونا بنشدك عن قصة البشت ياعود=شريته بحر المال ولا عواري

بشت المسعودي
هلا مرحبا بك بين ربعي هل الجود **** لواجبك يالمقبل ونلزمك ســــاري
ترى البشت مع راعيه ناشي ومولود**** وروح انشد السلمان قبل المطاري

مشعل المعبدي
يدوم البقا والعود لاحك بالعود=شرارة حرابه مثل ذات الصواري
علوم البدو ماينعرف نقصها وزود=صحيح العباره في صحيح البخاري

بشت المسعودي
اشوفك فداوي تحزم لك ببارود .....بعد غاب ابن عجلان جانا مكاري
توقّا شرار النار منته بمحدود ..... وخلّك يميني لاتجي في يســـــاري

مشعل المعبدي
على الماقف الغصاب لي سيف محدود=ليا غاب خصم(ن)جاك خصم(ن)مباري
لعلك حسبت الليالها البيض والسود=قبل ماتحطك تحت طعن الشباري

بشت المسعودي
يجوز المسيل يسيل يابرق يارعود **** وتخضر بها الحره بحلو الثماري
ولكن مايبطي حيا الصيف ياسعود **** تطاير ثمرها في مثاني الذواري

مشعل المعبدي
يسيل المسيل ومن نصا السيل مفقود //// يسمـونـه العـربـان رجـــل أنـتـحـاري
تبـا خرمـة السرحـان والريـع مقعـود //// غريـبـه علـومـك يـاكـريـم الـجـبـاري

بشت المسعودي
انا ماحقرت السيل والجال مشـــهود **** ونعرف وســـيعه بالضحى والعصاري
وشمنصير فج السيل من جد وجدود **** واذا منت داري شوف لك رجل داري

مشعل المعبدي
وراع الغشامه ماحسب كل منقود //// يجي في ظلام الليل بالحمل ساري
شمنصير من فعل الدناميت مهدود //// تميدح بضلع(ن)راح مثل الكباري

بشت المسعودي
شمنصــــير شاهد فوق جاحد ومجحود**** سنين الخشارا والنخـل و المواري
منازل سلول اللي لها ســـنود وشهود **** عطينا الخـبر ياللي تدق البواري

الحميا:


هلا مرحبا وانا نويت المجاريش /// من الهاجس الي ماخسر وزن ريشه
ولا ياعبيدالله ترى قتلت الشيش /// بـــيد الغشيم الـــي قفل باب شيشه


عبيدالله المجيريشي:


يدوم البقا مير انت ناوي على ويش ///حداك الزمن والا ظروف المعيشه
تموت الحصى والرمل والطيب ايعيش///وراعي العريش يطيح فوقه عريشه


الحميا:


ترا مشكله لو يلتقي الجيش باالجيش /// يضيع الدقيش الي مايمن دقيشه
انا كيف اترجم سالفه للدراويش /// ليا قـــلت هذا الباب قالـــــــو دريشه


عبيدالله المجيريشي:


نوقد عليك النار يالقدر وتغيش /// وحنا عرب مايقبلون الغشيشه
طيور القطى ماعاد بجنوبها ريش /// تعيش ابزمن والا زمن ما تعيشه

الحميا:


على اقماركم ياهل التهم سار تشويش /// غدا ارسالكم ما نسمع الى وشيشه
ولا ادري متى تطلع قرون لغنم بيش /// وتجار بيش استثمرو ثلث بيشــــــــه

عبيدالله المجيريشي:



على دربكم ظباط وانقاط تفتيش/// تمنى الممات ولا الدروب الوحيشه
بعد صابكم ضرب الرصاص المحاديش/// تشمون ريح المبخره ريح شيشه

الحميا:
ترانا تعدينا نقاط البخاشيش /// ولاحـــنا مـــن الي يقبلــــــــون الخشيشه
علا ويش قلي يابو سامي ولجل ايش /// تدفون في انحور المنايا هطيشه

عبيدالله المجيريشي:

اخذتم طبائع من طيور الخفافيش /// حسدتم معيش اللي تزوج معيشه
لحقتم من اسمان الليالي تناتيش /// ولــــــــكن مابل الكبود العطيشه

بشت المسعودي

سلام رديه على دار الكرامه والشـــبب !!!!دار الرجال اللي على الماقف تسـد ديونها
يابن مغبّش كل شي .الله مقدم له سبب!!!! يوم الهواجس معك ماتبخــل بحلو لحونها



