مصــــنع الأبطــــــال (وطنيه)
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=1 line=0 align=center use=sp num="0,black"]
يافــــــــاتنه مامثلها في جمـالها= وكـثرة محاسنها وكـثرة دلالها
هي الذي تستاهل الحب والغـزل= لهاالثنا والمـــدح والعــز فالها
هي الذي في عالي فوق شــمّخت =يشـهدلها العالـم بطيّب فـعـالها
يادارعــز الله أودك وأقـــــدرك= وكـلمة أحبك قـالهاالقلب قـالها
فضلك عليّه من نعومة أظـافــري= لن طـال عمري ماأبدل بـدالها
أطرب لساحلها ولشمــــوخ نخلها= وأطرب لصحراهاوخضرةجبالها
وأشتاق دلّه هيلها رمــــز للكــرم =في مجلس تعجبك هرجة رجالها
وأشتاق نسمه من بحــــرهاوبرها=تشفي نفوس ضيّق الوقت حـالها
والسيف والعرضه وخفاق في العلا=وخـيل وفـــرســــان بعيد منالها
ياقـبلة الإســــلام يايــثـرب الـنبي= يادوحـــة خضراء يحمي ظلالها
ماأرضى بديلك بين الأقــطاركلها=غيرك من الأوطان مالي ومالها
أنت الشجاعه والكرامات والأدب=وأنتي العوايدماسـكه في حبالها
الله وهبك العـز من سالف الزمن= جات الأصاله يم دارك وجـالها
يامصنع الأبطال والطيب والكرم=أنتي أمنا اللي ماتكـــدر عيالها
فضلك أمـــــانه نحمله في رقابنا=لازم نــرده قـبـل تقفي رحـالها
يادارأنت البيت والأهـل والوطن=نـفـديك بالأرواح لاجــا مجالها
حبك سرى بالدم في خافي الحشا=أنت اليمين ودار غيرك شمالها
حــــرّه ابيّه مااختلف يوم طبعها=ماطبّها غـــاصب ولايوم طالها
عفيفة شــــقــرالـبــواريـد دونها= ورجال بالميدان يصعب نزالها
يحـق لـي فـيها اتغـــزل وأحبها=سقاهاالمطر من نو يبرق خيالها
هــذي العزيزه كل غالي فدا لها=والمال والـروح العزيزه فدا لها
وختامها صلواعلى خاتم الرسل= اللي هدى الأمه والأصنام شاله
صقرالنوايف[/poem]
|