يا أهل الكيف! تفضلو فنجال قهوة

وهذا بيت الشعر لعيونك يابو ملاذ




قصيدة / مرير الحبيل العتيبي

الخيمة اللي شيدوها الونادين
....................... مثل العبل ما بين عرجا وجمران
من شافها ماقال خيمة مخيلين
..................... لاجل النشاما شيدت فوق عمدان
وليا نشدوا عنها طروش محيلين
........................ قالوا محل من محلات عتبان
عيال عود للطراقي مهليــــن
......................... والضيف يلقاله مفاطيح طليان
والعود الازرق عجعجت به مداخين
.......................... بن اليمن والهيل في دلال رسلان
ذربين في كل المواجيب وافين
............................ وهذي فعول سيسوها جدان
سعودي مقدمه مكعام المعادين
................................ كريم سبل المواجيب طربان
راع السخا والطيب طلق الحجاجين
................................. اللي يقلط للمسايير قعدان