هذيل اللي تحدت وقتها مدري تحداها

يامرحبا بالجميع بدون تحديد اسماء

سالم العجمي

سلام الله بردة وافيه لهل الكرم والجود
هذيل اللي تحدت وقتها مدري تحداها

نبا ناخذ مع الطاروق سجه حاوي ومردود
مدام ان السوالف ماتخالف تقضب اسراها


رداد الهذلي

هــلا يامرحـبـا عــداد ماهـبـت هـبـوب الـنـود

هلا في حلّـة اللـي مـن قـرى التاريـخ يلقاهـا

وعن بعض العرب عندي مسايل ردها مجحود

وادور للبـيـوت الـلـي الاجـابـه فـــي ثنـايـاهـا

سالم العجمي

لعل الك البقا يابو هلا مار ابذل المجهود
ولا تاقف على حقبة زمن راح وتعداها

وانا اعطيك الاجابه كان نارك نار ابوك العود
ولن طفيتها ضان العرب من جيز معزاها


رداد الهذلي

أرالــي طايـفـه مابـيـن الامــه فكـرهـا مـحـدود

وابـي موقفـك منـهـا هــل تناديـهـا وتنخـاهـا ؟

أشوف الكثمه اللي جمّعت مابين بيض وسود

ولـو بعطيـك سيـرة سيـدي الـفـاروق تقـراهـا؟!

سالم العجمي

انا والله اعرف انك تعرف النقص غير الزود
لاكن العله اللي الغامضه ماتاجد ادواها!

يعيش اللي يولع ناره بزنده وقدح زنود
اقول ان الرجال الوافيه من طيب مجناها


رداد الهذلي

هروبك عن سوالي ياعميلي غاية المضهود

وهـذي مـن عوايـد نـاس ماتبـدي خفاياهـا

يقولون التقيه دين لـن كـان الفضـا مسـدود

وقلب الطايفه واحـد وتبـدي حيـن مبداهـا

سالم العجمي

جهلت اني كويتي وانت تسكن ديرة بن سعود
لاكن الحين بانت لي على الذرعان مرماها

الا وحظك الاقشر ولا وحضك المقرود
((تغداك السباع اللي تبا بكره تعشاها)) :)


رداد الهذلي

عسى ربي يعز المملكة تبقى ذرا المطرود

على سنـة رسـول الله تخـزي مـن تهمقاهـا

بعد ما الطايفه قرب المشاعر صبّت البـارود

بـلاهــا ربـنــا بالطـاغـيـه صــبــح وتـغـشـاهـا

سالم العجمي

عسي ربي يسلمنا وحنا سيفك المجرود
ومن جاب العلوم الطيبه فالدرب وداها

ترا منته وكيل ولانت رب العالم المعبود
تقضب في رسن ناقتك وصحي كيف ترعاها


رداد الهذلي

ألا يالله تهدي من غوت درب الهدى الممـدود

ومــن سـبّـت فعايلـهـا بـلاهـا الـوقــت وارداهـــا

أوجـه لـك نصيـحـه والنصيـحـه تنـشـري بنْـقـود

ترضّى عن جميع الصحب واحذر من مخازاها