قد تكون الفصول الأربعة..!!

مع السلامة وانت غالي و معذور
لو رحت يبقى الحب فيني وقاره
من عقب حبك ما بقى شعر و شعور
بكتب على دفتر قصيدي خسارة.

صدري على زلة الغالين متعود
ياكم دفن زلة(ن) مابين طياته
بالصبر و العفو و التقدير متزود
و لولا تغاضيه ما دامت علاقاته.

قم لا عدمتك صحصح الشوق لا هنت
اطرب مسامع حيرتي و انفعالي
ما لعوز احساس المقاريد الا انت
ما هو بذنبك بس اشوفك مثالي.

اذا وصلت يطيح سوق المزايين
هي عاقلة بس بالحلا لا تقاوم
عيال حارتها من الصبح صاحين
يدعون عند الباب يا رب تداوم.

في غيابها ماني بقايل عوضها
وش العوض لا صارت الغايبة هي
العالم بشعري تصالح بعضها
وانا اكتبه فيها و لا جابها لي.

لهفتي تشبه شعور الأبرياء
في ملامح طفل يخفي غلطته.

دام الجليس بنظرة الناس مقياس
إختر رفيقك دام لــ/العزم طاقة
اما تخاوي واحد يرفع الراس
و لا بلاش من العنا و الرفاقة.

يا شينها كسرة الخاطر لا جت في عز الفرح.

عسى قلبك بخير
وعسى حياتك ما تشوف التعاسة
ما دام أقدامي تسير
تراني أختك في الضيق و الوناسة.

ماله شبيه أبد حتى إنعاسكه بالمرايا يختلف.

الصديق اللي زعل مني و راح
ذكروه انه عزيز و علمووووه
لو يجيني يشكي من هموم و جراح
قمت له قومه عجز عنها أخوووه.

متصفح راقي ويجبرنا على المتابعة والمتعة

	المشاركة الأصلية كتبت بواسطة عناد طفلة

	دام الجليس بنظرة الناس مقياس إختر رفيقك دام لــ/العزم طاقة اما تخاوي واحد يرفع الراس و لا بلاش من العنا و الرفاقة.

شكراً لك

	المشاركة الأصلية كتبت بواسطة أبو رديد

	متصفح راقي ويجبرنا على المتابعة والمتعة شكراً لك

العفو خيو
ومرورك الراقي بلا شك.

وش فيك يالطايف علامك حزينة..؟
وش فيه جوك يا بعد روحي غبار ..؟
من زعلك..؟ من كدرك..؟ يا ثمينة
وانتِ عيونك غيم و دموعك أمطار..!!

إختبر صبري وابشر بـ/الرسوب
كل شي أتحمله إلا الغياب.