مباشره // الشاعر / عماد الهذلي // الشاعر / عبدالرحمن مساعد

صحت ابدانكم جميعا


ومرحبا بمن أتى


نقطة تحول بيض الله وجهك ياذيب


يعلم الله يعلم الله اني فرحت بحضورك ولاهان كل من حضر



تحية طيبة

	المشاركة الأصلية كتبت بواسطة عماد الهذلي

	صحت ابدانكم جميعا ومرحبا بمن أتى نقطة تحول بيض الله وجهك ياذيب يعلم الله يعلم الله اني فرحت بحضورك ولاهان كل من حضر تحية طيبة

وجهك أبيض يأبن العم

على راسي أخوي عماد ويشهد الله إني دخلت عشان المحاوره الكبيره

التـي دار فيها من الجمال والفخـامـه الشيء الكـثير

وأشكر الشاعر الكبير عبدالرحمن مساعد ..

دمت بود ~

عبد الرحمن :::

سلام ..من قلب ولسان وفكر واحساس وضمير ** ينصى هل الطالات ربعي والضيوف يعمها
يـ عماد دفوكـ الجماعه وسط نار(ن) من سعير ** وام الخــلاخل بعد هذا اللــيل تــعرف عمها

عماد ::

يا مرحبا ترحيب أسوقه للكبير وللصغير ... من باب تقدير الرجال إللي المراجل همها
يـعماد سموك الجماعه وأنت للطالة سفير .....لو إن بعض الناس مدري ليه فاير دمهـا

عبد الرحمن ::

ودكـ تصّير شي ياابن الناس عمره مايصير! ** وانته تعرف العقرب اللي في ذنبها سمها
الكلمه اللي لاهي بفعل ولا اسم ولاضمير ** اللي عليــها فتحه وشده ..لـزوم تضمها

عماد ::


لا والله إنا ما وردنا الا على العد الغزير .... ولانمدح العربان لامن جات ثم نذمهـا
من أنت ياللي تدهن المقبل وتلزم للمغير ..... وتشعى عراقيبك ليا قفيـت ثـم تلمهـا

عبد الرحمن :::

احسبك وارد بحر مثلي محسبك وارد غدير ** حث الخطـا يم العدود اللي يـروّي جمـها
اكبر مصيبه يابشر نسمع رغى عقب الهدير ** يمكن ظروف الوقت حالت به وراح فكمها

عماد :::

يبست في عود القصب ولا لك جناح (ن) تطير .... واذانـك الثنتيـن تفتحهـا ونوب تصمها
ياللي تغص بحسنتي وفسيتي لـك جـو غيـر.... انصحك حاجاتك باساميها الصريحـة سمهـا

عبدالررحمن :::

امسيت مثل الحبه اللي في رحاها تستدير ** كن ربعكـ يالعبيدي لاتزود غمها
افحسنتكـ ..مُحسن عليكـ ولاتبا تصبح فقير ** وافسيتكـ ..مالي بها ..داخل ..يغطي فمها

عماد :::

يابــو مســـاعد والله إنك منـــت ناقص ملـــح ميــــر .... بعض اخوياك عليك يحذفها الخطا ويخمهـــا
أنته مغـرر بـك يقودونـك هـل البـاع القصيـر .... ماهـي جديـدة "خابريـن" البـنـت تطـلـع لأمـهـا

صحت السنتكم شعارنا واعتذر عن الغياب بسبب قطع الاتصال
واشكر جميع من حضر