ديوانية الشيخ أبو حمدان الشعبية

	المشاركة الأصلية كتبت بواسطة بن عادي

	وعليكم السلام ورحمة الله وبركاته الأخ الشيخ ابو حمدان الأخوه الأعضاء جميعا مساء الخير بصراحه من اجمل المجالس بالنسبه لي مجلس التراث الشعبي ودنا وبكل صراحه نجتمع شياب وشباب في ديوانية الشيخ ابو حمدان وبشكل يومي ونتمنى التفاعل من الكل واتمنى عودة الديوانيه مثل اول واحسن وذالك بتفاعلكم لاشك وبتواجد الكل بما فيهم ((( الشياب الجدد ))) لكي نستفيد من خبرتهم ارق التحايا اخوكم بن عادي

تسلم والله يابن عادي هذا من طيبك ياالغالي
والله يشؤفني ويسعدني عودة الديوانية لسابق عهدها
ولكن نحتاج لتفاعل الجميع
نتمنى أن نرى عودة حقيقية لمواضيع الديوانية ونرى تفاعل ممتاز
وبكم يابن عادي نستطيع تحقيق المستحيل

ألف ألف شكر

الله ينصر دينك يابن عادي (( الشياب الجدد ))

نعم لابد من عودة الديوانيه الى سابق عهدها

ابو حمدان توو ما نورت الديونية ..

وننتظر الجديد في الديوانية الغانمة ....

تحياتي

السلام عليكم يابو حمدان جيت مسير على الديوانية وحبيت اشارك بهاذي السالفة
اخبرني شخص موظف يعمل في محكمة التمييز قال:
كان المشايخ يعملون خرجات(كشتات)ايام الربيع وكانوا ياخذون معهم الموظفين والمستخدمين وكان المشايخ من حاضرة نجد اما الموظفين والمستخدمين فغالبيتهم من قبائل الحجاز. وكان المشايخ ممسكين بزمام المجلس من سوالف وقصص اما الموظفين والمستخدمين فكانوا مستمعين فقط احتراما وتقديرا لمشائخهم، وفي احدى المرات قال احد المشايخ:يااهل الحجاز الايوجد لديكم سوالف؟. فقال شايب هذلي: والله ياشيخ عندنا سوالف لكن نخاف سوالفنا ماتعجبكم.فقال الشيخ لاباس اذكرها.فقال الشايب الهذلي:خطب رجل بنت من ابيها فقال الاب انها صغيرة فقال الرجل اريدها لخدمتي فقط واعاهدك بالله ان لااقربها حتى تكبر فقال الاب اذا اعطني كفل على كلامك فقال الرجل بعد ان وضع يده على لحيته:في سد وجهي اني لن اقربها حتى تكبر. عند ذلك زوجها من ذلك الرجل.وفعلا كان الرجل عند عهده فكان يلقيها ظهره عند النوم ولم تكن المراة على علم بما حصل بين ابيها وبين زوجها،وبعد شهرين نفذ صبرها فقالت لزوجها:يافلان ابي منك الحق. فقال الزوج ابشري بالحق ومايلحق.فتواردوا عند احد القضاة العرفيين فقالت المراة:(انا ادعي ياقاضينا ياللي بالحق ترضينا على رجالي اللي وسدته ذراعي ولحفته قناعي وكشفت له المستور وعيا مدفاعه لايثور )فاجاب الزوج (مدفاعي يثور ويهد الجدور لكن علي كفل وانا بالكفل ماابور) فقال الشيخ للشايب الهذلي اعدها فاعادها، فقال الشيخ: والله ان سوالفكم يااهل الحجاز مليئة بالحكمة . وعلمي وسلامتكم.

	وعلمي وسلامتكم.

سالم وغانم يا ولد العم وبيض الله وجهك

ههههههههههههههه حقيقةً سوالف البدو الاولين رائعة

ياونتي ونة ثلاث مفاريد
وثلاث محال وسبعة ذيابه

وثلاث خلج كلبوهن مفاريد
وحمامتين وثالثتهن ربابه

على عشير صابني منه تنكيد
يكيدني مير الله اللي رمابه

الله يعطيك العافية

السلام عليكم ورحمة الله وبركاته

العوده الفعليه في ديوانية شيخ المجالس هذه الليله

ترقبو الجديد ......... هذا المساء

لا تذهب هذا المساء

فأنتظار التفاعل بلا شك

في مكان الجميع

يقول:
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي .. عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون
يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

	المشاركة الأصلية كتبت بواسطة بن عادي

	السلام عليكم ورحمة الله وبركاته العوده الفعليه في ديوانية شيخ المجالس هذه الليله ترقبو الجديد ......... هذا المساء لا تذهب هذا المساء

