الف بيت تقصيد كل يوم (متجدد ) @#$%

بالله لاتبكين حزنك لنا غال

اغلى من بيوت ٍ على النت ُتكتب

لاترمي الشيلة ولاتطرحي الشال

إن كان صحتي بالعنا الكل يتعب

انتي حلا الايام وعيون الآمال

ياخفة الاريام يالحب الاطيب

ياشمعة الدنياوياصدق الاطفال

ياروعة الجزلة وياحرف رحّب

تماسكي وارضك رست فوقها جبال

وغيوم من فوقك وهالارض ُتعشب

انتي اللي من فوق الدراهم والاموال

انتي بكل اللي وصفته ومكسب

الله يجمّل حالك ويصلح الحال

يشملك في حكم الرضا قبل يغضب

توبي إلى الله خابرك عال ياعال

ابعدمن شموس الفضا يوم تقرب

اليارضيتي هامة الشعر تختال

وتعابط العُرّاف لاشخص يعجب

دام النفوس اصناف والوان واشكال

انتي الصفا ماحد قفاكم يعذرب

قلبي مدح روحك بالإقفاي واقبال
تبى الصراحة روحك تحب وُتحب

يالمستحقة للوفا قدوة اجيال

دامك نصحتي كل من هب اودب

بالصدق وصفك للعلا مضرب امثال

والمسلم إن صلّى أموره ترتب
تصبح إلى الأرقى ولله الافضال

إنه بعث فينا الرسول المهّذب

لكنْ لأم ّ المؤمنين أنتي ظلال
شعرك مدح فيهم وعن عرضهم ذب

هاذا عرين أُسود تلقابه اشبال
النسل صافياعذب يجيب الاعذب
وانتي حفيدة للشغاميم وابطال

