قصة لي بنت عم ماوطت درب الآدناس 0000

[poem=font="Simplified Arabic,4,white,normal,normal" bkcolor="black" bkimage="" border="none,4,deeppink" type=0 line=0 align=center use=ex num="0,black"]

ياراكب ثـنــتين يشــدن الاقـواس **** من دار ريضان الحجر حركني
مافوقهن كــود الــدويرع وجــلاس **** وسفايف بين اربع يلعبني
تحركنا من عندنا حــيـن الامــراس **** ومضى سواد الليل مابركني
حكن علم عذفا يسارن من الرأس **** والظهر مع ورد الحفر يشربني
وحطو لهم مع هقلة الحضر بـلاس **** عن الحضر واللي بالخلا يسرحني
وليا لفيتوا عنـد مــدقوق الالعـاس **** الجادل اللي بالمحبه محني
قولوا على حبل الرجا نطوي الياس **** والبيض غيره كلهن يحرمني
ولو يندوي جرحي دويته بــزفواس **** ولا بني رفاف البيت منكم ومني
واللــه يعـلـم بـالخـفـايـا والآجــاس ***حيث مضى من صغر سنك وسني
وياعم اللي طعت بي هرج الانجاس *** طاوعت هرج الناس واخلفت ظني
طعت بــي ياعــم دايــس ودربــاس *** وعوارض صدقتها وابعدني
ومن لااخذ من درس الاسلاف نبراس **** تمضي حياته بالرجا والتمني
واقفيت ادير بظامري كل هــوجاس *** على وليف بالحشا غاب عني
تكبي خواطرهم ليا جيت عســاس **** ولاتقل انا منهم ولاهمب مني
ومريت دار ماتقل جــنة الاونـــاس **** وونيت ودموع العيون ذرفني
جيت المراح اللي بالعشب محتاس **** العشب في مضرب وسادة معني
محذا شبة الناس ومشتاقة الراس *** وثلاث لايبكن ولاينبكني
لي بنت عم ماوطت درب الادناس **** ولادنست يوم النساء يدنسني
ضربتها وانا احسب الضرب نوماس **** طلقتها يوم افخت العقل مني
ياناس كيف العين تبكي على نـاس *** وكيف العيون بلا رمد يسهرني
لو ينشكي حبي على ذيب لاخماس *** يسرح مع الطليان مايجفلني
ولو ينشكي حبي على طير قرنــاس *** اضحى الضحى بمويكره مستكني
ولو ينشكي حبي على قب الافراس **** عين نهار الكون لايفزعني
ولو ينشكي حبي على الميت ماناس **** يثور من بين النصايب يوني
ولو البيوت مشددينه بالامـــــراس **** عين مع الخفرات لاينبنني
وحتى النجوم اللي مع الليل غلاس **** لو ينشكي حبه لهن وقفني
ولو ان غوطة (دم سلمان ) واضراس **** يدرن بماقلبي لقلبه يكني
تلقى سهل جبة هضاب ومنحــــاس **** وحتى الجبل بالقاع صار متثني
اشرفت رأس ضراس من فوق الاطعاس **** ولالوم طراد الهوى لو يجني
هليت دمع العين واوميت بالــــراس **** ورافقت كور العيس ياما ابعدني
ورفعت نفسي عن شبا كل وسواس **** البعد احلى من حياة التمني
انا زبون الحرد للخــــيل مدبــــاس **** ياكلشن شهب الشوارب نخني
نفسي تشوم عن التدلبح مع الساس **** ولاعاش من هو عن رفيقه يكني
من شيدوا (زينة ) على غيد واغراس **** ليا نسيت رسومهم ذكرني
ياعم انا لي طلبة الـــراس بالـــــراس *** ياعم شوف رسومهم ماانمحني
ولو صرت ان القلاع ماشلت الاضراس ***** والموس مايقطع بليا مسني
ياصار ماربعن على الرائ جـلاس **** وجنحان طير السعد يلفحني
نصير دوم للصقـــاقير مــــدواس ***** مثل اللي يسمع صفير المغني
والله يل،،،،ولا بكـــرة يبوونــــاس **** حبه سكن باقصى الضماير محني
والله لو هي ماتبينـــي فلا بــاس **** لاشك خبثان النفوس طردني
وانا احمد اللي خالق كل الانفاس **** وجعل وساع القاع مافيه مني
دار بـــدار ولامناخـــات الانجـــاس **** ياصار مايمناك عينك تزني
في بلدة الغراف من جملة الناس ***** ولا نيب من يرجي الخلايق تحني
دار به الاكرام والطيب به ســــاس **** دايم تذكرني ليال مضني [/poem]


بس هذه لقصيدة ذكرت لرجل من هذيل مطرفي كما ذكر في برنامج الخيمة الشعبية = ذكره الراويه ( الشرهان ) عن شيخ هذيل الشيخ : فهد المعطاني والله أعلم