مصر بين قادح ومادح .. أفتونا مأجورين ؟

عماد
الحقيقة كلامك معجبنيش خالص
و باين عليك حتى مع اقامتك في مصر معرفتش حاجة عن مصر مع إن بعض كلامك صحيح ..

	المشاركة الأصلية كتبت بواسطة عماد الهذلي

	طيب الصراحة مصر بلد لا ينفع للسياحة من وجهة نظري المتواظعة، وحسب خبرة وتواجد في هذه الدولة لمدة ثلاث سنوات... ليش؟

و ربنا حرام عليك، بس رأيك و نحترمه يا عمده بس زي ما انت قلت فعلا "وجهة نظر متواضعة" جدا جدا

	المشاركة الأصلية كتبت بواسطة عماد الهذلي

	البلد لا أنكر إن فيه أمور جميلة، ولو كانت طبيعية نوعا ما بإستثناء الأهرامات با عتبارها إعجوبة من عجائب الدنيا، أما بقية الأمور فموجود مثلها أو شبيهها حتى في مكة.

هنا بقا الحقيقة موتني من الضحك والله، مكة ايه يا عماد اللي القاهرة تشبهها!! مع إحترامنا لقداسة الأرض لكن لا يوجد أي تشابة بين المدينيتن و أصلا مكة مساحةً تعادل حي من أحياء القاهرة! يا ليتك توضح لي يا عماد ايه اللي في القاهرة زي مكة بس بالله غير الهيلتون و رينيسانس حياة!

	المشاركة الأصلية كتبت بواسطة عماد الهذلي

	أعود واقول مدينة القاهرة مدينة " متسخة جدا"، للأمانة، شوارع مزدحمة، مأكولات ملوثه، كذلك قضية "الغش" أعتبرها ظاهره تستحق التوقف، فمع إحترامي لإخواني المصريين، إلا أن المصري ممكن يأكلك لحم "بس" وطبيعي جدا...وصارت ما نقول مافيه ناس أوادم..!! لا فيه بس أكثرهم طبقة مثقفة ولا يمكننا التعامل معها، ونحن سواح، فالسائح لن يتعامل إلا مع "جزاريين" بكل تجرد.

هنا أتفق معك جدا أن القاهرة ينقصها التنظيم جدا و لكن هذة المشكلة لها جذور و الحقيقة للحكومة دور كبير جدا في تفاقمها بداية من اهدار حقوق الزبّالين فأضربوا و تقاعصوا عن عملهم نهاية بارتفاع الأسعار الجنوني مع عدم تكافؤ الدخل فلجأ العديد لتشغيل أطفالهم ليساعدوا في المصاريف فانتشر الجهل و كثرت الشحاتة في الشوارع و هذا الأمر يطول الحديث فيه و سيخرجنا عن الموضوع.
أما الناس فمثل ما قال الود طبعي من قبل، عامل الناس كويس يعاملوك كويس من اول الزبال لحد استاذ الجامعة و طبعا في ناس مش ولا بد بس أكيد مش كثير أوي أوي

	المشاركة الأصلية كتبت بواسطة عماد الهذلي

	متحاف وجل مافيها كذب وزيف، وصناعة ... فجل الاثار المصرية في الخارج، حتى "أنف ابو الهول"

وضحكاتي تتعالى مرة أخرى، عماد انت بتدرس ايه والله لو تاريخ هازعل منك أوي أوي، عارف بغض النظر عن ملايين القطع المصرية المسروقة و المعروضة في بريطانيا، فرنسا و غيرها من العالم، مصر ما زالت تحتوي على تلت آثار العالم! أنف أبو الهول اتحطمت لما ضربها نابليون بالمدافع و القصة معروفة!! و تقول لي المتاحف اللي فيها جله كذب و زيف و صناعة .. ركز يا عماد و صلي على اللي هايشفع فيك و متزعلنيش منك يا دكتور!

	المشاركة الأصلية كتبت بواسطة عماد الهذلي

	حقيقتا جميع من أحبوا مصر ممن عرفتهم، هم اصحاب "الهوى"، شارع الهرم، الاسواق الحرة، وشقة سياحية، وبس.......وقل لواحد منهم وين رحت غيرها..!

صدقني لو دول بس اللي حبوا مصر كانت السياحة عندنا في مصر انضربت بعد ما الناس أخدت رجلهم على المغرب و لبنان. بس يمكن السايح المكبوت عجبه دا بس الأجنبي اللي بالنسبة له شارع الهرم و لا اي حاجة ما زال بيجي، طب بيجي ليه يا أستاذنا؟!! حرام عليك مصر مش بس شارع الهرم و شقة سياحية ,, اتقوا الله

	المشاركة الأصلية كتبت بواسطة عماد الهذلي

	ومع احترامي لما ذكرته "الأخت ملك" والأخت "سحاب" كلها أماكن "مثل حارة طبطباوي، والمنصور، والحفاير...الخ

عماد مرة تانية باقول لك انت محتاج بجد تروح مصر، بس روح مصر الحضارة و شوفها بعين تانية

	المشاركة الأصلية كتبت بواسطة عماد الهذلي

	والاخت سحاب تقول: ودي أكمل دراسة في مصر...!!... طيب عادي، أكيد نعمة السعودية ما عرفتيها بعد... راح تكونين فقاعة فيها من فوق الثلاث مائة طالب وطالبة، بدون تكييف، سوالف وضحك وقصص غرام على عينك يااجر، وحتى الدكاتره مالهم نفس حتى يشرحون، نص الوقت "تنكيت"....

