ركــــنـي الهــــــــــآدي *ـ*

اخذت مني ماتريده وقفيت

وتركتني في بحر الاوهام غرقان

اخذت ياما اخذت واخذت ماعطيت

اخذت فرح انسان من داخل انسان

اخذت مني الفرح وش عاد بقيت

غير التعاسه والندامه والاحزان

عايش بهمك كل ماصبحت وامسيت

والخد من دمعات الاعيان ريان

ومن سبتك ياما من القلب ونيت

ونة كفيف(ن) فاقد(ن) شوف الاعيان

وان زارني طيفك من النوم فزيت

اكرر الونات واجر الالحان

ومع كثرة الونات ياما تمنيت

الموت لاكن كيف انا اموت عطشان

وان كان ذا يرضيك للموت لبيت

ووصيتي نضره قبل لف الاكفان

وشيل نعشي ودع لي كان صليت

وادفن وفي مع صاحبه دوم ماخان

و ليت ما تجدي وكم قلت ياليت

ولوكان تجدي ليت ماكان ماكان

ووفيت ياسبت عذابي وكفيت

مشكور>ومجمل</> وانا صح غلطان

بقلم .........
الحميا