فكرة برج المليون رد .............!!!

.


هذه قصيده لشاعر البرزان ..

الشاعر .. سحلي العواي المطيري رحمه الله


في مدح / الأمير سلمان بن عبدالعزيز





انا ليامني تذكرت سلمان

كني خشير الراجحي بالتجاره




الله يخلي لي سلايل كحيلان

اليا منها ضاقت علي الجحاره



الي تجود فيه ما هو خسران

شوفت قباله ربح ماهي خساره



احلى من السكر على حلو الالبان

ونار ن على المجرم تقطع شراره



سيف الجزيره ما يبيع بالاثمان

سبعٍ سبع عنا سباع النماره



سيف ن يقص الراس من حد الامتان

يفرق على كل السيوف بشطاره



ونلقى ببيته مثل كرمة سليمان

دايم نقلط كل ليل ونهاره



ابزبنه عنده من الدين مزبان

اظني اسلم من ديون العماره



بنيت قصر ن فيه سبعين ديان

يابوفهد ويني ووين الحضاره



بعت الغنم وقعيت .مثل ام ضيدان

مثل العضيل اللي تفتش اصراره



.يطلبني الكهرب ودكان عثمان

لالي معاش ولا حصل لي نياره



والذيب ما يمرح ليا صار جيعان

ولاتنبدى الشكوى على كل اماره



ولاني مبديها على فلان وفلان

الزول يتبع خيرته واختياره



ونته خياري من شباب وشيبان

لو ان من دونك ملوك اوزاره



امجربينك والتجاريب برهان

ومعك الخبر بالناس تتلي الخفاره



ولا الدهر ماللعرب فيه مسكان

حتى الحباري ما توقع ابداره



ياسيدي به حفرتن وزن ريقان

وهي للحكومه جعل عمرك عماره



احسن عليه فيه ياراع الاحسان

بحسناك يامير الشرف والطهاره



اللي توسط له رقا راس ما بان

يمسي تحت والصبح في راس قاره



ماني بدلال على كوم طليان

ولازارع زرعٍ ترجى ثماره




انا ادري انه من ورى الباب بيبان

لاشك موتركم يطوف الاشاره



يابن العقاب وماكرك وكر عقبان

مجناك من عش ن قليلٍ دماره



عبدالعزيز اللي ولاها بشامان

لين انجلا عنها العدا والمراره



يصفق هذولا في هذولا بالكوان

يضحي الضحى ما ينجلي عن غباره



ثبت مراسمها على كل الاركان

اللي على يمناه والي يساره



خلى الغنم تلعب على راس سرحان

وتنقز على روس الذياب الجفاره



خلى قراياها بساتين وجنان

ومكيفات ن عن سموم وحراره