ما راح تنجح إلا بكيفي ..!

ذكرتنا بأيام الله ياهاك الايام
اتذكر اني كنت احط الكتب في المدرسة ولاشيلها معي
واذا قالوا وشبك ماتاخذ كتبك معك اقول العلم في الراس ماهو في القرطاس >>> زعام
ويوم وصلت للتوجيهي ايامنا كان التوجيهي كل شئ .....
من اول يوم قال المدرس هذا واجب معكم حلووه رفعت يدي وقلت ( اعتقد انا وصلنا مرحلة ماتقول هذا واجب معكم ))
مني ومنه عناد وحنق وصل الموضوع للمدير
قلت للمدير انا ابا اخاطب الوزير عن موضوع جدوى هذي الاعمال الفاضية !!!!
انتم تعطونا واجبات ننقلها من الكتاب مثل ماهي يعني انتم ويش تبون بالضبط منها تبون تشغلونا على اربعه وعشرين ساعه على الفاضيه والمليانه !!!!
قال المشاركة والواجبات من اعمال السنه
وانت بهذي الطريقة راح تحرم نفسك من درجاتها
قلت ماباها اذا مالاختبار نجحني هذي الدريجات مابها طز فيها >> طز في امريكا
ومن هاك اليوم محد يقول لي اي شئ ولا احد يصحيني في الفصل نايم ومريح راسي
لدرجة مدرس يبا يحسن اخلاقه معي يعطيني 2 من 3 في المشاركة رحت وقلت له انت ماتشوفني راقد كيف تعطيني شئ ماستحقه !!! انت ماتخاف الله
ويوم جات الاختبارات الترم الاول اجيب على مستوى المدرسه التاسع >>> والمدرسين مستغربين كيف نجحت بتقدير عالي رغم ان اعمال السنه كلها اصفار مافيهاغير 2 حقت الاجودي وكل مااحد سئلني اقول عند الاختبار يكرم المرء ويهان ودرجات تصقعون بها من روسكم لي ماباها طز فيها
الا الانقليزي الله يعله على الحافه وهذا الشئ حطم معنوياتي وجعلني بس افكر اجيب اي درجة للنجاح الله يعله هل الانقليزي
مذكرات ثاير من الخيمة من الصحرا الى الصحرا
ذكرتنا ايام كنا في طور واليوم في طور اخر سبحان الله رغم ان مبداء الرفض والعصيان المبني على السؤال وعدم التبعيه هو الغالب علي دائما


شكر لك هذي الفضفضة