لله درك من خويٍ يساويه

مساكم الله بالنور..انا شاركت بقصيدة الكتشب الكوميديه
واليوم لازم انوع اول ضحكت المهموم واليوم اببكي الفرحان

هذه القصيده عن واقع ورب البيت وهوه موقف حصلي
مع شخص اعزه واقدره وقف معي في موقف لن انساه لكن اخطيت في حقه..وزعل وهجاني
بقصيده ورديت عليه....واقول فيها

[poem=font="Arabic Transparent,5,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]

يالايمي مني الخطاء واعترف فيه=والناس توقع في الخطاء طول الازمان
كذبت لو قلت الخطاء فيك مبديه=وقدرك معي ياصاحبي مثل الاخوان
سبيتني في قاف ماكنت تخفيه=والادمي ياشينها ان كان منان
ان كان ودك بالأجر فأنت لاقيه=احذر تهين انسان مسكين فقران
الرزق لله يكتبه بين اراضيه=والا انت مثلي يالخوي شخص وانسان
تبغى الصراحه لارميت الشعر هيه=كنت احسب انك للوفاء خير عنوان
اسئل خويك اسئله ليه ياليه=يمكن يجبلك من خطاء النفس برهان
ان كان غدري فيك بانت مبانيه=ترى وفاي يهدها لو لها شان
الله يعز انسان ماكان يرضيه=رد الوفاء لهل الوفاء قدر الأمكان
انسان طيب له من الطيب يكفيه=انه على من قد غلط كان زعلان
احرقت قلبي بالعزاء من يعزيه=حتى اعتذاري مالقي منك غفران
والله اخير الموت يارب انا ارجيه=عجل وفاتي دامني اليوم خسران
خذها نصيحه والشعر له معانيه=والله خذلت النفس رغم اني غلطان
لاتكتب الاشعار في شخص تهجيه=احذر يرد وله من الشعر سلطان
ياداعي المعروف يلي تماريه=لاتحسب اني ما اقدر اهجيك غلبان
ماردني غير الوفاء اللي مخليه=في نفس مجروحه وقد كان ماكان
والله ودي تسمع العلم توحيه=قبل الوفاة وقبل ما أعانق اكفان
لله درك من خويٍ يساويه=عشق القبور وعشق أفراق الأوطان[/poem]

السلام عليكم ورحمة الله وبركاته.
مساك الله بالخير والسعادة .
اخوي الغالي يحفظك الكريم ...

قصيدة ماعليها كلام وفعلا المعنى هو أساس الشعر وهذه القصيدة ليست معنى فقد بل معنى ومعاناة ...
أثمن جمال حرفك الشعري جيدا ............صح لسانك أخي العزيز .
رغم ان لي تحفظ على عجر بيت في القصيدة أحسست فيه بثقل لايتناسب وجمال اللفظ في مجمل القصيدة .
حين تقول :
والله خذلت النفس رغم اني غلطـان .

تذكر أني متذوق ....فقط ..
وأعجبتني القصيدة فأحببت أن يكون لي شرف المشاركة كأول عضو فقط ..

تقديري.

	المشاركة الأصلية كتبت بواسطة مشعل الهذلي

	السلام عليكم ورحمة الله وبركاته. رغم ان لي تحفظ على عجر بيت في القصيدة أحسست فيه بثقل لايتناسب وجمال اللفظ في مجمل القصيدة . حين تقول : والله خذلت النفس رغم اني غلطـان . تقديري.

اخي مشعل اول شي الله يحييك
ولا اخفيك اني متابع لكل ماتكتبه
في المنتدى واحلف بربي اللي خلقني
ماقلتها كاذب ولست مجبور على الحلفان
فشهادتك تاج على راسي..

ورأيك مقبول يا أخي
وما القصد من نشر القصيده ان لم يكن هناك نقد
فأنت كما تعلم البس في عين امه غزال..
تفيدني يا اخي بالنقد حتى لوكنت متذوق للشعر...

وان شاء الله منكم استفيد

ما شاء الله تبارك الله

وأنا سأكون لك متااااابع يا جيرانيمو لأن والله هذي ثاني قصيده لك في المنتدى وكلها درر ..... لله درك
وصح الله لسانك وإلى الأمام ونحن معك أيها الشاعر الفذ

أخوي جيرانيمو


صح لسانك مدد .. بلا عدد


قصيدة معبّرة معنى ومبنى


وأنتقاء ألفاظ تؤدي المطلوب


ما راح أختار بيت بعينه فالأبيات مترابظة ووميزة


لكن هنا أختار البيتين عشان أقولك


(( يا داعـي المعـروف )) يلـي تمـاريـه
لا تحسب اني ما اقدر اهجيـك غلبـان
ماردني غيـر ((الوفـاء )) اللـي مخليـه
في((نفس مجروحه)) وقد كـان ماكـان


كفو الله


الشاعر الحقيق هو اللي يعرف متى يكتب القصيد


ويأي أسلوب

أخوي العزيز ///// جيرانيمو

صــــ السانكـ ـــ ولاهنت ــــــح شاعرمتمكن مشـاء الله تباركـ الله

وانا معك إن شين راعي المعروف واللي يخلي معروفه إهانه هي المنه

اعاذا الله من أهلها(المنه) وياكثر ما عانينا منها ما فيه الا النادر من البشر اللذي

لايمن ماقدمت يداه . قصيده ولا أروع ونابعه من القلب .

وتقبل إحترامي وتقديري .

