صـــورة وقلم ..

::
أجي يمه و بوادع و لكن صعب ما أقدر
أنا مقدر على بعاده و طاري البعد و فراقه
أصد أتهرب و أبعد و أحاول منه أتعذر
أخاف نطيح دمعاتي و أنا مقبل على عناقه
يدري إني أحبه حيل لا يمكن بعده أصبر
و أنا متعاهد و قلبي صعب أخون ميثاقه
أخافه يبتعد عني و أخاف أبقى معه و أخسر
تعب قلبي من أفعال الزمان و ظلمه و إرهاقه
لعلمك كل ما تكبر غلاك بداخلي يكبر
و أشوفك داخل أعماقي بوسط القلب و أعماقه
أنا لامن تذكرتك يضيق الصدر و تأثر
و أقلب دفتر أيامي و أبعثر كل أوراقه
قهر يا قلبي لا تشكي و لا تحزن و لا تسهر
سنين البعد تلعبك و نار الشوق حراقه
كثير الوقت يجمعنا لكن الوداع أكثر
كثر ما مت في قربه أموت بلحظة فراقه.