فكرة برج المليون رد .............!!!

الشدايد يا جميلـه بالازمـات اختبـار
ينعرف فيها الظلال الطويل من القصير
كل ما اذكر حالتك بين غار وبين نـار
راحت الدنيا بعيني عبـوسٍ قمطريـر
تحسبٍ حبك محاه التشـدد والحصـار
التشدد فالمحبه هـو الشـر الشريـر
شغلهم ضدي وضدك يعمّر لك وقـار
في ضميرن ما سكن فيه قدامك عشير
زارعٍ لك بخشةٍ من الزرار إلى الزرار
نبتها بالمسك والعود الازرق والعبيـر
شد حيلك لا يصيبك فشل والا انهيـار
لا تصغّر قيمتك وانت في عيني كبيـر
لذة صبّار الهوى مثل لـذة الانتصـار
لا تصدّق من يقول الحسد مافيه خيـر
لا تغيرب ما جرى من قنا مثلك يغـار
كل شيٍ ينشفا فيه ميصالـه عسيـر
الذهب دونه حراسـه وبيبـانٍ اكبـار
والدرر من دونها هيبة البحر الغزيـر
غير لا تيّس وتكتب على نفسك قـرار
يدفعك سوء التصرف إلى باس المصير
لولا شحّي فيك جيتك اجهار من النهار
غير ما يصلح مقامٍ بـلا رايٍ بصيـر
فرصتي ويقت حرارٍ على ماكر حـرار
ما يعوّد فالمكان الربيـب الا البعيـر