واحنا كماكم لكن الخصم يندب

على عناه وحظه اللي ليا مال
اكيد دهره فوقه آكل ويشرب

وابليس له صورة وكذبة وتمثال

اليا كتم علمه (ويكي ليكس ) سرّب
لابارك الله في الصهايين الانذال

الله يشّتت شملهم يوم ُ يضرب
إمّا بنا وإلا من رجال بقتال

جاتك تسوق ارواحها دون تحسب

ترغب هناالجنة ويخشون سلسال

يُرضون رب الكون سبحانه الرب

الله عالم بهْل عدّات واحمال

وينزّل غيوث الفضا يوم تسكب

واللي يبى من زينة الزيف في الحال

هذاك يوم الحشر يهلك ويُنكب

قدمك موازين الخلايق والاعمال

ونكّذب اللي يحسب انه بيصلب

دام النبي عيسى رُفِع فوق الاقذال

من قدرة الله جاهم بمعجزة طب

هُو يحيي الموتى بأمر الله الوال

والله محيي الكل والغدر ينشب

يالله تغفرلي مسافات الاميال

اليا انقضت من دون ذِكْرَك لنا طَبْ

ياماأكرم القرآن يارجال الأعمال

ياللي لكم موكب بِطَانة ومنصب

كرسي البشر مادام والخط ميّال

اليا بدى المُصلح تقافاه مُخرِب

يالله بالظُلاّم أشقيهم أشغال

حتى تهد ّ جبال وصخور أو صب ْ

ماحافنا مصري وزيدي وبنقال

حّنا شعَب واحد ولابه تشّعب

قلْ لاإله إلا الله مادمت لك خال

ياللي من ديار المصيف وتحّزب

محْد ٍ درى عّنك وللحِبْرشلاّل

يبى يلّفك لف ويذب ّ بك ذب

إن كنت تركي من سطنبول محتال

فاللي سواتك مايجيله سوى السب

لاتحسب إن ّ السيف للدَّين قتاّل

حّنا نجاهد دوم نثبت ونحْرُب

حّنا فئة منصورة من دون قتاّل

تلقى الهداية طبع فالشايب وشب

وآهَلْ تويتر معا فيسبك وموّال

واهْل الشرايح واهل الأقماروالسب

ماهم ليا حُطّت بطاقات الاحوال

ماهم سعوديين دولة ومنسب

ذولاعلى قول العصيمي سينيغال

الله يذكّركم شهادتك ياأشعب

ياسامي الجابر وعيسى وفوّال

وياغُراب ويابصير وهل الشب

الكورة ماهي رب ولاجتك الاقوال

يامُهاجم (الأ ُف سايد )ياكيف تهرب

هذا سجود الشُكْر في ملعب أهوال

ومُكبّرات الصوت فيدين مُطرِب

لابارك الله في زليمات وهبال

وكم ساعد الله عاضة وعان مرهب

لأجل أن ّبرّيت المراسم لمن قال

بأنك ياهالطيرالحزين انت تكذب

يحسبني من بين الرياجيل دجّال

مايدري إني مسلِم بكلّ مطْلَب

أعاف من يهجر كتابه ويغتال

مايتلو القرآن يقتل ويرهِب

مُسْرِف وصّفق له مُحبّين واختال

عن سيرته مافيه مخرج ومجنب

وإن كان طاش العقل ياشلّة المال

مسيرتك توقف بفعلي وأشيّب

إن كان فيه اجنان ونضد عُقاّل

حّنا ورَدنا لاصّفى كل مشرب

وإن قال ذاك ؟ أكلك من يمين واشمال


هُو من حواسيده وذِكْرُه تغيّب

إن كان عّقب ظابط بشين الانجال

أصلاُ عُويْد الشوك لابد يُحطَب

ويُشب ّ فوقه جَمْر ونفوِّر ادلال

طب طب كما ما (ننْسي)تقول صب صب

واللي ُمغّنينه دُويتو وإبدال

كلا ً ب سيّاره عليها القشَر هَبْ

ماشاالله الرّزاق باقي ولازال

مايُمهَل المصنع ومتجر ومكتب

يبى يحاسبهم ليا إن الجَشَعْ طال

واللي يبى يُنْكِر هُدَى الله ب شبشب

عجيب ياللي دفست الشعرفي معناك

كانت سحابة حزن ماحل ماطرها

ساعة تماديت بالتعبير عن دنياك

لفت خيول الصبا واحفت حوافرها

وانت مع افكارك اللي فارهة من جاك

ياكود شمسين مع نجمة واسامرها

ياصلك علم وخبر وإن مر يتعدّاك

ويمّترالارض ميرالله آمرها

سبحانه اللي بيسر ومن عدم سوّاك

حتى حكمت ببشرتجتث اظافرها

في شمالك الظلم لكنّ القشَر يُمناك

ويحف كل الجهات اطغى مخاطرها

وقعت بين الغضا والعوشزة والراك

وتمرّك وجيه جازعها وصابرها

أنت ماتنوي هدف مير الزمن ربّاك

اسقاك بالمُرّ وأحرمكم سكاكرها

خذيت من دنيتك لغاية الإهلاك

تسترّ بالطَيب ويزعّلك ماكرها

ماكل منْ مثلّ إصلاح وهُدى يحماك

يمكن يخادعك وبلادك يفجّرها

لاتاثق بشرّ وإلاكُفر وإلا إشْراك

وإلا مذاهب تغذتّ من مفاخرها

اجعل عقيدتك في قلبك وفي مسعاك

واحذر نفوس ٍ غلَت بشيوخ مَقشْرها

إن كنت طالب لعلْم تحصّل لشرْواك

واحرص على الدرْس في هيبة محاضرها

وكُنْ إلى الورْد لاتنغرّ خلْف أشواك

سُمّ الحيايا ترّكز في حناجرها

وإن خانك الحظ وإلاإن ّالخويْ ينْسَاك

لابُدّ قومتك بسيوف وخنَاجِرْهَا

لايفجعَك (بوش) وإلا (بلير) أو(شِيْرَاك)

