ولله يا محسنين ..

والله أنا شغالة " ثقافة " في المتسولين ....

كم مره تجيني واحدة في الأسواق " نيجيريات ومصاريا شايلين بزورتهم " ويبدأون الموال باالذات المصرية تنرفزني بكلامها و دعواتها التي تختمها بالدعاء عليك !

أقول لهن ، اشتغلي " خادمة " أحسن ما تضيعين وقتك في سؤال الناس ، و تقولي " ربنا ما يحوجك " قلت لو ربي حوجني بأشتغل أي شغلانه بس ما اسأل الناس

والنيجيرية أقولها ليش ما تشتغلين في بيوت ، عاد هذي " تعطيني نظرة بعيونها " وتمشي وتسيبني

أنا ماأحن إلا على الأطفال ، لأن لا حول لهم ولا قوة وهم اللي مساكين ضاعوا في يد ناس ما ترحم

لأن مره شفت فيلم لعمرو ذياب أظن اسمه " الغوله " وهي امرأة شديدة القوة تسرق البزران وتخليهم يشحتون و اللي ما يجيب لها مبلغ معين تعذبه وتحرمه من العشاء

ولا استبعد هذه الأمور لآباء استغلوا ضعف وصغر سن اطفالهم وتاجروا فيهم ....


أما الرجال والشباب ، مره جاني " أبو ورقة " قلي يا بنت الأجواد وقلي ّ قصة طويلة ماني فاكرة منها شيء ولا سامعة شيء وكنت جدا ً مقهورة منه ، رجال ماشاء الله بصحتة وقوته و شبابه يشتغل حمّال إن شاء الله ولا يتسوّل قهرني

في النهاية خلص قصته ومشي

على قول الأستاذ خالد الشرهه على مكافحة التسول اللي ما تعمل بشكل صحيح ، الإشارات مليانة ، والأسواق مليانة والموظفين نايمين !

نسأل الله السلامة وعفة النفس .



شكرا ً أخي الشيناني .