أصبح يوم " الأربعاء " مصدر قلق !!

	المشاركة الأصلية كتبت بواسطة رزق الله الزيداني

	صباح الخير يا ابله سحاااااااب شوفي ونا أخوك , ألأطفال صعب الواحد يهجدهم شعله من النشاط ماشاء الله تبارك الله ولكن يمكن المحاوله راح أدلك على طريقه تستخدميها إلي هيه مبداء الثواب والعقاب . كيف ؟ أنا أقلك , مافيه أفضل من تغير تفكير الطفل عن الشي إلي هوه يمارسه عادةً جيبي لك ورقه وسطريها على شكل جدول وأكتبي أسماء ألأطفال فيها كلهم وخليها على أربع أسابيع يعني شهر كامل , وإذا إتجمعوا ألأسره الكريمه الله يخليهم إمسكي ألأطفال كلهم في غرفه وقولي لهم شوفوا عندي مسابقه إلي يجيب فيها أعلى درجه أعطيه من عندي 100 ريال , وحطي لها شروط 1: إلي يصارخ بصوت عالي يخصم منه درجه 2: إلي يضارب يخصم منه درجه 3: إلي تشد أو يشد شعر الثاني/هـ يخصم منه درجه 4: إلي تشوفه عيني شغااال ركض زي الحصان يخصم منه درجه 5: مدة ألمسابقه شهر كامل وإلي يجيب أعلى درجه مثل ماقلت راح ياخذها وإلي ماينفذ مو ينحرم من الجايزه وبس ..لا ..راح أعاقبه بعقاب إلي هو , وإختاري أنت نوع من العقاب للمشاغب, حتتعبين في البدايه لاكن مع الوقت ولمن يشوفوا الفايز ماخذ الجايزه والمشاغب ينحرم ويتعاقب حيبدا بينهم روح المنافسه ويهجدوا ولو 50% الله يهديهم ويصلحهم أجمعين

حياك الله أخي أبا جهاد .

وشكرا ً لك َ الفِكرة " جميلة " ويمكن تطبيقها على أطفال كِبار يفهم ما تقول ولكن هؤلاء صغار من عمر السنتين والنصف إلى خمس سنوات " ماشاء الله "

ما ينفع تتفاهم معهم ومزعجون جدا ً جدا ً ....

فيه ثنتين ممكن تشغلهم بالتلفاز وكراميش وتوم وجيري ، لكن عندنا ثلاثة منهن والله تعبنا فيهن وخالي مسميهم " البلدية " تلقاهم في دواليب المطبخ والله يكرمكم الحمامات

الصابون السائل ما يطلعون إلا مخلص ومره وحده فيهن مدري ويش مدخلها المخزن وماخلّت في علبة " التايد " شيء كبته كله

و إذا ما اشتغلوا في البيت ، اشتغلوا في باقي الأطفال

أنا ما ابغى طريقة لتهجيدهم ، لأنهم أطفال ويريدون اللعب وصعب تسيطر على الطفل وتحركاته ....

لكن ما نبغى " المضاربات " والصراخ والبكاء طوال الوقت ، ونحن اصبحنا أيضا ً طيل الوقت نصرخ ويافلان لا تسوي كذا ويافلانة خليك عاقلة

يعني مشكلة ....

والمشكلة الأخرى في الأطفال الذين يستعلمون ايديهم ، وماعنده شغلة إلا الطفل الآخر يستقوي عليه ، هذا كيف الحل معه ؟

لأنه الأم مو هاين عليها تشوف ولدها ينضرب وتسكت ، ولا تقدر تضرب طفل آخر لأنه ضرب ابنها !!



دايم اقولهم سيبوهم عندي أسبوع تجون الأسبوع الثاني تلقونهم متربين و آخر كلام بس ما يسمعون كلامي



أشكرك يا أبا جهاد على هذه المشاركة الطيبة و أهلا ً بك .