( انا وحبك )

اضع بين ايدكم هذه القصيدة عسى ان تنال اعجابكم واستحسانكم

( أنا وحبك )


[poem=font=",6,black,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/29.gif" border="none,4," type=1 line=0 align=center use=ex num="0,black""]
حياك ياللي كل عمري فداياك = اقولها ذلحين وان كان بعدين


أنت الذي يازين لولاك لولاك = ماقر نبض القلب والرمش والعين


العين ماشافت شبيهك وحلياك = من الزمان الاولي لين ذلحين


سبحان من كمل وصوفك وحلاك= ماكانك الا من بنات السلاطين


تسلم يمين اللي على العز رباك = عايش حياة العزماتعرف الدين


يكتبك قلبي من غلاتك ويقراك = واكيد بكره من غلاتي بتقرين


متربع حبك وجالس بمركاك = في وسط قلبي والحنايا موامين


الناس ترضيني وانا ادور رضاك = ورضاك همي لو يزعل ملايين


اذكرك في برد الشتاء حيل وادفاك=واذكر عبير فاح باحلى الرياحين


ماغاب طيفك عن خيالي وذكراك = عشق نثرته في سطور الدواوين


ابطيت يالمزيون مدري وش ابطاك= والقلب ماينساك مهما تباطين


ادري تبى المعواد والقلب يبغاك = منته بناسي من تحرالك سنين


وان كان في وصلي ظروف تحداك= انا وحبك للمعاناة باقين


ان جيتني حياك وان رحت حياك =اقولها ذلحين وان كان بعدين[/poem]

السلام عليكم ورحمة الله وبركاته


حيالله شاعرنا مطرفي الجــوف

لاغاب المطر غيبتك يابن العــم، ومرحبابك.


قصيدة جميلة صح لســانك ، مبدع، احساس هادئ، وروعه وجمال.


ننتظر إبداعاتك شاعرنا


تحية طيبة

صح السانك وعتلاء شانك
قصيده عاطفيه رايعه وسلسه
مترابطه فيها من الصور الشعريه الجميله
الشئ الكثير جزله من شاعر جزل
ولاكن عتابي عليك انك تستطيع ان تصخر بيوت الشعر
وتاتي بها كلولو المنثور ولاكن مقل في الطرح وسبق ان قلتلك ولازال اقلك
الطريق امامك لاتتردد وانظر الى الامام ايه الشاعر الجميل
تقبل مروري وعتابي بصدر رحب ولك تحياتي وتقديري

القصـــــيده في غايـــــة الروعه
يــــــسلم كاتبها

ياسلاااااااااام صح الله لسانك وبيض الله وجهك

قصيده رائعه وابيات تروق لي

أشكرك واتمنى أن اشاهد الكثير من قصائدك ولو أنك مقل في الطرح

يكفي حظورك بقصائد شامخه


تقبل مروري

	المشاركة الأصلية كتبت بواسطة عماد الهذلي

	السلام عليكم ورحمة الله وبركاته حيالله شاعرنا مطرفي الجــوف لاغاب المطر غيبتك يابن العــم، ومرحبابك. قصيدة جميلة صح لســانك ، مبدع، احساس هادئ، وروعه وجمال. ننتظر إبداعاتك شاعرنا تحية طيبة

ابقاك الله ياعماد ولا غابلك غالي يابن العم

والاجمل حضور شاعر مثلك واطرائه على القصيده

وشهاده اعتز فيها من قامه شعرية

اكرر شكري لمرورك الكريم

	المشاركة الأصلية كتبت بواسطة جميل المطرفي الهذلي

	صح السانك وعتلاء شانك قصيده عاطفيه رايعه وسلسه مترابطه فيها من الصور الشعريه الجميله الشئ الكثير جزله من شاعر جزل ولاكن عتابي عليك انك تستطيع ان تصخر بيوت الشعر وتاتي بها كلولو المنثور ولاكن مقل في الطرح وسبق ان قلتلك ولازال اقلك الطريق امامك لاتتردد وانظر الى الامام ايه الشاعر الجميل تقبل مروري وعتابي بصدر رحب ولك تحياتي وتقديري

صح بدنك يابو راشد
وحنا طلاب في مدرستك الشعرية المعروفة
وكلامك على راسي وعتابك يثلج صدري
لكن بصراحه شهادة من شاعر مرموق اضعها وسام على صدري
وافاخر بها امام الملأ
شكرا شكرا ابو راشد

مطرفي الجوف


صح لسانك يابن العم


قصيده جميله استمتعت بقرائتها


بيض الله وجهك

.

