سلطان الندوي وابو حمدان - رجز

أبو حمدان

يامـرحـبـا لابـــد مـنـهـا
ترحيـبـةً غـالـي ثمـنـهـا
بالصاحب اللي غاب عنا
حتى لزومه غـاب عنهـا

دنيا الكسل ولى زمنها
أبعد وطنكم عن وطنها
قــود المطـيـه لاتـونــا
تعطيك بكره من لبنهـا

سلطان الندوي

بقيت من شاعر وزنها
وفارساً ثبت رسنها
ماجابها منا ومنا
واليا لقي الحبه طحنها


ومهمته لا ما ركنها
تدري بمن طفى فتنها
لكن يالدعدي تمنا
زانت معاني اللي دفنها

أبو حمدان

الخيل هاجت مـن كمنهـا
ماحصلت من هو ضمنها
لاتتـعـب الــروح وتعـنـا
وأنتـه لنـا تـامـر وتنـهـا

من بعد ماغنت لحنها
اليـوم صلحنـا كفنـهـا
لـكـن يالغـالـي تـهـنـا
من بعد ماولّى ضعنها

سلطان الندوي


سلام وأهل الشعر انا بسألها
بعض الديار اللي مطر ماجاها
والعبد ينجا ربه ماناجاها
والخيل اخرها لحق باولها


وأنتم عرب وافعالكم ماجهلها
والحرب خدعة خدعة(ن) مدهاها
واللي تنوى فعلها سواها
على الحروب الباردة حولها

أبو حمدان

يامرحبا ياللي عليكم ولها
الديرة اللي طيباً مبداها
جبالها عسره ومن يرقاها
ياالله في مزنه لها يرسلها

لاهنت ياللي بالعسل كاحلها
الحرب نار ومن قدر يصلاها
واللي تعرض دربها يلقاها
واشوف بعض الناس يبيشعلها

أبو سلمان

دام البقا نسمع خبرها ولها
ياطيبها يازينها محلاها
الجابه اللي ماشيه في سراها
وانت تحرها لاتستعجلها

شات(ن) حلوبه والله مابقتلها
والذنب عند الله لمن ذكاها
هذا وماقلته وهات اتلاها
نقضتها وانته عليك افتلها

ابو حمدان

مادام أنا عايش أباوصلها
يازينها يامحلا مبداها
وإن راد ربي لأرتقي في أعلاها
يالله يارب الملا جملها

شاةً حلوبة وين بنحصلها
الذيب سراها ويتعاشاها
حتى العظام أغدى بها وأفناها
لكن على واحد أحد وكلها

سلطان الندوي ( أبو سلمان )

الاوله حنا نبا نمهلها
حتى وحتى تعود في مجراها
كتبتها وانا اللذي بقراها
وانته ياابوحمدان لا تهملها

والثانية عندي انا وازهلها
والارض تغطاها سماها
ومزنة(ن) ماجف ماها
نشرب ونروى من زللها

والارض تغطاها سماها
ومزنة(ن) ماجف ماها
نشرب ونروى من زللها

الله عليك يا سلطان صح لسانك

حنا رجال هـــذيـــل واحدنا يضوي له فريق

واصل بلا فاصل

يا لا لا لاله يا لا لا لاله

يا لا لا لاله يا لا لا لاله

عساكم على القوه

وصح ألسنتكم

يا هذيل أنا ودي بزود أخباركم
------------------------------------ ومن يسمع الداعي لزوم انه يجيب

الليل الليل الليل الليل

يا لا لا لاله يا لا لا لاله
يالله يا شعّارنا

أبو سلمان مشكور على هذا القاء وبارك الله فيك ومافيك حيلة والشكر موصول لكل الأخوة اللي أتعبناهم معنا هذا اليوم وتابعونا وآزرونا مشكورين الجميع والله يعطيكم العافية.وسامحونا على القصور الله لايهينكم .

ابو حمدان تحياتي لك شاعر فذ ومتمكن بيض الله وجهك

سلطان الندوي يرقدون شعار الندويين مع حضرة جنابك

تحياتي لك

ويعطيكم العافيه

والله انكم كفيتو ووفيتو

وماقصرتوا وانا اشهد

والمعذره يالربع

ظروف وقلة اتصال بالنت

لكن خيرها بغيرها

وبيض الله وجوهكم

	المشاركة الأصلية كتبت بواسطة أبو حمدان

	يالالالالا له يالالاله يالالالالالاله يالالاله [poem=font="Arial,5,#8b0000,bold,normal" bkcolor="" bkimage="" border="none,1," type=3 line=0 align=center use=ex num="0,"] يامرحبا لابد منها ترحيبةً غالي ثمنها بالصاحب اللي غاب عنا حتى لزومه غاب عنها[/poem] [poem=font="Arial,5,#8b0000,bold,normal" bkcolor="" bkimage="" border="none,1," type=3 line=0 align=center use=ex num="0,"] دنيا الكسل ولى زمنها أبعد وطنكم عن وطنها قود المطيه لاتونا تعطيك بكره من لبنها[/poem]

بيض الله وجهك يابو حمدان والى الامام