ولاتهّزّك فتاة ْ أرْخَتْ ظفايرْها

وإن كان مَضْرِب ْ لسانك بالشعرفتاّك

عليْك بأعداء لمّت لك ذخَايرْهَا

وإنْ كان عاقبت سارِع باللذي آذاك

واخزي فُلول الضلال اعم ِ بَصَايْرهَا

جعل الله يمدّك بقوّة تمدّأعضاك

عسى جنود الجهاد يفوز عَسْكَرْهَا

واحذر من اللي يبى يصافحْك من يُسْرَاك

مّنه مَخافة وله عينين يُسْهِرْهَا

هاذي نصَايح ضمير إنسَان مايجفاك

لكنّ قبْل الدُرر تنشف محَابِرْهَا

مادمت راعي ولك ضانَك ولَكْ مِعْزَاك

خلّك بقرب البدو ياللي تخاشرها

علّ المخايِل تبلّ أسْفلْك لين أعلاك

من رحمة الله والأفضال َمنْكرها

سبحان رب إتهّم من يكفر وبرّاك

قامت حُجَجْ بان مُسلمها وكافرها

وأنت يانبض الحروف إن ملت قلبي راك

وتجاملك قوم تسكن في ضمايرها

هيّااسترح واستعد وإلااقعد أتحدّاك

وعقول نصف الشعوب الشكّ خامَرْهَا

وإلا يقيني على الجحّادوالأفاّك

اللي تبيع الهوا داخِلْ مَشَاعِرْهَا

هذا الزمن بالعلَن والسَّر كم مَشاّك

ويجيك تنبيه لدروبك مَحَاذِرْهَا

وأنت اعتصم بالله وقلبي يُبَهْ حيّاك

وأغليك فوق الدراهم في متاجرها

ماأرغب سوى الخافِق اللي بالعنا بدّاك

هذاك صب ّ الفَنَاجيل ويكّسرْهَا

إن مَرّ يوم بزماني دونما ألْقَاك

ارجع للأدْرَاج وأرميك بدفاترها

وأكون طيّب وقاسي وأنت ياماأقسّاك

ووجيه خلق الله الله اللي يُصوّرْها

والله يُطَوّلْك كمْ سَنْتِي الين أحدَاك

لمواجه هذيل لامن قام شاعِرْهَا

لاقام موج الورق والبحر ماسلاّك

قل لأمْ كُلْثوم بالله لسّه فاكِرْها

ياكم ْسريناو ياشِين اللي قِدْ عبّاك

بأخبار ُ تزعل ونيبانك مُكَّشْرْهَا

بالله يالايم اللي مُنتَقِصْ صُكْ فَاك

وإلاأقطع إرْسَال والأبيات أشَفرّهَا

المملكة يالسعودي دارك وتعناك

احرص لهاواخدم وكافح وطوّرْهَا

لابارك الله بوجيه الشحم والمَاك

تدويرة الأكل تسلُك مع عصايرها

الله سبحانه اللي يملك الاملاك

مايرغب إسْرَاف بالماي وفطايرها

هّذي ْ استعانه من الله نُرضِه وأرْضَاك

عل ّ الفرَجْ مع شعوب ابها مجازرها

بشاّر جمرة بعث من ولعك يصلاك

جعله ليااردى ويهلك في مجامِرْهَا

دامك ورثت الحُكم هالشيء كم يبلاك

ماينفعونك جواسيس ومخابرها

ياللي تعبت لخُطى ابليس وكذاعصّاك

حتى ذنوبك صغاير مع كبايرها

