المحاوره

انتهت المحاوره




أبو يزيد
ســلام اللـــه عليكــم كلبــوكـم يــارجــال هذيل..........تحيــه وافيــه وتعــم كــل اللــى سمــع فيها
انا للي صاحب مرضـى بديلــه لويطــول الليل..........بعــــد جــالخبــر والــملعبــه مثلـــه يــقديها



هشام الهذلي
هلا يــا مرحبــا والطيّبــه نتعــب لهــا بــالحيل..........وهـذي عــادة الهــذلان مـا تخطــي هقاويها
وألا يا صاحبي قود الجمل وأقبض عنان الخيل..........يطــول الليــل وألا مــا يطـــول الله يسويها



ابو يزيد
انا بنشـدك يــوم المعــركه يــازيد حـــط وشيل..........عدية مع العرب ولا معــك حاجــه وتخفيها
بعد وقت مضى فيه المطر يمطر وسـال السيل..........لكن اليوم اشف الـدار خليــت ويــن راعيها



هشام الهذلي
ليــا دقــت طبــول الـمعركــه تسمــع لنــا تهليل..........ولا منــّه تــقـــدم واحــد (ن) مـنــّا يـكفيها
وإذا صار القضيـه كــل ابوهــا بيــن قــال وقيل..........قـدمنــا فـ القصــيره مــا تقدمهــا خطاويها



ابو يزيد
اللي جيت المجالـس يــدرج الفنجــال بــن وهيل..........تقهو مع رجال المعرفــه و عــرف قوفيها
حذاري يرجـح الميــزان مانبــغى نشــوف الميل..........وظل السـدره اللــى ترقبــه دايــم حواليها



هشام الهذلي
من اللي يحسب الغله مــن اللــي يمســك الزنبيل..........قضيه ضايعه يا صاحبــي بانــت مواريها
على هونك ترى بعض السوالـف تطلـب التمهيل..........تبــا تكحيلــهــا لكــــــن تعجلهــــا وتعميها



ابو يزيد
تــقــدم فالمصــلى كــان ونـــك تحســــن الترتيل..........ومن يبداء الصلاه لـزوم يامسلــم يصليها
ترى الدنياصغيره وانـت ياصاحــب قــوى الحيل..........لكــن لاتــرجــى غــيــر خلاقــك ووليها



هشام الهذلي
أنا أحافظ على الخمس الفروض وحافـظ التنزيل..........وأصليها مع اللي يعرف ايصلي ويديها
وأنا أعرف موجز الدنيا وأنا أعرف كامل التفصيل....ولا عمري رجيت ألا الكريم اللي مسويها



ابو يزيد
حضرت ولالقيتــك ونتظرتــك ليــن بــان سهيل..........لكنك ماتطوف وتستعي والعيـن مشقيـها
سمعت النشره اللى فصلت وحـذر مــن التحليــل..........تريح في مكانـك والمشاكــل لا تناصيها



هشام الهذلي
أنا حولك وسحبــان الدعــاوي مــن علــيك تخيل..........تراني عودها اللي جابها وأنتــه بناخيها
أنا قد قلت لك قوم وتزحزح قلــت لــي مــا أحيل......وطاحت جمرة الغليون في شمرك وتطفيها




.................................................. .................................................. ..................................
.................................................. .................................................. ..................................

أبو يزيد
هشام الهذلي

صح الله لسانكم وعز الله ما فيكم حيله والى الأمااااام