كيف أصبح الشاعر حاسن المطرفي الهذلي شاعرا

حياكم الله ياأخوان ويسرني أن أنقل لكم محاورة الشاعر حاسن المطرفي مع الجن والشكر موصول لابومطرف علي هذا الموضوع القيم
الشاعر حاسن المطرفي الهذلي من أكبر شعار هذيل وكان يحاور الجن في منامه وقد اوصى اهله ان لايصحوه حيث تجري بينه وبينهم محاورات مشهورة عند هذيل والقبائل المجاورة ومن احدى محاوراته
هذه المحاورة بينه وبين الجن وهو يراهم في المنام ويرى صفوفهم ويقول انه يكون بين النائم واليقظان ويرى صفوفهم تسد الافق فمن احدى محاوراته هذه المحاورة

سلام جيناك من روس المشاريف = نبى نعسك عسى مابك رزيه
قالوا مسخن وقالوا حالك ضعيف =ولاتحتمل للعلوم اللي قويه
حاسن
يامرحبا بالرجال اهل المعاريف= لوكان مدري من ايات النحيه
واللي يجي من كثير الجود تخفيف= وانا من الله بخير ولاعليه
الجن
نبي نصرف كلام العرف تصريف= حتى تبين السمين من الرديه
العام تذكر تلجلج بالغطاريف =ماطحت لك في رجال (ن) صيرميه
حاسن
المعرفة وانا حاسن بحر(ن)مطيف=ماهيب سقوة ولاجتني هديه
العام اغني واعدي بالمهاييف=والعب على الناس لعب العرفجيه
الجن
جيناك بسهومنا والرمح والسيف =وانته لحالك ولالك مرحميه
يلعب بك الليل وانسام الهفاهيف =واخاف بكرة تصير انت الضحيه
حاسن
مالومكم ياكبيرين السواليف= ماتعرفون الصواب من الخطيه
ماهي علوم(ن)تصرفها على الكيف=حياة نفسي على رب البريه
الجن
والله لادحمك لين تعود معيف= واني لزاحمك بالقوم الرويه
بالكف والصف والسلطان والقيف= واصيح للجن واقول الحميه
حاسن
قهرتكم بالنبي راع المواقيف =محمد اللي بباب العنبريه
لكن صلوا بنا في مسجد الخيف =واحنا نصلي بكم في العابديه
الجن
طايح بغبة ولاعندك مجاديف =راحت عليك الرباع مع الثنيه
ليا بغيت المعاني والمحاريف= لاتارد الا العدود الجاهليه
حاسن
حنا وردنا البحر وانتم مكاتيف = يالاعبين اللحون السامريه
روحوا مراح السحاب اللي مراديف= انتم غريبين والدار هذليه


لكم أحترامي وتقديري