قصائد مسلم بن شعيل الهذلي جمع وتنسيق عمر عبيد العميري مراجعة وتحـقيق الشاعر عماد الهذلي.

يا ما جد أنا لي نظر في الريا جيل
لي نظرة ما عمرها خيبتني
أميز أصحاب المواهب من الجيل
بيض الليال عن الرجال أخبرتني
كثر التجارب تصقل العقل تصقيل
في مدرسة علم الحياة أصقلتني
يا بن سعدالله خل عنك المهابيل
أعلومهم لا طعتهم عقدتني
مجموعة تركض على الدبك بالليل
أخبارهم قدام أواتيك جتني
معهم علاهم مثل شقراء مع الخيل
ما عاد أشوف إلا بشر فا جعتني
أعداء النجاح سلاح فتنة وتضليل
أنشدني أنا اللي زمان أحربتني
ترى الحسودي لوضحك معك تمثيل
على ها لشكال السنين أطلعتني
اللي يجيك يحط في الهرج ويشيل
جنب و قله بندقي فوق متني
أنحش عن معزب أهل القال والقيل
قول شيمتي عن مجلسك ما نعتني
هذا هو الموجز وقافيته تفصيل
محاوراتك مع ثواب أعجبتني
شاعر من ناس يوفون بالكيل
شهد لك من الرجال أنشدتني
خلك مثل ما أنت ولا تقبل الميل
أبياتك اللي أوحيتها عشمتني
أن عشت لك مستقبل تمثل هذيل
لي نظرة ما عمرها خيبتني