ركــــنـي الهــــــــــآدي *ـ*

وآشيل أوراقي معي والدفاتر
وأرجع الدلة على عين دافور

وأتذكرك نادر وبين النوادر
شي نادر(ن) حتى على الندر مندور

هذا الحنين اليوم ينهى ويآمر
وهذا أنا في البعد له عبد مامور

أشتاق لك وآنا معك وإنت خابر
وش عاد لا صار البُعُد فينا مخبور

مكشوف حالي دام شوقي ستاير
آبنكشف كلي ولاني بمستور

القهوة غاشت ولون ذا البن جاير
أشبه بلون فراقك اللي ملا جور

وإن كنت غايب .. با تقهواك حاضر
وآهِزّ فنجالي وتثنيه بحضور

,
,
,
بقلم .........
الشيناني