صـــورة وقلم ..

أقول :

أجمل مدينة في عيوني مكه أعشق حلاك

كلك على بعضك جمال من الجهات الأربعـه

أرضك حرير و تبر يا أجمل مدينة لي معـاك

أطياف ذكرى , يامكة العز , ليتك تجمعه

اتذكرك عشتك حياة وبقلبي أحمل من هـواك

أجمل معاني في مساحاتك عشـق أتجرعـه

في أول الأسبوع جيتك نمت بك عشت بهواك

وزارني في الحلم من طيف الحبايـب أربعـه

الأوله جتني حرير من الولـه تنشـد هـواك

ألماس في نحر القمر تنشد حيـاة المعمعـه

والثانيه من الذهـب تتزيـن بعقـد الهـلاك

تهلك بسحر عيونها قلبـي وتهلكنـي معـه

والثالثة جتني بفضـه رتلـت فينـي جفـاك

قالت ترى قلبي انقسم نصفين ليتك تجمعـه

والرابعه جتني بعقد نحاس واجمل من مـلاك

قالت ترى من عشقتك ما شفت غير الفرقعه

صحيت بعد الحلم منهوك البدن كلي ارتبـاك

تطوف بالخاطر براكين العشـق والزعزعـه

ما ادري حبيبي بينهم منيت نفسي لو تـراك

أضغاث احلام الليالي من حبايـب أربعـه !!

ما أدري تخيلتـك تخيلتـه تخيلـت الهـلاك

أحلام يقضـة مثـل احـلام الليالـي منفعـه

شفت الحياة أحلام صحتني وما صحت مـلاك

مازلت ناطر حلمها يصحو ويوقظنـي معـه