محاوره بين /سامي السويهري و ثواب المسعودي

[frame="7 80"]محاوره بين /سامي السويهري و ثواب المسعودي

( سامي بن سعد )

مرحبا من عزوتآ رايها راين صليب
في محل العزوه اللي حكيمآ شارها
=
ياثواب المعرفه من صحيب اليا صحيب
من عرف مدخالها ماغوي مظهارها

( ثواب بن ثويب )

البقا والطيب معروف عند الناس طيب
فاطنآ للدله اللي يفوح ابهارها
=
مير ياسامي ليا وايق المرقاب ذيب
بنت ابو زيد الهلالي تبى ثمارها

( سامي بن سعد )

يرمي الرامي ولكن رميه مايصيب
والرجال الوافيه عندنا مقدارها
=
لا بدى ذيب الجبل في مكانه لاتغيب
والسوالف عارف اطوالها وقصارها

( ثواب بن ثويب )

انت ياسامي علومك كما در الحليب
لا تزال الطايره حاضرآ طيارها
=
الزم الماقف وفك الحريب امن الحريب
والعباد الفانيه لا سقى الله دارها

( سامي بن سعد )

ياثواب علومكم يا عجايب ياعجيب
فاخر الايام قامت تبيح اسرارها
=
واقفآ من دونها لاش شك ولاش ريب
وانتبه من خنجر القوم مع منشارها

( ثواب بن ثويب )

والله اني داريآ كل واحد له نصيب
وانت ضايقت العطاره على عطارها
=
خابرين الزير والزير من بعده كليب
مير يالله تستر الباقيه فاوكارها

( سامي بن سعد )

شاب راسك في زمانك قبل وقت المشيب
والذيابه يمكم لدتك بانظارها

&&&&&&
انتهت المحاوره،،،،،[/frame]

واقفآ من دونها لاش شك ولاش ريب
وانتبه من خنجر القوم مع منشارها

الله اكبر

الله عليك يا ابو سعد وينك عن الساحه الشعريه ياخي

ووينك عن القنوات الفضائيه


والله ظلم اعلامي بلا حدود


اخوي ابو سعد بيض الله وجهك وياليت اذا كانت فديو دلني على شريطها ومالكم الا اللي يجيبها الكم

يعطيك العافية

السلام عليكم ورحمة الله وبركاته.
أخوي الشاعر الكبير سامي الهذلي ..
تبارك الله ماشاء الله ..
محاورة كبار ..

يرمي الرامي ولكن رميه مايصيب
والرجال الوافيه عندنا مقدارها
=
لا بدى ذيب الجبل في مكانه لاتغيب
والسوالف عارف اطوالها وقصارها




والله اني داريآ كل واحد له نصيب
وانت ضايقت العطاره على عطارها
=
خابرين الزير والزير من بعده كليب
مير يالله تستر الباقيه فاوكارها


تسلم شاعرنا سامي لاهنت ننتظر جديدك ..

[frame="7 80"]اشكر كلاً من هادي الهذلي و الذيب هذيل و مشعل الهذلي

على مرورهم الكريم على هذه المحاوره واتمنى تواصلهم الدائم

واشكرهم على جهودهم المبذوله في هذا الصرح الشامخ[/frame]