فكرة برج المليون رد .............!!!

ليش تتذكر ورب الكون فوق

مانبى نشبّهك ياخي ّ بصفوق

والمعاني لو تجينا من لفوق

نترك الكذاب واكتب ياقلم

سرّها ياهاجسي فوق الجبال

ياملوك الجن ياقوم الهبال

لازم يجيلك من الارض انتقال

والجمر شبّاب واكتب ياقلم

وانت لاتختار لامن شفت عيس

منته الوالي ولا مثل الرئيس

انت يوم السبت في يوم الخميس

وش هذا الهيّاب واكتب ياقلم

مير لي سيف ٍ وحديته سنين

من قديمات الليالي والسنين

مير تلقى ياحسن لازم سنين

بادله بإعجاب واكتب ياقلم

وانت تبغى تقتحم في كل بيت

الحرامي في دياري لايبيت

انقلع لامن عوازم او ثبيت

انت مثل الداب واكتب ياقلم

واللوازم كل ابونا قدها

والجمال وسومنا في خدها

والشياطين العن ابو جدها

ماتعَرف اطياب واكتب ياقلم

اقعد اقعد لين تفهم وش نبي

دامه محمد على العالَم نبي

مير انا رفيت ياشيخ اشنبي

والشنب شناّب واكتب ياقلم

والهجوس الاوّلة من مصدري

ماعليّ في كلام البحتري

وانتي ياحلوة تجي وتحّزري

مير انا شبّاب واكتب ياقلم

راس ابوية فالح ومازال قرم

من تفاكيره يجي للعلم فهم

ابيض الشارب في وسط سنين دُهم

ماعليه عتاب واكتب ياقلم

من اصول ٍ ثابتة كُّنا قروم

ياما ياما قد وقفنا في اللزوم

ماتشتتنا المصايب والهموم

نكرم الاصحاب واكتب ياقلم

وإن كسبت اكسب علوم ٍ جيده

وانت رجلينك اكيد مقيّدة

ياشدّيد روح وين شديّدة

شكلها في الباب واكتب ياقلم

والتكاسي في بلَدنا رايحات

نبغى يعني للتكاسي طايرات

لين ترتاح الاوادم يانجاة

يوم جرحك طاب واكتب ياقلم

وانكشف راعي الهجوس الخايبة

بالله هي ّ ليه تمر وغايبة

وانت شايب والعجوزة شايبة

والشعر قد شاب واكتب ياقلم

مير انا حبيتها من شِعرها

وايضا من تسريحة ٍ في شَعرها

والجديل اليوم واصل نحرها

مع جمال اهداب واكتب ياقلم

والهجوس في كل ليلة بإزدياد

مير قمنا نملك سيوف ٍ حداد

وانتم الخدعة ولعب اهل الجراد

صفقة القلّاب واكتب ياقلم

ياسواط اليوم من هو صاحبك

تسلم عيونك ويسلم غاربك

مير ذيب الخبت ياما صاح بك

والعوا لذياب واكتب ياقلم

كل ساير في عجمكم مايسير

امّة ٍ مجهولة ٍ وبلا مصير

شرّها دايم عبوس ٍ قمطرير

تشبه السنجاب واكتب ياقلم

والصحيح اقولها سيفين حق

مثل شمس ٍ مابها لون الشفق

مير يابو البيض فتّش في الطبق

تلتقي عناّب واكتب ياقلم

وانت ياميحد هجوسك طايشات

ماهقينا إن الاغاني من بنات

لاحسافة في السنين الهالكات

والله الغلاب واكتب ياقلم

وانت لاتبرك بمصحف ربّنا

والا تاتيكم مشارط طبّنا

وابو هاجوسين لا ماصبّنا

يقعد اليا خاب واكتب ياقلم

ماعرفنا مهستر فيه فود

مير فاللعب رفيت اشنبي

الله اللي خذل قوم اليهود

لفهم هالزمان اللولبي

وانت ماتفهم اثبات الشهود

لانك بكل صراحة اجنبي

فارقوا عن وطنا يازيود

خل صنعا تصوّر مغربي

الخلاعة في شاشة ماتسود

نعن ابوها ماتسبينا سبي

مير انا اليوم عبيت الفرود

ولا اقابل مع العالم غبي

مانكبكم في مكة الا القرود

والله يعَمر دار ارض النبي

حزين اليوم وعيوني تهل من الاسى عبرات

وانا اللي فاهم الطبخة وانا اللي جيت انومسها

كثير اصحابي اللي بالمصالح تقتضي الحاجات

وانا والله يابن الناس مابدخل مجالسها

يكّفيني الارق في دنيتي ومقدّم الاثبات

على العليا ثبينا والقهاوي من محامسها

صبرت سنين وانت دفدفوك القوم والعزوات

ولالك سيف ساطي لاتريّسنا في ريّسها

حقير اللي يجاكرني يبى صدمي كما الماسات

ورب البيت اعقلّها واهجدها واسايسها