ليته ب(نحّار ) ياهذا العنا كّناك

ماأظنّ مرّةسعيت بمايبشرّها

ياوارث الجُرْبْ لامن قِمْت من يطلاك

نفوسكم قدتعّذب في مقابِرْهَا

يالله نستغفرك ونسبّحك بأسماك

أنت الإله القويْ بلْ أنت قاهِرْهَا

يالله يارازق الحيتان والأسماك

على خياشيمها وإلا مناخرها

ماهوبلا نمر والا ذيب ياشكّاك

هَذاك حيّة خلا بسموم تقْطُرْهَا

يسلم اخوك وبناخيك وأبَدْ ماأقلاك

معَكْ نبى ننْدَمِجْ والدنيا تصبِرْهَا

مادمت مسلم كذامابي رجل خطّاك

انت َمعك فكْر والقوم بفكايرها

والملعبة يوم تقبل مُفْرَدَةْ سَبّاك

كِن ْ المعاني قليلة ميرماأكثرها

الله يرحمك يابن آدم ويرعاك

ويشّتت أعداك والآيات تبهرها

يابو الخطايا هَذاه القصد كيف اعماك

خابرك رادار والظُلْمَات تبصرها

ارجعالى الله لعلإنه يعين خطاك

والقوم منهاالموّفي مع مقصّرْهَا

واللي ب خيط الوهم ماينْسُج إن هُو حاك

ماهو كما قول بن قشموع شاطرها

لاتشربون اي خمر ولايجي تنباك

ياماأقشرنفوس تنفخ في سجايرها

ياخايب الفعل لامنْ مرّ مايطراك

سيف الهزيمة رماكم في جزايرها

حّنا هذيل القُوى والله يوم أنْشَاك

يدري عن عظام بِلْيَتْ وأنتْ زَايِرْهَا

واللي بعينه عُوَار إن هُوْ سكن فأنحاك

يكفيه رمي الشياطين بمحاجرها

اصحك تغلّى ولو ميل الزمن غلاّك

اطرد سراب الشكوك الزم سوايرها

وكن مع الله في مِرْوَاحَك وماتاك

ماتغرق إن فاضت بحور وبواخِرْهَا

ياعاكس السيرقمت انصحك بالمسواك

مرضاة لله واللثة يطّهرها

عقب اختلط من يصاحبكم بضمن اعداك

لاتفرّق الشمل والعالم تنفرّها

كن رجْل مؤمن كذا أدناك نور اقصاك

واغلظ على اهل الكُفُر لاخان فاجرها

ياخبث جارك يبى يسترّ لا واراك

لابيّض الله وجيه يزيغ غابرها

واللي بِدَارُهْ حريمُه قلت له ماأخشاك

لكن تنوي الثمينة يوم نَسْطُرْهَا

جعل اليهودي بطبّه مايميّز داك

حتى عيونه من احقاده يحَمّرْهَا

حّنا هَلِ إسلام وإلا مِثْلَكْ بسيماك

نقرا عليك السُوَر وضلوع نَجْبُرْهَا

وإن راح لك شيْ من نشاّدَهُمْ يفداك

انصحك تركض وراها والاشاورها

يُهْدُونَك الحُبّ والتقديروانطُرْ ماك

يروي ظماك الزمازِِم من مصادِرْهَا

ياحيف نحْس العقول اللي تلفّ أسْلاك

اللي على الضفدع ترّكّزْ مجاهِرْهَا

بعض التَجارُب على ماقِيل له (فيذاك)

