فكرة برج المليون رد .............!!! - الصفحة 1447 - ::{ مجالس قبيلة هذيل }:: موقع يهتم بتراث القبيلة ومفاخرها

05-09-2010, 02:06 AM


	المشاركة الأصلية كتبت بواسطة الفارس حزين الطلعة


	السلام عليكم وكيف الحال عساكم طيبين

يالله حي مديرنا الغالي ابو خالد
منوووووووووووووووووور

05-09-2010, 02:06 AM

وعليكم السلام ورحمة الله

ويامرحبا وياهلا يابو خالد

وابشرك في خير ونعمه ولله الحمد

,,,,,,,, مطرفي الدلم تهناكم الرحمه

ماشاء الله تبارك الله اجوائكم غير هالحين

,,, اشترولكم قارب لطواري

05-09-2010, 02:07 AM


	المشاركة الأصلية كتبت بواسطة بن عادي


	مرحبا يامطرفي الدلم وصباح الخير ياريس منور

البقى يابن عادي

كيف حالك طال عمرك ؟؟

05-09-2010, 02:08 AM


	المشاركة الأصلية كتبت بواسطة مطرفي الدلم


	البقى يالذيب تسيف حالك وكيف حال الجميع هنا والله ماهي رحمه وحده نزلت 99 رحمه أبشرك ( أربع سيلات في أقل من أسبوع ) ياخي والله بيتنا شاليه رهيب للي يبي يستاجر !! يطل على البحر اليوم الساعه 6 الصبح طالع والله إلا أشوف السيل عند البيت !! أقول من وين جاء ؟؟ أثر ماوان طايح عليه مطر ودك سيله علينا <<<< الرجال يسولف وطول بالحيل

الله يزيدكم من الخير طال عمرك انا اشهد انها ديرةً تستاهل واهل بعد يستاهلون

05-09-2010, 02:10 AM


	المشاركة الأصلية كتبت بواسطة خالد بن عيد


	هلا قوام اولد العم عساك طيب

بخير اخوي خالد جعلك بخير

05-09-2010, 02:10 AM


	المشاركة الأصلية كتبت بواسطة بن عادي


	,,,,,,,, مطرفي الدلم تهناكم الرحمه ماشاء الله تبارك الله اجوائكم غير هالحين ,,, اشترولكم قارب لطواري

جزاك الله خير

والله أجوائنا هاليومين غير ماليزيا ولا شئ عندنا !!

بعدين مانعرف قوارب نعرف تانكي حق زيت المكاين نقص عند الورش وأنواع الإبداع في السيول <<<<<< لاتصدق يابن عادي أمزح معك

مير فيه شئ بقوله لك ( كرر الزياره علينا والله ماجلست معك مره مامليت عيني بشوفتك )

05-09-2010, 02:10 AM

لا تنظر إلى الماضي بغروبه

انظر إلى الحاضر بشروقه

وإلى المستقبل بسطوعه

05-09-2010, 02:11 AM

في فن علم النفس وانماط ii الحيـاه مصيبتـك طلّـع وراهـا فـايـده..
لاينتثر فكـرك علـى كـذا ii اتجـاه الخصخصه فن العقـول iiالرايـده..
وان ساد من حولك شعور ii الاشتباه خذ لشعـورك منطقـه iiمحايـده..
الثقه سقف العقل والناقـص ii ذكـاه من حسسك بأن فيه حاجه iiزايده..
والابداع؟ماهو لعب شـد ii الانتبـاه على حساب الغاء فكـره iiسايـده..
والضيق ضيق الافق واكظام ii الشفاه وفهم الحياه على انهـا iiمزايـده..
افضل وسيلـه للسعـاده ii والنجـاه سهله على الراغب ولا هي iiكايده..
توحد الله صـدق وتقيـم ii الصـلاه وجعل الفواحش عن حدودك iiنايده..

05-09-2010, 02:12 AM

ألا لا تلوماني كفى اللوم ما بيا ،،، فما لكما في اللوم خير ولا ليا

ألم تعما أن الملامة نفعها ،،، قليل وما لومي أخي من شماليا

05-09-2010, 02:12 AM


	المشاركة الأصلية كتبت بواسطة محمد حميد الزيداني


	الله يزيدكم من الخير طال عمرك انا اشهد انها ديرةً تستاهل واهل بعد يستاهلون

الله يجزاك خير وماعليك زود يالغالي ولابد تسيرون علانا في الديره بعد هالخير اللي طاح علينا انت والربع

05-09-2010, 02:14 AM

أبو حميد مساء الخير طال عمرك منور برج الحرية

ابن عادي وين التشاكيل الخشبية

مطرفي الدلم تهناكم الرحمة وسقيا خير

خالد بن عيد حياك الله

تكفيني الذكرى مرحبا بك

05-09-2010, 02:15 AM

يا ساري الليل والا الليل ساري بـك .................الليل يسرى وكم في الليل من ساري
ياليل مظلم وحتى لـو عـوى ذيبـك..................... والا بدا في سماك النجـم سهـاري
الله يـا ليـل يـا مكثـر عذاريبـك.......................تخفي علوم الردى وانتـه بهـا داري
ياليل مليـت مـن لعبـك واكاذيبـك ..................... في سوقك أمسيت لا بايع ولا شاري
مكشوف يا ليل لو تخفـي مخاليبـك ....................يطريك يا ليل لدروب الغوى طـاري
مالك غرض بي وأنا يا ليل مالي بك ................منهاجي الصدق وانته بالغدر ضاري
يا ليل ماني محقـق لـك مطاليبـك ..................... لو كان غنيت لي معزوف الأوتـاري
يا ليل ما لي هوى في خبثك وطيبـك ...................مرتاح في وحشتي واصبر على ناري

شعر د/ عبدالله المعطاني الهذلي

05-09-2010, 02:16 AM

الله يسلمك يامطرفي الدلم

والله اني مأكره المجي يمكم ويعلم الله اني انا وصالح المطرفي ومحمد الزيداني

استأنسنا بالمجي يمكم ويسعدنا تكرار الزياره

والله يبيض وجيهكم يأهل الكرم والطيب

والجيات اكثر ,,,,,,,,,, س سؤال ماهو اسم التمره التي قدمتها لنا ؟ نسيت اسمها ههههههه

05-09-2010, 02:16 AM

أبو حميد مساء الخير طال عمرك منور برج الحرية

مساء النور مديرنا الغالي ابو خااالد

05-09-2010, 02:17 AM

أنـا ماقول لا ماقول ما أنـت بشــايف ٍ خيـره
وأنـا مـانـي بـقايــل صاحبــك وافـي ولا خــوّان

يقولون القمر لاغاب يضوي له على ديــــره
وأنا أقول الحبيب إن غاب يضوي له على خلان