فكرة برج المليون رد .............!!!

فاصل بدوي

،،،

مــطــلــق الـثـبـيــتــي

ياسلام الله سلامـن جيـت فـي ميعـاده=عد ما تمطر مـزونٍ وبلهـا ينهلـي
ياشيلويح المطيري تفـرش السجـاده=وانت ماتعرف تصوم ولا تعرف اتصلي

شـليـويـح بــــن شــــلاح

مرحبابك يالثبيتي والوفا لـك عـاده=وانت تلقاني على الميعاد لو ترسلـي
أنت سيد مير علمني بشغـل السـاده=يوم أشوفك فالبحر تسبـح ولا تبتلـي

مــطــلــق الـثـبـيــتــي

أنت يالدكتور لو أنك فتحـت عيـاده=كان زرتك كل يوم وطحت عندك كلـي
واحدن يقبل ترا شوفه طرب وزيـاده=والمقفي مع طريقـه ياعسـاه يولـي

شـليـويـح بــــن شــــلاح

لا تدور فوق علمك يالطبيـب قيـاده=وان بغيت حساب في عملتك لا تمهلي
لاتبدل سيف ابـوك بخوصتـن رداده=انتهى وقت الخوص والبندق العصملي

مــطــلــق الـثـبـيــتــي

ما يداوي غلطة المخطي يقع جـلاده=لين حتى من طريق المخطيات يملـي
المشاكل والمصايب في نحرك قـلاده=يا عساها عقـدٍ تصغـر ولا تنحلـي

شـليـويـح بــــن شــــلاح

الحرامي قبل لا ياصل قصرنـا مـاده=والقعيده عان رجلة نصفهـا منشلـي
البعير شعيـل لـو إنـا نفـك قيـاده=كان مع كثر الخبر باني غدى بالكلـي

مــطــلــق الـثـبـيــتــي

ما على راسك لحاف ولا تحتك وساده=كيف ترقد والجراد الربد فيـك مفلـي
ان شريت شعيل خلك فوق ظهر شداده=لاتظلي خرجها اللي فالهـوى مدلـي

شـليـويـح بــــن شــــلاح

كان عنـدك نقـد حنـا كلنـا نقـاده=انت لا حقك التعب ياللي لحنك يشلـي
زارعن لك زرع ما يستحمل الحصاده=بين ضلع وبين وادي والجبل متعلـي