[poem=font=",6,white,normal,normal" bkcolor="darkred" bkimage="" border="none,4," type=2 line=1 align=center use=ex num="0,black""]
ماغاب طيفك عن خيالي وذكـراك=عشق نثرته في سطور الدواويـن
ابطيت يالمزيون مدري وش ابطاك=والقلب ماينسـاك مهمـا تباطيـن [/poem]


الف شكر لمثل هذا النص العذب ..

ولصاحب هذا النص الرفيع كرفعة صاحبه ..


اخي الغالي .. مطرفي الجوف


صح السانك ملاييين ..

ولاهنت على هذه الدره




تحياتي

[align=center][table1="width:95%;"][cell="filter:;"][align=center]
وعليكم السلام ورحمة الله وبركاته

صح لسانك واعتلى شانك

قصيده مليئه بالروعه والجمال

ومازلنا فأنتظار المزيد المزيد من ابداعاتك


ارق التحايا ياذيبان
[/align][/cell][/table1][/align]

	المشاركة الأصلية كتبت بواسطة حمادي المطرفي

	ياسلاااااااااام صح الله لسانك وبيض الله وجهك قصيده رائعه وابيات تروق لي أشكرك واتمنى أن اشاهد الكثير من قصائدك ولو أنك مقل في الطرح يكفي حظورك بقصائد شامخه تقبل مروري

صح بدنك اخوي حمادي المطرفي ووجهك ابيض

الرائع حضورك ولا شكر على واجب وهذا واجبنا تجاه منتدانا العريق

والله يجيب المطر من غر الامزان
والف شكر وشهادة من شاعر افتخر فيها

	المشاركة الأصلية كتبت بواسطة ماجد السعيدي

	مطرفي الجوف صح لسانك يابن العم قصيده جميله استمتعت بقرائتها بيض الله وجهك

صح بدنك يابن العم

والاجمل حضورك والرد على القصيدة

ووجهك ابيض

والف شكر على مرورك يالغالي

صح السانك يا ذيبان

قصيده رائعه جدا

وشهادتي فيك مجروحه



وش اخبارك واخبار الشباب اللي عندك والشاعر الجنوبي

سلم عليهم

شكرا لك على الموضوع المميز

تقبل مروري وتحياتي

	المشاركة الأصلية كتبت بواسطة فارس الصحـراء

	. [poem=font=",6,white,normal,normal" bkcolor="darkred" bkimage="" border="none,4," type=2 line=1 align=center use=ex num="0,black""] ماغاب طيفك عن خيالي وذكـراك=عشق نثرته في سطور الدواويـن ابطيت يالمزيون مدري وش ابطاك=والقلب ماينسـاك مهمـا تباطيـن [/poem] الف شكر لمثل هذا النص العذب .. ولصاحب هذا النص الرفيع كرفعة صاحبه .. اخي الغالي .. مطرفي الجوف صح السانك ملاييين .. ولاهنت على هذه الدره تحياتي

صالح دخيل الله فارس الصحراء شاعر هذيل واسم له حضوره على الساحه الشعبية

اشكرك على المرور والتعليق على القصيدة

ويعلم الله ان مرورك واخواني الاعضاء شرف لي وحافز لكل شاعر مبتدئ

كما نشكرك على هذا الوقت الثمين الذي تقضيه معنى في هذا المنتدى وتشارك وتعلق وتحفز اخوانك الشعراء
وتثرينا بالمعلومات الجزلة عن كل مايخص قبيلة هذيل العريقة

ابو دخيل الله اكرر شكري الجزيل لك