لغز وجائزته 3000 آلاف ريال همتكم يا اخوان

[poem=font="Arial,3,,normal,normal" bkcolor="" bkimage="" border="none,1," type=0 line=0 align=center use=ex num="0,"]
يا سلام الله على عز الرفيق=وكل شئ(ن) له بدايه له نهايه
وسع الخاطر وصدرك لا يضيق=وانت من ربع(ن) لهم بالعز رايه
الجواب الصح له واحد طريق=وكل واحد حر لو يبدي برايه
وش يجيب طويق لجبال المضيق=محكمين الحل باحكام ودرايه[/poem]

سعود السعيدي

السلام عليكم

عندي رمعه عسى انها تكون صح

المحشّ اللي يحشون به الزرع

اخوي هذلي

الشعر يمين وانا يسار

لكن اعتقد يمكن يكون الحل

فتيل السراج او فتيل الشمعة

اخوي هذلي والفخر لي خذ هاذي الرمعه


[poem=font="Arial,4,#000000,bold,normal" bkcolor="" bkimage="" border="none,1," type=1 line=0 align=center use=ex num="0,"]
ياكل ولايشبع وله جلد حساس =لا كن يبطي مايصيد الحمامه
يعشق ظلام الليل من دون الاكباس=القنفذ المعروف عاشق ظلامه
يوم ان بعض الناس ضايع ومنحاس=وحدن يقول النار مدري علامه[/poem]


اخوك
عاشق هذيل القارحي

خلووووووووووووووووووووووو ووها

ابا اقول حل بس لحد يضحك علي

((((( جمر الشيشه 00 مدري الجراك )))))

اذا صح عطوني ميه الف >>>اقلبي وجهك

السلام عليكم ورحمة الله وبركاته.
أخوي هذلي لين هلحين واللغز مالقى حل ترى الاخوان تعبوا عطونا الحل .

بالمناسبة اللغز ينطبق على إجابة الأخت بنت أبو متعب بكل أمانة ...ويارب يكون صح تستاهل أختنا بنت ابو متعب ........

ومن عندي رمعتين × رمعة واحده ، يالله أسمعوها :

[poem=font="Arial,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
فكرت في لغزك بتفكير وقياس = وبعض العرب لغزك مكدر منامه
الحل أظنه داخل البحر غطاس = أو هو في جوف الأرض عشرين قامه
أما يكون النمل في الأرض ينداس = وإلا يكون الحوت والبحر عامه [/poem]

دام الدعوه كلا يرمعي على كيفه عندي رمعه ممكن

اول رمعه (( الجمر ))

ثاني رمعه وعساها تصيب(( القوس))

وتحيه طيبه من تيك اوف لاحلى رمعه

وش السالفة اللي حاط اللغز ما يجاوب على ردود الناس ويقول هي صحيحة ...

جتكم بنت ابو متعب

الحل يمكن هو (((( المغتاب )))

اللي يهرج في الناس

اذا صح عطوني ميتين الف يالله بسرعه نفذ صبري

	المشاركة الأصلية كتبت بواسطة زيزفون

	اخوي هذلي الشعر يمين وانا يسار لكن اعتقد يمكن يكون الحل فتيل السراج او فتيل الشمعة

الأخت \ \ زيزفون ..

نفس الجواب في بالي ، ودامك سبقتيني ..

إيه رايك أصيغ الجواب في يتين شعر ونقتسم الألفين ..


.

	المشاركة الأصلية كتبت بواسطة بنت أبو متعب

	جتكم بنت ابو متعب الحل يمكن هو (((( المغتاب ))) اللي يهرج في الناس اذا صح عطوني ميتين الف يالله بسرعه نفذ صبري

برااااااااااااااااااااااا ااافووووووووووو


حلك يابنت ابو متعب هو الصح

ما شاء الله عليك

عيني عليك بارده


وبعد طول انتظار وقبل يوم واحد فقط من اعلان حل اللغز تم حله عن طريق بنت ابو متعب

الف الف مبروك عليك الجائزه

وللتأكيد مره وثنتين وثلاث

الحل هو

المغتاب

اولا :

ياكل ولا يشبع ولا ياكل الراس

هووالذي يأكل في لحوم البشر قال تعالى ( ايحب احدكم ان يأكل لحم اخيه ميتا فكرهتموه ) طبعا راس الانسان صعب ياكله بهذا الفعل

ثانيا:

ينزل وغيره يطلع الفين هامه

عند رب العباد ينزل هذا الشخص بفعلته منازل كثيره بينما من يتعرض للغيبه من قبل هذا الشخص يعلو مكانه

ثالثا :

عنده مشاعر بس معدوم الاحساس

الانسان بعادته يمتلك المشاعر ولكن من يغتاب الناس لا يمتلك من الاحساس شئ

رابعا:
بينه وبين النور ليل وغمامه

اي هناك ما يحول بينه وبين طريق الحق والصواب مما يجعله لا يتوانى في اغتياب الناس

خامسا:

له فعل شين ولا يحبونه الناس

بالتأكيد

سادسا :

واما لقى له زاد ياكل سنامه

ان لم يجد احد يغتابه رجع ليغتاب اقرب الناس اليه


وعلومنا وسلامتكم

وبهذا نسدل الستار على اكثر المواضيع اثارة وتشويقا منذ انطلاقة المنتدى الى يومنا الحاضر

نتمنى من الاخت بنت ابو متعب توضيح كيفية استلام الجائزه عبر ارسال رساله خاصه الينا

وتستاهل

ونقول لكل من حاول ولم يحالفه الحظ انتظرنا في المفاجأه القادمه والتي ستكون خاصه بالشعراء والشاعرات من خلال هذا المنتدى العريق

وتقبلوا فائق احترامي وتقديري

اخوكم هذلي والفخر لي

السلام عليكم ورحمة الله وبركاته.
ألف مبروك للأخت بنت أبو متعب..

أخوي هذلي والفخر لي ( ياكل ولا يشبع ولا ياكل الراس ) .
إن سمحت لي أناقشك بها ...سأفعل .

تقديري .

مبروكـ بنت ابو متعب

يالله الذبيحه عليكـ تعشين أعضاء المنتدى كلهم

مبروووووووووووووووووكـ

مع إني أشوف ان بعض الإجابات تستحق النظر فيها لكن هذي الأ لغاز دايم لها أكثر من حل

الف مبروك أختي [نت أبو متعب تستاهلين الجائزة
ولو أنني لي تحفظ كبير على الحل ، لأن الحل ينطبق على أشياء كثيرة هي أقرب للحل هذا ، ولكن لايسعني إلا أن أبارك للأخت بنت أبو متعب حصولها على الجائزة واشكر من أعماق قلبي صاحب اللغز الذي أضفى على المنتدى نوعاً من الإنتعاش والحيوية فجزاه الله كل خير وكثر من أمثاله ، ولاأنسى أن أتقدم بالشكر الجزيل للأخ هذلي والفخر لي الذي جاء باللغز وتابع الموضوع من بدايته حتى نهايته شكراً من أعماق القلب لك يابو بسام على جهودك المميزة والله يعطيكم العافية جميعاً .