يامجامل القوم وبشوتك تعطّرها

تمرالمدينةكما بيشة وضد احساك

مير اشرف النخل له تلْقِيح يُثمرها

والهاويةملتقى اللاهين مِنْ غَطّاك

وإن غرّزَتْ بك يقولو قم وحّجرْهَا

مادام ذاكاس عالم قِمْت أهزّاشباك

ابى استغل الفرَص ضاعت وأكررّهَا

ياساكن القلب لك حِبْرِي ولاجلاّك

اثْر اختلاف الشعوب اشياءنحقرها

وإن صرت ابى امزح لاتزعل وانتبه لحراك

الدين الاسلام والمِلّة سننصُرْهَا

ابليس لامن قعد لك يالغريب اشقاك

والله ينجّي من النار وحفايرها

النور بصدورنا واللي فقلبه شاك

ياثق في ربّه ولسجونهُ محرّرها

واللي اختلف قلت له دلّوع رمبو جاك

ترى الثقافات للغربي جرايرها

شمس العرب يوم تسطع فوقهم و(إ) حماك

محْد ٍيهده وقصّتكم ْ نطيّرْهَا

حّنا جيوش السعودية دوا الإرْبَاك

ياشين موقع يسَرّب في سرايرها

كأس عالم كان جوف المانيا يهل الكره

حسب الجداول من هل الفيفا بحسب اوقاتها

ماجيت ابوصف كيف لعب المنتخب بالثرثرة

عن قصة التمرير والهجمات يكفي اسكاتها

على اختبارات السعودي وقتها اللي ُتظهره

بين المُذاكَر واهتمام العاقل بحزاتها

خضتهّم الايام خض ّ البِبْسْ للي فوّره

رغم الهموم اللي بوسطه صب غازياتها

وانت َ كويتي وش يجيب اهلك لدار المحضرة

الارض لينا في السنين اللي تحّت ابياتها

بحدودها نرمي رقاب الغرب والعلم انشره

متملّكين بلادنابجبالها وعزاتها

واليا لقيناالمرجفين اهل العلوم المُنْكَره

نبدي عليهم بالصحيح اللي كشف ساساتها

والله سُبْحَانُه نوى اهل الكون محد ٍ يحشره

لأن الله الرحمن ساعَد ربعيّ ووقفاتها

من هو رفع ربعي هذيل لحدّ محدٍ يقدره

فوق المَجَرّات العظيمة والكواكب فاتها

هذيك َ والله منزلتك بعالم ٍمتحضرة

ماهم بدو خلْف الفيافي حالبين لشاتها

حّناالعرب قوم الأدب وأفكارنا متطوّره

واليا بدينا بالجهوداضمن نظم لاثباتها

وانتي تحرّيتي بفكر النور وانتي منوّره

لاتخرجيني من ضياءك وارجع لظُلْمَاتها

لكَنّ غزّة لوحصل فيها مخطط مجزرة

جات الحقايق للأمم وبلادنا ماجاتها

إعلامنا لوهو يغطّ الصوت من هو ينصره

يبى يُلم ّ(إ) من الحجيج اللي على ميقاتها

واللي يطيب من القصايدبالمواقع ننشره

نوقف فسطر النت ونجابه على صفحاتها

واللي ننادي له تحسسّ مانوينا غشمره

حّنا اجتنبنا عن شياطين ٍ لها همزاتها

لوشفت الامريكي يقول الكون جاته مَدْوَرَه

والله ربي والعرب ُتجزى حسب نياتها

وإحنا بلا بعض الهجوس اتقول شخص بحُنجره

من كثر ترديد الحروف تسّهرك بأصواتها

ماتدري إن الشعر له رجل ً يحدّ فخنجره

واليااغترب ماضرّته صفين أو بركاتها

هاذا الشهيد يحصّل المطلوب فردوس اشْجَره

يوم الكفور بشجْرَة الزقوّم من وجباتها

اشكرك على طرحك
دمت عنوان للتميز والرقي
ساكون هنا دائما لانتظر ماسيبوح جمال احساسك
وذائقتك
تقديري واحترامي

[BIMG]http://up.top4top.net/uploads/2011/12/12/top4top_eb566abc711.gif[/BIMG]