انا توكلت بالخالق ورب الكون له فزعات

يشيل الضيق عن نفسي ولي قيفان اسيّسها

ومن قفّى رحل عنا ّ عساه بداخل الجناّت

ومن يغوى الطريق اليوم مايقدر يؤسسها

انا اللي جبت قافي وقد وصّيت الاصحاب قبل ميلات الاصحاب

ولانبغى سنين المطر والا الجفافي مطر والا جفافي

ولكن ياولد قيل لك حملة في قلاب وحملة وسط قلاب

وانا عنتر وعمّه وانا صقر النصافي وانا صقر النصافي

مع إني ياولد كنت دايم صدق شبّاب وانا بالذات شباب

اشب النار والله ماتطفيها المطافي ماتطفيها المطافي

ولكن ياولد مثلكم مسدوح فاسياب وانا مااخش فاسياب

لاني كنت بين العرب طيب وصافي وانا والله صافي

الليلة المعنى يجيكم في الشمال وفي الجنوب

واللي ماهو قد المراجل لايجينا ياولد

حنّا هل السيف الحدب نمشي على كل الدروب

والله يقبل ياولد شعري وجُهدي والجَهد

لكن ياشمس الصبيحة مستقرك للغروب

وهذيل كم فيها من الصاحين تلقالك ولد

ياصاحب الفكر السليمي

عطني كلامك ياعُليمي

وإن جيتنا في الجو غيمي

افسّر المعنى واحله


لاتبحث المعنى القديمي

وهذيل كم فيها غريمي

لكن ّراح ابن الصليمي

ولاعرفنا وش محلّه

مااروّق الا ليا جبت المعاني من تهامة

وانت سوات الجحّلط ماتجي فارض الجزيرة

واللي سواتك على راسه من المغرب غمامة

لكن حّنا ندوّر لك مع الصاحين سيرة

ياسيفي اللي رميته في بحر تسعين قامة

والله ماتخرجه ياشيخ بسيول الظهيرة

انا عرفت العلاقة بينكم ياابو دلامة

ماتعرف إن الرجول اللي تجي يمّي كسيرة

اصحك تجي يم بحري يانعامة بن نعامة

افهم معانيك وكسورك تبى مّنك جبيرة

http://www.youtube.com/watch?v=mdUp7...nmW7B&index=14

محنك


راعي الوقفات وقفاته مع العليا مديمه
من قبيله والقباله مايقدم من جهلها
الهدف فوق وعن الجزلين تكفيك الكليمه
والفراق الله يازينه من الهزله وأهلها



شباب

راعي الوقفات وقفاته مع العالم قديمة
مير خلق الله مانعرف رضاها من زعلها
الهدف ناصل حدوده وانت لك وزعة وقيمة
شاعر محنك عن الجزلات ماترضى بدلها


المحنك
دام أبو عبدالغفور أقبل ورده فيه شيمه
ياهلا به والنوآيآ البيض ملزوم يحملها
بس انا بسألك عقب ان جا علينا اليوم غيمه
انت ضد السالفه ولا مع منهو فعلها

شباب

دام ابو عبد الغفور اقبل فلا نرضى الهزيمة
نصرف الالماس مانقبل من العملة هللها
الغيوم تزول لازم وانت لك وقفة مقيمة
مير انا ضد الخصوم وواقف ٍ وقفة بطلها

محنك

أيش أسوي دام ذا الترفه عليه مستهيمه
مالي إلآ أشدد العمله وراعيها وأملها
قولنا قولك وأنا أدور على خطوى شكيمه
غاليه تزها خيول الحرب ناموس لأهلها

شباب

كانها منك قريبة لاتفكر في الحريمة
كانها قفت فلازم في الحيا ياتيك أجلها
خطوتك في ماقف الليلة تراها مستقيمة
من خرج من فلته في الصبح في المغرب دخلها

محنك

العرآفه في جديد أصحابنا أشبه بالعديمه
تتعب وهي في سهلها قبل ماترقا جبلها
أنشد الأيام قد مديت يدك في عزيمه
وأنت معزوم لها من قبل ماجيك شملها

شباب

والنعم باصحابنا والنية الزينة سليمة
والشعر يصعب عليكم نقضها والا فتلها
العزيمة جات لكن من رياجيل الجريمة
مانبيها والوجيه الهينه من هو قبلها



محنك

العلاقه مع هل الإجرام ماهي بالحميمه
وانت شف ضيفانك أنت تعيش في وقتك مثلها
مانحب الهينه والعاقبه لي هي وخيمه
فـ الكرامه فالصداره لاتردد في عملها

شباب

الضيوف اليا لفت تلقالها قدر وحشيمة
تستريح ضيوفنا في البيت ماتلقى مللها
عاقبتكم يالمحنك كالشياطين الرجيمة
مير بعض الناس تعنينا وداوينا عللها