خالد الهذلي

يامرحبا ترحيبتن تمشـي علـى سلـم العـرب!!!!ربعي هذيل اهل الكرامـه تحتـزم مـن دونهـا
اسبح بحر وانحت صخر واطرب ليا عن الطرب!!!!في ليلة(ن) شفـت الاوادم يـم بشـت عيونهـا


بشت المسعودي

دام البقا والحي ماياخذ يكود اللي انكتب !!!!لو كبّرت بعض العرب في قسـمها ماعونها
يابن مغبش ودنا بالنار ونشب الحطب!!!!في ليلتن يطرب لها الهذلان ماينسونها

خالد الهذلي



انا ليا جات البضايع قلـت وينـك يالذهـب !!!!واهل الذهب صرت على كيس الذهب بسنونها
يابشت ابن مسعود شوف العد ملاي القـرب!!!!وهذيل لاشافـو العـدود الراهيـات يجونهـا




بشت المسعودي

حنا نبيع ونشتري واللي خسر واللي كسب!!!! هذي التجاره والشريطيه تحت قانونها
لو يطمع الطماع ماياخذ من النخله رطب!!!! لو قال للتجار يمّي ميّلت عرجــــــــونها

خالد الهذلي


الليله المعنى يبى يحبي على روس الركب !!!!مليان ظهره والبيـوت مثقـلات بطونهـا
بنت الهوا شفت النشاما ودها ياكم خطـب!!!!كلا يبى يرمي على وجه القصيد ردونهـا


بشت المسعودي


الليله التاريخ لازم تكـــــــــتبونه بالكتب!!!!ثم احضروا عمان ليلى واربطوا مجــنونها
الله يعزك ياللحا تكرم ولو حف الشنب!!!! انقولها ونعـــــــــــــــيدها خل العرب يوحونها

خالد الهذلي

ياطرقة السارين مابين المسافـه والتعـب!!!!اقلوبهم عجله ولو طالـت يبـى يسرونهـا
يابيتنا الي من حجر ساسه وسقفه من خشب !!!!وين النشاما الي ليا طالت تعـز اركونهـا

شباب


يامرحبابك يالحزين اللي ماسجّل فالرجز = الا بعد ماغاب والاسباب من يدري بها

الشاعر اللي في مواقيف القبيلة ماجهز = لابد يلقى حكمة الله فالحياه وغيبها


هذلي حزين


دام البقاء وأبشرترى صاحبك عنها ماعجز=سجل ولكن صار حاجة كان مايرهي بهـا
لاشك انا للفرصة الزينة ياشبـاب انتهـز = مير البلا في الناس يالنشمي وليش تجيبها



شباب




والله ماتعجز وخصمك مثل حيد ٍ مايهز = بيني وبينك كل كلمة جات في ترتيبها

الفرصة الزينة تعارف بالرجال اللي تعز = وانت وانا نعرف دروب الشعر مانخطي بها




هذلي حزين






الله وأكبر شفت نوّ الصيف همّل وأنجرز=عساه ينفع ديرة الهذلان يـوم يصيبهـا
وأشوفها تطلع تمر تنبت عنب تنتج كرز =وشباب نوب يسنّد ونوب الدير ينحي بها





شباب




الله واكبر والهذيلي يوم يهمز وانلمز = عسى المخايل في ديار هذيل تنبت طيبها

وش لون تبصرها وتمرك مع صحيبك منحرز = الله يشفي كبدك اللي ماحضر تطبيبها


هذلي حزين




بالهون قبل الخيط لايضعف وينفكّ الخـرز= حافظ على السبحة قبل في الملعبة تومي بها
اهل الحديدة يشتكون ويشتكون اهـل تعـز= وحكومة الأحمر تجامل والعيـوب تعيبهـا



شباب



الله عطانا قوة الفرسان بسيوف ٍ تحز =والمسبحة بين العرب ماجيت متعني بها

الحاكم الله قبل الاحمر توب للرحمن فز =واهل الحديدة مع تعز يشكون من تعذيبها
هذلي حزين



نبا النهائي بيني وبينك على استاد الملز= اما عليّ اجيبها ولا عليك اتجـي بهـا
يالله نبا جزل القوافي دوبه القاف استعز= ولحوني اتغني بها وألحونك اغني بهـا



