الحمــيا وهامة دكا / المحاوره المباشره

[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الحميا

الــيل ياهل السمر معكم يطيب السمر
والنار جامع حطبها من شجاري السمر
رمــادهـا ابيض ولاكــن خالطه بالــســمر
------------------------------------------ والناس ماهم سوى فيهم سعيد وشقي

ياالله طلبتك يامعين انك تعين افـكل حال = طالبك عونك يامعين // العز لشيوخ العرب
اليله الحمله ثقيله تكسر اضهور الجمال = وابوك ياراس اللعين // العز لشيوخ العرب

هامة دكا


اليل ياهل الطرب والي انوجد ماذهب
عسى يجي مايجي والي يجي ماذهب
معروف صرف الهلل معروف صرف الذهب
---------------------- والناس ماهم سوى فيهم سعيد وشقي


ياالله طلبتك يامعين الصابرين امن الرجال = وانته معين الصابرين // العز لشيوخ العرب
اليله هذي تختلف ماهي مثل باقي اليال = ليله تشوق الحاضرين // العز لشيوخ العرب


الحميا


صرف الذهــب ياصاحبي ماهو مثل صرف الريال = ولايسد الديــن دين // العز لشيوخ العرب
يلي قوافلكم تسير امن الجنوب اليا الشمال = ومن الشمال اليا اليمين // العز لشيوخ العرب


هامة دكا


يلي تحب الكحل وش مكسبك من كحل الدلال = اعيونك الثنتين فين // العز لشيوخ العرب
مانته محصل لك مكاسب قبل تجمع راس مال = سارت سوى سوات زين // العز لشيوخ العرب


الحميا


انا ادري انك في الزمن رحال لن شدو الرحال = رحال راعي وجهتين // العز لشيوخ العرب
انته تجـادلني وانا رجال ماحب الـجـــدال = لانته بزين ولاانت شين // العز لشيوخ العرب


هامة دكا


انا ادري انك ياخضر مرسي كما مرسى الجبال = كاسب في كل الحالتين // العز لشيوخ العرب
مالك محل ولا مــلاذ ولا شــماغ ولا عقال = واسبابها الطرف الحزين // العز لشيوخ العرب
[/poem]