محمد ٌ بآذان ٍ لاأعاتبهُ

وصائن ُ الحب حقاً لا أحاسبه ُ

إنيّ نقشتُ بدهري نفسَ أحرفهِ

ولايفوز ُ وبالأبيات ِأغلبهُ

حين َ استضفت ُ بهِ أخلاقه ُ كَمُلَتْ

ولايكون ُ لمجْهول ٍ تسرّبه ُ

حبستُ شعركَ بالأدراج ِأزمنة ً

والغرب ُ والشرق ُفي الأحداث ِ ترقبه ُ

تريد ُ منه ُبيانا ً عن مشاكلهِ

وكل ّ غاو ٍ به ِشيءٌ يرّتبّهُ

أخاك َ فيه ِ زغاريد ٌ وغطْرَفة ٌ

البعض ُيُبعدُهُ والقلبُ يُقرِبُه ُ

من الوداد ِ ومن سُكْنى ً يُسّرّ بها

ومن رعاع ِ دُناه ُ كان َ مهربه ُ

لم يبرح الارض الا شبه َ مسبعة ٍ

أو شبهُ مأسدة ٍ والموت ُ يطلبه ُ

فإن تمادى دعي ٌّ في مسيرته ِ

أراد َ شعبا ً به ِجهلاً ويُرهبه ُ

يفجّر ُ الوقت علمانيّهُ وثن ٌ

الضم يرفعه ُ والفتح ُينصبُه ُ

وكلّ عقل ٍ زعيم ٍ وسط معشره ِ

يُهَدِيءّ الوضع والمأمول ُ يقلِبُه ُ

يبني من الحُلْم أكواخا ً ومزرعة ً

بئسا ً وربّيّ جبّار ٌ وأغْرَبَه ُ

عطاه ُ جهْلا ً ولؤما ًبإستماتته ِ

يمرّه ُالمعتدي لصا ً ويسلبُه ُ

وإن أراد َ علاء ً أو نوى قِمَما ً

لن يستطيع َ من المحجوب ِ أصعبه ُ

إن اقتنعتي ف للحلاّق شفرَته ُ

وقد يُرَش ّ ُ بخد ٍما يُرّطِبُه ُ

وأجمل اللون ِ ماكانت مراكبكُم

بهيّة ٌ ولتمْرِيْ ما يُعَنبّه ُ

وسُق من الحب أرواحا ً وأفئدة ً

وأنفسا ً وجميل ُ الشعر تجذبه ُ


والله صوّركم في الغيب معتنيا ً

فأنت شعر ٌ وحكم الغيبِ يكتبه ُ

يافيلم أسامه من يبى اليوم ينتجك

الااللذي هديت فوقه بنايات

الله سبحانه من الضيق يُخرجك

للجنه العليا وترقى الدرجات

ماجيت أدوّر في خفاياك وأحرجك

ولالي بتنظيمك مع القوم غايات

إن جيت يم ّالشعر بالنصرأتوّجك

البّسك نيشان لأجل البطولات

الله يبارك فيك مسمع تحّججك

اليا قتلتم عمْد وإلا خطيّات

مراحب ياانصاف قلم

أجارة َ بيتينا أبوكِ يطير ُ

وقلبك ِ مكلومٌ ولاح َ شطير ُ

ونظرة عينيك المليحةُ درّة ٌ

ومعسول ماقلتي لديّه مثير ُ

أتى طائر ُ الأحلام ِ في الروض بالمُنى

وهاج َ غناهُ والونيسُ سمير ُ

وسرْت َ بقدْر ٍ للعلا تطلب ُ الهوى

وناداك َ أستاذ ٌ نراه ُ خبير ُ

إذا كان سجْن الحب صار َ جريمة ً

سأطلُق ُ حتى يستريح َ أسير ُ

اذا شاع َ صدْق ُ الخلّ وسط َ مدينة ٍ

فكل ُّ رصيف ٍ في الوجود ِ يسير ُ

أراك َ سليب الدار يُتعبك الدهر ُ

أما للنوى نارٌ عليك ولاجمر ُ

نعم أنا معطاء ٌ أقودُ بواخرا ً

ولست ُ بمذموم ٍ سيُرعبهُ البحر ُ

وفي القوم مرزوق ٌواحوى وتاجر ٌ

وكل رشيد ٍ جاءه ُالفضلُ والشُكْرُ

اذا العُمر أضناني قصدت ُ مكاتبا ً

بها يستقرُّ القلب والنبض والفكْرُ

مُعّللتي بالوصل والعُمر بيننا

متى يستريح ُ القلب ِيكْتمِلُ السطْرُ

وماهذه الأوراق ُ إلا مراجع ٌ

إلى كل مخلوق ٍ وليس بها حكْر ُ

خطَاي َبأني فيك َ كنت ُ مُصدّقا ً

اذا القرب ُ عناّني وأشغلني الشعْر ُ

سلمت ُمن الدنيا بشر ٍ وخيرها

وهاهي َ دنيانا بها الخير ُ والشر ُ

وماخنتُ قومي في هواك وإنني

يُثبّتني في كل نائبة ٍ صبر ُ

إذا بِت ُ ظمآنا ً فلا ابتل ّ ماطرا ً

سيُحبسُ من أجواءه ِ الوبل ُ والقطْر ُ

يُسائلني من أنتَ وهوَ محّنك ٌ

وهل كاشف ُالدنيا يكونُ به السترُ

إذاغاب عني متّ هما ً وحيرة ً

وأحرق ُ أشعاري وماجاءها النشر ُ

ولكن إذا ماجاء هللّ هاجسي

وزالت هموم ٌ لايُطاق بها العمر ُ

اقول ُوقد ناحت بغصن ٍ يمامة ٌ

ألا فاستمع والأذن ليس بها وقر ُ

فإن عشت ُفالإنسان ُ للحب عائش ٌ

ولكن بالفردوس صُبّت لك َ الخمر ُ

أعلّق ُّ من شعري عليك قلائدا ً

اذا سامني الشيطانُ لم يُرخص السعر ُ

سطام احب النسيم اللي

يجيبك اليوم لحدودي

مافيه تغلي ولاتخلي

تسلم جدودك مع جدودي

ختمناها بإذن لله سبحانه ورب البيت

ومن يبغى كمان يحمس وحتما ً نزوّدها


1000بيت الف بيت قصيدوتستحقون اكثر

الله يعطيك العافيه
ومزيد من التقدم

الله يسلمك لتواجدك الجميل اللي سرني كثيرا يالشاعر الهمام

ابيض بيض الله و جهك

انا اشهد انك تجملت

صح لسانك و لاهنت

تقبل مروري

	المشاركة الأصلية كتبت بواسطة الذوق كله

	ابيض بيض الله و جهك انا اشهد انك تجملت صح لسانك و لاهنت تقبل مروري

وجهك ابيض يالغالي والله يسلمك نورت المتصفح