شباب



هيا اعتمدها بيني وبينك وهذا مرتكز =يالله عسى كل المشارب فالوعد تصفي بها

والجزل قسم هذيل لوبعض الخلايق تستفز = وختامها ربي يبارك فالشباب وشيبها
هذلي حزين



لاوالله الا قامت المويه من القربة تنـز= وطبيعة القربة تنز الماء وهذا عيبهـا
والحيّة أم جنيب قشرى راسها دايم يهز= الغدر فيها طبع هزت راسها وذنيبهـا



شباب



بعض القرب ياصاحبي في وصفها ماتنفرز = واللي سرت عديتها مادمت في تركيبها

الحية ام جنيب قشرى تنطبخ من فوق قز = ماودي اطول معك وعلومكم مالي بها


هذلي حزين




وراك ياشباب من بيتين عدلـه تستفـز= وأنته كفو والطيبة من عادتك تأتي بهـا
سمعت قصة راعي الكبسون يوم انه قفز= من يوم ناشت كتفه وقدام لايرمي بهـا


شباب




اللي لياجات المواقف من عصاته يعتكز = تلحقه شرهة راعي القصة ومن جاني بها

الغاية ان العلم كايد مير قافي منرمز = عسى المسرة في الرجال الوافية تضفي بها


هذلي حزين




وقت القساوة فوق ربـي دون غيـره معتنـز = كم ظلمة من دون خوف امشي بها واسري بها
وأن كان في خاطرك ياسمح المحيـا مايحـزّ= ابشر بما يرضيك بيّـن دعـوةٍ تدعـي بهـا

فارس الحرف

ياسلام الله على هذيل واللي زايريين /// ربعنا اللي مجدها من زمااان جدودها

لاتحاول فالاسد والاسد دون العرين /// ماحكم في غابت الاسد كون وسوودها


خالد الهذلي

مرحبا بضيوفنا والرجال الحاضرين = ربعنا واصحابنا الي سعدنا سعودها

الاوادم كل واحد على جنبه قرين = مير ميز في بياض الليال وسودها


فارس الحرف

الـــــبقا وام الكباير لها ســــر ودفـــين = اكـــثر العربان منها تبيح سدودها

ياصحيب الجنب ياراعي الجنب المتين = يام تقدح نارها من شرار زنودها


خالد الهذلي

الخبر معروف والعلم عند ام القرين = قبلها ناسً تقلب تراب لحودها

نعم فيكم مير عيا القمر نوره يبين = حجتا لو قلتها حاضرين شهودها


فارس الحرف

لاح برق الشام والسيل حدر فالبطين = لو تباه اهذيل في حد غير حدودها

لا تحسب الحنظله خوخ ولا حب تين = مرها اللي فالثمر من مساقي عودها

خالد الهذلي

لاح بـــــرق الشام والحال لابده يزيــن = والعرب ماتارد الا قراح عدودها

انت شفت الشايب الي يدور حاجتين = حاجتً قبله وحاجه قليل فودها


فارس الحرف

ياوسيع العرف ماصاد راع المارتين = وش تصيد البندق الملتوي عبرودها

انت لو انك كما كنت في غزوة حنين = ماتهل عيونك الدمع فوق خدودها

خالد الهذلي

اثر نهر النيل يرطن على طول السنين = لو جود الناس قالو حسب ماجودها

البلا قدام والــــعين مــن تحت الجبين = والمقابر عــــاف لحم الاوادم دودها

فارس الحرف
والله انااا يالهذيلي نعرف اباا الحصين= كل حيله يا بن مغبش تقاد يقودها

ان قضبت الدرب عاين يسار ومن يمين=السحابه في سماها تدن رعودها

خالد الهذلي

القساوي بالقساوه مضرا مايلين = شجرتاً لاطبت النار يولع عودها
لو تدق الباب جالك عمر ولا حسين = مير منها الناس قامت ترف كبودها


فارس الحرف
ضبعة الوادي تعشا من الكبش السمين = وكل ماجاعت جراها تدر ديودها

ليه ماحقلت من فوق راسه حلقتين = لين يصلح كل غلطه معاد يعودها

خالد الهذلي

كلمة المعروف تردع كلام الشامتين = علم الي ماتكلم سوات حيودها
السمن فالعكه الي غزوها السارقين = والبدو تدهن جلوداً مهي بجلودها