العرب متفقون ولا عزاء للحاقدين !!

وعليكم السلام ورحمة الله بركاته

ههههههه

الله يسعد ايامك بالخير يا باش مهندس بيرق

وترافيان للحين موجوده حسبتهم قلبوا قيمزر < ابشركم سمعت واحد يقول مسمي نفسه هذيل عسكر البارود في القيمزر<< دليل على الانتشار في اصقاع المعموره

اما ترافيان هذي قصتها قصه

مره من المرات كنت ضيف عند واحد من أهل الطائف نسولف عن التعديات والنفسيات وتأثير الأجواء البارده

والفواكه الطازجه على الحالة النفسيه فكما يقول هو أن الأجواء البارده تهدئ الروع وتقلل من قفلة الاخلاق

واكل البرشومي طازجا في جو ربيعي يسبب قليلا من الفداغه التي بدورها تمنع انفلات الأعصاب وقول ما لا يقال

تررررررررم تررررررررررررم << جوال معزبي!!

رد عليه وهو متكئ في بادئ الأمر وأشغلت نفسي بلعبة الثعبان snake اللي في الجوال الرهيب

وانا منهمك اصيد بالثعبان وادخل منا وأخرج مع الجهه الثانية وما تسمع الا طوط زرط والثعبان بدا يطول

والا معزبي فز وتربع وسمعته يقول هدمها بأكملها<<<<<<<<<<<< طبعا بين هذا وذاك سمعت عييط <<الثعبان صدم

أسألك بالله؟؟؟!!!

بالمقاليع؟؟؟!!

وبعد هالكلمتين سمعت جميع انواع الشتائم من يلعن والدي والدي والدي الى آخره>> وصلها الجد الخمس طعش!!! وين الجو البارد والسواليف اللي اولا؟؟؟

انا خابر له استراحه جديده قلت اكيد احد هدمها !! اكيد هوشه .. وبدأت بالاستعداد كرمك الله يا معزبنا << طبعا لو جلست لزمنى الماقف وهذي هوشه مولعبه

خلص مكالمته على عجل _ ربع ساعه - وما زالت جبهته متورمه من كثر اللطم

قال لي لالالا وين رايح أوووووووووووووووووووووووو ووووف هذا فلان يقول واحد هجم على قريتي في ترافيان

وهدم المخازن والمخابي كانت تنتج سبعاطعشر الف طن قمح وعندي جنود وجواسيس و لا تقولون لي ويش صار ؟؟

بلشت به يا ولد استهد بالله عذبل من الشيطان قدر الله وما شاء فعل اعط خاطرك السعه وعلبة مناديل خلصت

ما تسمع الا فيييييييييييييط

طالعت في جوالي لقيت مكتوب في الشاشه يو لوس game over

نظرت في وجه معزبي مابين مستغرب وحاقد

أما الاستغراب فهل وصلنا لهذه الدرجة من الحمق أن نصرخ ونزمجر ونسب ونشتم ونتلفظ بأبشع الألفاظ من أجل لعبه

واما حقدي عليه ففي اثنتين الرعب الذي أصابني من الهوشه

والثانيه ثعباني اللي ازترط له تسعا طعشر بيضه وأشغلني عنه وصدم


اما مقولة اتفق على العرب على ان لا يتفقوا فلا أدري هل هم أجبروا على الاختلاف أم هي عادة العربي ولكن المرجح

أنهم أجبروا على الاختلاف لأنها لوكانت عادة لما اتفق العرب ووصلت حضارتهم عنان السماء وكانت بغداد وبلاد الشام

ومن قبلها المدينة المنورة منابع للعلم والمعرفه ليس هذا فحسب وإنما تحكم العالم الاسلامي من بلاد الهند والسند شرقا

الى بلاد المغرب العربي حينما كان مطلقوا هذه الشعارات يعيشون في العصور المظلمة ...

تحياتي باش مهندس