ياهشـام...يافيــصل

السلام عليكم ورحمة الله وبركاته

صباح \ مساء الخير ..... بعد الغياب اتمنى تروقكم:



[poem=font=",5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يامولعي لاتفهق الوصل وش عاد= يكفي على بعدك تجرعت الآهات
مديت لك كف الوفا زاد وبلاد= وفطرت من حولك فضاء وسموات
رسمت لك في داخلي بعض الاضداد= نور وظلام وموبقات وعبادات
ونهلت لك من فلسفة ضيق الاصفاد=وسبحت لجلك في بحور ومحيطات
وحطبت لك من زمرة ضلوعي اعواد= وأقسمت أن لا تتبع فعل واصوات
ونبشت فطرافي مناعير وأمجاد= وتاريخ (إقرأ) وإبتهال الجمادات
وحاولت أن أجعل لك اولاد وأحفاد=ومشاعرٍ تملا نقاط الفراغات
حتى مررت بكلمة الحق ورآد= واقفيت أصافح في كفوف الممرات
مبطي وأنا فدروب الآحاد منقاد= حتى بكى فيني الرجا بعض الاموات
مبطي وانا اشوف الايحاءات تزداد=مبطي وأنا أرجو ذات واصد عن ذات
يابلال فيني بُعد وقبور وآشهاد= غرايبٍ تُفطر فصدري مسافات
يابلال خذ بيدي عن دروب الاحقاد= يابلال خذني عن نفاق الإشادات
يابلال من يهتك براءات الامهاد؟= يابلال من دنس رقاع الشعارات؟
فاللوم \ فأفول الفرح \ فالتنهاد= فالبرد\ فغصان الشجر\ فالحياوات
فالكلمة إللي حولت كذب وعناد= فالزلة إللي قبلتنا عداوات
فأطلق شنب \(فالعظم) \فوجيه الاسياد=فخضوعنا \ فقبولنا \ فالقرارات
فمجابه التاريخ \ في الماء \ في الزاد=فـشباه آوادم \في ذرى الغدر تقتات
ياكثر ما تغني فضولي قصص عاد=وياكثر مال للأسئلة من إجابات
من يرمي الاشواك في دروب الاجواد؟= من يدخل المعروف باب الإساءات؟
من ينكر إن الصمت لا أهل الحكم زاد؟= من حرّف المكتوب يا أهل السفارات؟
أنا تعبت أشبح فضا الصمت نشاد= وشمسي تزاور عن كهوف الظلالات
أقمت لك يالصدق في داخلي حداد= ونثرت لك من دمعي احروف وابيات
ماهي بصدفة غـدر من دون ميعاد= لاوالله إلا حسب تنظيم وثقات
بانت سعاد وقلت: يالوعة سعاد= وماتت سعاد وقالوا: سعاد ماجات
ياهشام \ يافيصل \ يا..... \ ياعماد= من بدل أسم (الفاتحه) بالتحيات؟[/poem]