محنك

لاتنآفق دام يدك قاصره تخشى الهشيمه
داخلك واجد فلا توجعك بالتكتيم قلها
والشياطين الرجيمه مالها إلآ آيه كريمه
والله ينفد كل منقيه مافيها إلآ فحلها
شباب

ماننافق ياطويل العمر والعالم فهيمة
داخلك واجد ونفسك لاتزوّد في زللها
انت ماتدري عن الديرة ولاترعى البهيمة
جاهل ٍ باللي طلعها جاهل ٍ باللي نزلها

لو عتيبة بالعلوم

مير انا سليل قوم

مابها لاش ورخوم

كلهم شجعان في وقت المعارك واقفينا


وانعرف سيف الذهب

لاعجايب لاعجب

مير خيّال السَكب

إن نزل من راس عالي يستبِّد فكل مينا

والعسل في بلادنا

والخُلي ْ لاجدادنا

وانت بالله نادنا

تلتقينا رجال لكنَّا سيوف ً مُرهفينا

وانت تبغى مشكلة

والديار مسلسلة

لاتزوبع يابله

كان تقبعك التريلا وانت ماتسلك يمينا

نورك الاشهب ضعيف

في الشتا والا ّ في صيف

قرية اللي ّ مونظيف

ليتني ماجيتها يااصحابنا لكن َّ جِينا

وإن ركبت الطايرة

امسح امَّة ثايرة

بالدمِّي الفايرة

يالله ارفق فالبلاوي وإحمنا لاتبتلينا

بعض العرب مالهم لازم

قدَّامه اوجاع كالطاعُون

مير الغمام اللي مترازم

يبل ّ كبده وهو ملعون

سلمت ياللي لنا تسأل

والله لك مقدرة زادت


واللي على النار مستعجل

ننصحه لكن مافادت

انت ياشيخ الوفا مُختفي ولا تبين

مير انا شَبّيت كِلمات ما اطفي نارَها

مرحبا ترحيبة ٍ كُل َّ وقت وكُلَّ حِين

كان في مِسْنادَها كان في مِحْدَارها


الرد


والله إنِّي شيخ ماني عقيق الوالِدين

اعرف حقوق الابو يوم يسلم بارها

في يدين رِجال مَكَّة عِصَم ْ نِسْوة تزين

والسوالِف كامِلة ما اختلَف مِعْيَارها


الاوَّل

وشب فَناّن العَرب ْ قال (( زِيدَت حَبَّتين ))

والبضايع في المحَلاّت كيف اسعارها

ماانشِد َ الفَرَّان لو هُو عطانا خُبْزَتين

اوَّلتها سُمْسِمَتْ //وانثَنَت بأمرارها


الرد

كم لقينا لُغْز مَحلول بين المُرْهفين

وانت تَبْتَرضيك الابيات لو بشعارها

بُنْدَقتك !! اللي ّ مَعَكْ ماهي مِثْل المارتين

رَمِّز َ الخطّة وقاتِل وشِلْ اوزارها


الاوّل

انت تنصحهم بتَوبة لكَّنك رَجْل شَين

والعوارِف ما اختلَف في النَظَر مِقْدَارها

مايسدَّ ارثيك مِيَّة ولاهي مِيَّتين

وارض رب الكون ماحَدْ عَبر فاقطارها


الرد


المشايخ كَمْ قَرت في رياض الصالحين

تَحْصُد الشَتْلات // ياللي ّ قَطفت ازهارها

إن ْ نَطَقْت َ البيت جاتَك ْ قبايل شايلين

والمَدينة نَصْرَها من جِهَاد انصارها

الله اللي شرَّف الرجل في جوف القبور

نوَّر العالَم بنوره وقرآنه تلاه

ماوراه الاالشعر يسبح فكل البحور

مير قدّامه في جناّت خالقنا حياه

يرحمك من كوَّن الكون يالشيخ الوقور

لاوصلت في اي عالَم تبى تخفي عناه

لانَّك انسام الليالي ونفحات البخور

لانَك تواجه عرب لك مسيرة وإتجَّاه

يوم ماجاني الخبر فارقت دُنيا سرور

عقب ماكان الاخو مايجي منَّه خطاه

مجتهد في دنيته والسكاكين لجزور

يوم سيفه كان ساطي محَد يقدر علاه

ماتكَبر عن إله ٍ يسيَّر في الامور

بل بتقوى ياعرب مايقصَّر عن وفاه

والله إنَّه كان غالي ولازال وغيور

ليتهم ماخَبروني عقب حلَّت وفاه

كان ابرتاح في ليالي ولو مرت شهور

ارجع اتاكَد بحزني وقافي اللي قراه

كم جبر لي خاطري في سنين ابها شرور

كم رفع ربعه وخصمه من الميسم كواه

اللهم أني أسألك من الخير كله ، عالجة وآجله ، ما علمت منه وما لم أعلم ، وأعوذ بك من الشر كله عاجله وآجله ما علمت منه وما لم أعلم