	المشاركة الأصلية كتبت بواسطة ذيب الفيافي

	ما شاء الله تبارك الله وأنا سأكون لك متااااابع يا جيرانيمو لأن والله هذي ثاني قصيده لك في المنتدى وكلها درر ..... لله درك وصح الله لسانك وإلى الأمام ونحن معك أيها الشاعر الفذ

[poem=font="Arial,4,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"]
ياذيب في روس الجبال المشاهيق=يابن هذيل اللي على الجود موجود
يسلم لسانك لاحشا شفت من ضيق=يالأجودي والله الوفاء فيك مردود[/poem]
ابشر ياذيب بهديه لك وللموقع المحترم
بما انك مشرف المنتدى التقني

اشكرك على المرور..وبيض الله وجهك يوم تسود الوجوه

وانتظر هديتي....

	المشاركة الأصلية كتبت بواسطة هشام الهذلي

	أخوي جيرانيمو صح لسانك مدد .. بلا عدد قصيدة معبّرة معنى ومبنى وأنتقاء ألفاظ تؤدي المطلوب ما راح أختار بيت بعينه فالأبيات مترابظة ووميزة لكن هنا أختار البيتين عشان أقولك (( يا داعـي المعـروف )) يلـي تمـاريـه لا تحسب اني ما اقدر اهجيـك غلبـان ماردني غيـر ((الوفـاء )) اللـي مخليـه في((نفس مجروحه)) وقد كـان ماكـان كفو الله الشاعر الحقيق هو اللي يعرف متى يكتب القصيد ويأي أسلوب

هشام اخي اول شي اشكرك على المرور
اللي اسعدني وعلى الكلام الطيب

انا ما ادري من اعطاني لقب شاعر
لكنها شهادة منكم تسعدني وتساوي
عندي الابتدائيه اللي ماعندي غيرها

وعلى لقب شاعر شهادتك تكفي ياهشام

الله يعزك ويعز الارض اللي انت فيها

تقديري لك ولموقعكم الطيب اللي مايسكنه
الا الطيب

	المشاركة الأصلية كتبت بواسطة ابوجنوب

	أخوي العزيز ///// جيرانيمو صــــ السانكـ ـــ ولاهنت ــــــح شاعرمتمكن مشـاء الله تباركـ الله وانا معك إن شين راعي المعروف واللي يخلي معروفه إهانه هي المنه اعاذا الله من أهلها(المنه) وياكثر ما عانينا منها ما فيه الا النادر من البشر اللذي لايمن ماقدمت يداه . قصيده ولا أروع ونابعه من القلب . وتقبل إحترامي وتقديري .

ابو جنوب قول اميييييين

ان الله لايوريك مكروه في عزيز عليك
ويحفظك وين ماتكون

والله ورب البيت كلامك دواء
على النفس

الله يعزك ويخليك

قصيده أكثر من رائعة

والله يعطيكـ العافية وصح لسانكـ

وننتظر منكـ المزيد

	المشاركة الأصلية كتبت بواسطة سلطان الندوي

	قصيده أكثر من رائعة والله يعطيكـ العافية وصح لسانكـ وننتظر منكـ المزيد

الله يحييك ياسلطان ويعطيك العافيه
على المرور..وابشر باللي يسعدك

شاكر مرورك يابن العم

صح لسانك ياجيرانمو

	[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"] اسئـل خويـك اسئلـه ليـه ياليـه=يمكن يجبلك من خطاء النفس برهـان ان كان غدري فيـك بانـت مبانيـه=ترى وفاي يهدهـا لـو لهـا شـان [/poem]

هناك بعض الابيات تكون دليلا على شاعرية اي شاعر ,,وقد رأيت في القصيديتين التي نزلتها في المنتدى الكثير من الابيات التي فيها شاعرية متجلية.


لذا اتمنى رؤية المزيد من القصائد لأن قصائدك رائعة

	المشاركة الأصلية كتبت بواسطة نجــ هذلي ــد

	صح لسانك ياجيرانمو هناك بعض الابيات تكون دليلا على شاعرية اي شاعر ,,وقد رأيت في القصيديتين التي نزلتها في المنتدى الكثير من الابيات التي فيها شاعرية متجلية. لذا اتمنى رؤية المزيد من القصائد لأن قصائدك رائعة

مشكور نجــ هذلي ــد على كلامك الطيب

ويسعدني واعتبره شهاده لي

وابشر باللي يرضيك...

الله يبارك فيك

واشكرك على المرور

	المشاركة الأصلية كتبت بواسطة جيرانيمو

	[poem=font="Arial,4,#ff0000,bold,normal" bkcolor="" bkimage="" border="none,1," type=1 line=0 align=center use=ex num="0,"] ياذيب في روس الجبال المشاهيق=يابن هذيل اللي على الجود موجود يسلم لسانك لاحشا شفت من ضيق=يالأجودي والله الوفاء فيك مردود[/poem] ....

بارك الله فيك يا شاعرنا ولو اني شاعر كان رديت عليك

وترا أنا الي كلمت العيال يحطون تحت اسمك (( شاعر )) وعز الله انك تستاهل

	المشاركة الأصلية كتبت بواسطة ذيب الفيافي

	بارك الله فيك يا شاعرنا ولو اني شاعر كان رديت عليك وترا أنا الي كلمت العيال يحطون تحت اسمك (( شاعر )) وعز الله انك تستاهل

ياذيب والله بيتين ماتوفيك حقك وسامحني عليها

واما شهادتك لي والله فخر ياولد عمي

وهي عزيزه في نفسي..

الله يبارك فيك

ويعزك و يحفظك