ظــــــــــروف الوقت

هذي قصيدة توها طازة كاتبها اليوم الفجر وصراحة أنا محاولاتي في الشعر قليلة جدا أقدر اسمي نفسي شاعر مناسبة أرجوا تحوز على رضاكم وأعذروني اذا ما أعجبتكم

لو ظروف الوقت يامســــفر قست ولو تباعدنا تراك أنت القــــــــــريب

كيف بنسى عشرة معك جمعــت أبرك الأيام يومـــــــــك لي صحيب

فوق خمس سنين يا الوافي وفت والوفاء طبعك وذا ماهو غــــــــريب

ساســـك وتد راسي وبنيانك ثبت لك في الجدود جذورلا يمكن تشيب

مهما كتبت من القصايد ما وفـــت حــــــــــقك ولا كفت ولو جبنا قليب

هذي مشاعر شــــــاعر تترجمت ترجم بها بعض الغلى لأغلى حبيب

والله يجملني مع كبار البخــــــت شـــــــرواك ياذيب تربى بكنف ذيب

وختامها عداد ما أبرق وامطـــرت ياعل شمسك يا السنافي ماتغيب