بارك الله فيك أخي بن عادي وبيض الله وجهك
ولاشك أن ديوانية الشيخ أبو حمدان مفتوحه للجميع
وكل عضو في المنتدى يعتبر نفسه أبو حمدان المحل محلكم
ونرحب بالتفاعل الغير مستغرب من الجميع

الديوانية لها فترة نائمة لم تتحرك نظراً لعدم وجود التفاعل المطلوب
ولكن كل شي له وقت
ننتظركم الليلة وكل ليلة وكل يوم وحياكم الله في ديوانية الشيخ أبو حمدان الشعبية
والتي تفخر بتواجدكم جميعاً
شكر خاص لصاحب الأيادي البيضاء ( بن عادي ) الذي أعاد الديوانية لسابق عهدها
بيض الله وجهك بيض الله وجهك يابن عادي
ولايهون الأخوة جميع



العود القماري
والله إنك نوماس وياهلا فيك في الديوانية

وجهك ابيض يابو حمدان

وأن شاء الله ترجع الديوانيه لسابق عهدها واكثر

فأنتظار الشعراء والأدباء وكافة الأخوه الأعضاء

والأخوه اللي فوق قمة طويق

والأخوه اللي فالمحيط

وكافة الأخوه بلا شك

من كافة اقطار المعموره

محلا المجلاس بارض خليه

******** في روضة فيها الخزامئ مزاهير

وهبت عليك النود تالي عشيه

******** وشربت فنجال ا لدلال المباهير

فنجال ما صبوه من زمزميه

******** ولا صلحنه راعيات المناكير

امصلحن في دلة شاذليه

******** من وارد الرسلان خلف الدناقير

وان سقت شوفك للرياض الفضيه

******* شفت الخزامئ والنفل والنواوير

والارض مثل الزل خضرا طريه

******** لا شفتها تزيل عنك التفاكير

لو راس مالك ما يجي خمسميه

******** كنه بجيبك خمس مية ملايين

فل الحجاج وخل عنك الهواجيس ... كلن يموت وحاجتة ما قضاها

طبعا محماس راح يعيد القصيده هههه

محلا المجلاس بارض خليه

******** في روضة فيها الخزامئ مزاهير

وهبت عليك النود تالي عشيه

******** وشربت فنجال ا لدلال المباهير

فنجال ما صبوه من زمزميه

******** ولا صلحنه راعيات المناكير

امصلحن في دلة شاذليه

******** من وارد الرسلان خلف الدناقير

وان سقت شوفك للرياض الفضيه

******* شفت الخزامئ والنفل والنواوير

والارض مثل الزل خضرا طريه

******** لا شفتها تزيل عنك التفاكير

لو راس مالك ما يجي خمسميه

******** كنه بجيبك خمس مية ملايين

فل الحجاج وخل عنك الهواجيس ... كلن يموت وحاجتة ما قضاها

هذا برنامج العصريه ياحباني

وينكم يالربع

امير بكلمتي , ابو فهد الياسي , الرحال الزيادي , الأنتماء لذات

العود القماري , رايد هذيل , عماد الهذلي , فارس الصحراء

الفارس الحزين الطلعه , ابو حمدان , ابو المثلم , عز الرفيق , , كافة الأخواه الأعضاء

وينكم ياحباني

	المشاركة الأصلية كتبت بواسطة بن عادي

	محلا المجلاس بارض خليه ******** في روضة فيها الخزامئ مزاهير وهبت عليك النود تالي عشيه ******** وشربت فنجال ا لدلال المباهير فنجال ما صبوه من زمزميه ******** ولا صلحنه راعيات المناكير امصلحن في دلة شاذليه ******** من وارد الرسلان خلف الدناقير وان سقت شوفك للرياض الفضيه ******* شفت الخزامئ والنفل والنواوير والارض مثل الزل خضرا طريه ******** لا شفتها تزيل عنك التفاكير لو راس مالك ما يجي خمسميه ******** كنه بجيبك خمس مية ملايين فل الحجاج وخل عنك الهواجيس ... كلن يموت وحاجتة ما قضاها طبعا محماس راح يعيد القصيده هههه محلا المجلاس بارض خليه ******** في روضة فيها الخزامئ مزاهير وهبت عليك النود تالي عشيه ******** وشربت فنجال ا لدلال المباهير فنجال ما صبوه من زمزميه ******** ولا صلحنه راعيات المناكير امصلحن في دلة شاذليه ******** من وارد الرسلان خلف الدناقير وان سقت شوفك للرياض الفضيه ******* شفت الخزامئ والنفل والنواوير والارض مثل الزل خضرا طريه ******** لا شفتها تزيل عنك التفاكير لو راس مالك ما يجي خمسميه ******** كنه بجيبك خمس مية ملايين فل الحجاج وخل عنك الهواجيس ... كلن يموت وحاجتة ما قضاها هذا برنامج العصريه ياحباني

الله الله يازين علومك يابن عادي
هيا يامحماس أسحب القصيدة على الربابة الله لايهينك