لا ننكر ان عدد الطلاب كبير و ان قاعات المحاضرات مش كلها بأجهزة تكييف و لكن و بحكم عملي الجديد مدرس بجامعة القاهرة، أري ان التكييفات بكل قاعات المحاضرات و بدأوا بالمدرجات الكبيرة.
أما بقا الضحك و السوالف و الغراميات فمش كل اللي رايح الجامعة رايح لكده و اللي عايز يتعلم أكيد هايلاقي اللي هو رايح له!
سحاب، لو عايزة تيجي مصر تعال و فكك من عماد :)

	المشاركة الأصلية كتبت بواسطة عماد الهذلي

	مع كامل إحترامي \ لمشرفي أ.د. سليمان العطار هو العلامة الفارقة الوحيدة إللي طلعت بها من مصر..

و من سليمان العطار كتير و اللي يدور يلاقي في كل التخصصات ناس محترمه بتعلم و تتعلم
انت بتدرس ايه يا عماد و بأي جامعة؟ و لما مصر و جامعاتها وحشة كده، روحت مصر ليه؟ بجد دا سؤال بريء مفيش وراه أي غرض (مجرد حب استطلاع).

	المشاركة الأصلية كتبت بواسطة عماد الهذلي

	مع إني ما أنكر \\ لحظة دخول الجامعة، الصباح تنفتح نفسك \\ وعلى طول راح تسأل إللي "بجانبك"..."هي الساعة كاااام" صدقني الجواب ألطف من معرفة "الوقت"..لنه راح يكون "انت مش مصري..؟؟"

يا ابن الحلال دا طبيعي، لهجة مختلفة و الشخص اللي انت بتكلمه متوقع يسمع مصري :) زي ما انتو في السعودية لما اتكلم تقولوا الاخت من مصر و لما اروح امريكا و اتكلم يقولوا انت بريطانية يعني عادي يا عماد والله متكبرش المواضيع يا راجل :)

	المشاركة الأصلية كتبت بواسطة عماد الهذلي

	لكن مع ذلك كله، هي وجهة نظري، وبودي الحقيقة أن تشرفنا يابو خالد وترى بعينك، ولو إنك وعدتني أنت تحضر مناقشة "رسالتي"، فلاتنسى، أوعدك اركبك الترام. بقي نقطة، وهي مهمة....... قضية الصرف، مثل ماقالت الأخت سحاب.... ممكن بصراحة اللي يصرفون يعيشون حياة أفضل، فندق، وسيارت يتمشون بها، مكيفات،يركبون عند الاهرام جمل خمسة تعاشيق .... والبلد غالية، طول الوقت يدك فجيبك، حلاوة، بخشيش، حساب، أدفع بس حنا وحنا طلبة، وشخصيا أنا على قد حالي، لكن والله اشوف البلد غالي جدا جدا..... مع إني أركب مواصلات "مترو، ترام ،باص" بس والله ما تلحق على "القروش" تحية طيبة

البلد غالية على أهلها صدقني و مش موضوع البقشيش و الاكراميات في اللي مغلّيها و لكن السبب الحقيقي هي الازمة العالمية اللي حصلت من اكتر من سنة و رفعت الاسعار و لكن في بلادنا اللي بيغلا مش ممكن سعره ينزل تاني، أديك انت يا عماد في مصر و انت سعودي و بتقول مصر غالية
ربنا يا عماد يرزقك و تقدر تصرف و تبعتر في الفلوس زي ما كتير من أهل الخليج بيعملوا و الناس دي هي اللي عملت السمعة دي على الناس الخليجيين انهم - مع احترامي - سرر متحركة من الدنانير زي ما اللي معجبهومش في مصر الا شارع الهرم ما عملوا السمعة إن مصر احلا حاجة فيها الهلس و بعدين المصريين قالوا الخليجيين بتوع ستات!!
طولت عليكم جدا
بس صدقوني على أد ما الكلام و الحال اللي وصلت له مصر أو أي من الدول العربية بيضايقني إلا إن مناقشة المشكلات دي و بصراحة مع ناس تعرف تناقش و تحترم الرأي الآخر و لو عارضها بيسعدني جدا لأنه بيعطيني أمل إن في ناس لسه بتفهم و كمان يمكن يوم يقدروا يغيروا و يصعدوا بالمنحنى لأعلى بدلا من التدهور الكبير اللي هو طايح فيه
عماد
اختلاف آراءنا لا تفسد لأخوتنا قضية
حامد
موضوعك أخد منحى غير منحاه بس شكرا لك فتحت لنا بوابة نقاش جميلة
ما زلت انتظر زيارتك لمصر المحروسة و انتظر رسالة منك تقول يا ملك انا عايز مساعدة
احترامي للجميع
ملك