لين يوصل كامل التشريع غاية مبتداها

الخليل اللي سرى بالروح لين أقصى مداها
أقبل أجمل من بدور وبدل أوقافي هنية
وافي وفي غمضة عيونه لقى الطير وتباها
وابتدينا رحلة ٍ والهمز له حسنة وسية
عينه اليمنى تناقشني عن أيام وأذاها
عينه اليسرى تسوق الصمت لين أطهر نحية
الثنين وبسم ربي بالتنافس مستواها
السباق يكون عد ارماش وحساب وبقية
لامها لاريم لانجلى كما الحور وحلاها
فايق أوصاف الجمال وقلت أشبه عسلية
آيبة بعد الذهاب وكل نفس الها هداها
بعد جهد النفس لازم لك عقبها من غزية
في جبل طارق لنا راية وعدل أعلى بناها
للمعالي طالعين بزود وأحكام ٍ رضية
دولة الإسلام منصورة ومن يبغى لقاها
بايع شعبه وخاسر في الصباح وفي العشية
في حدود الأرض لين القطب وصلنا غزاها
فاتحين السند بأول عمر بجهاد وروية
بأمر رب الكون نمشي والقلوب الها غناها
والمعاني تبعث التثبيت بعزوم ٍ فتية
كل بيبان الجهالة تفتح بتنوير طاها
والقلم يرسم خطط حازت جوايز عالمية
كل وقت نضاعف أمجاد وندافع عن حماها
عاشت الناعاصمة مكة ثقافة أبدية
مااستحل الحد في مكة بعد حرم حماها
غير ساعة للنبي ّ وعفو رغم المقدرية
علم العالم معاني عزة النفس وهداها
أروع الأمثال لاحكم السنين الجاهلية
اذهبوا كل ٍ طليق وكل نفس الها سناها
ويش ظنك بالأمين الصادق وحامي الرعية
قدوة ٍ للي طموحه للفراديس فسماها
بعد هدم اللات والعزى مع سواع وحليه
كل دولة عارفة فضل الله ودار ٍ حماها
كم وفود تحج نحو البيت والذمة برية
المشاعر تبتسم وقلوبهم بيض ورداها
بالتفاؤل لاحسد بالعدل ونفوس ٍ نقية
الله يباهي ملك عرشه بوقفات وسراها
في صباح التسع من ذي الحج والعالم سوية
كل ٍ متم المناسك لين تعليقة فداها
والتهاني ضعف عيد الفطر في عيد الضحية
والزنا محظور مثل مخاتل النفس وهواها
كلهم كم يوم واصبر لاتبيّت لك خطية
ان كبحت جماح شهوات الضمير اللي بغاها
بالتقى راقي ومنزالك لجنات ٍ علية
وان بغيت تبارك الحجة على النفس ومناها
ان خرجت من الحمى غادر بحرية وفية
قبلة الإسلام لامشرك ينجس في ثراها
حدنا بوابة القرآن وقروم السرية
دونها كم ندفع الأرواح وعيون نعماها
ذاقت أنواع المآسي شايبة والا صبية
كل من نافر طموحه يسكن فمكة وماها
الطمأنينة تصب فكبد مسلم زمزمية
في جبال النور رفعة في منى زاكي حصاها
بين مزدلفة وعرفات عسكر داخلية
وسط مكة تشهد الهيبة وكدت اسمع لغاها
الطيور تحيط بالكعبة سوات الطايفية
النفوس تفيض بالمسعى وقوم الها رقاها
من مهابة خالق الأكوان ظلت تحت فية
يالله اصلح كل مخطي لين ابشر من فتاها
لاحرج في الدين غيّر في البيان وفي الخفية
كان لك قلب ٍ بصير اقرب من آيات وتلاها
صوت بن رداد نصف الحج لك بالمنهجية
ان تماديت بتكبر قصدك النار وصلاها
أمهلك فرصة تفارق شمس وتقدم لفية
حد جلد ٍ بالثمانين لمن يشك بزناها
مثل من يسعى ويثبت نفي باسم المنطقية
مايدوم الظلم ياقوم ٍ تنقل في عصاها
لامجال ٍ واضح يميز الذكي من دون عية
الحجج تقرا من كتاب الله ونشقر عصاها
والبراهين العديدة بررت ذنب وخطية
كل نفس الها عيوب ونكبة التقوى غلاها
والتشدد يخرج الانسان خلف الجاذبية
التوسط في جميع أحكام الاسلام وتقاها
افضل وعلم ٍ جميل يزكي النفس الأبية
الكمال لخالق الدنيا مقدر مالفاها
لاتسر بنصر لاتحزن بجولات ٍ مضية
ياهذيل وياقبايل عز ويذري ذراها
ياوطن يامستمع بلغت والنية مطية
والنهاية يخزي الله المسايير وطغاها
نستقيم ونصلح أحكام ٍ ربت مثل السجية
السراج بنور وآيات ٍ تردد في رباها
من يريد الحاد في مكة عليه أرفع قضية
من نوى الرميات عاد الكيد في النحر وخطاها
والأمن دايم بفضل الله وانعم بالمزية
لين يوصل كامل التشريع غاية مبتداها
الأصل واحد وكل أحكامنا خير ووفية
أمة المليار طول أعمارها ربي رعاها
مخرج ٍ للنور بعد الظلمة اللي سرمدية
والحساب فيوم لاينفع نسب ويعز جاها
بعث من هو يعتقد دنياه فعلا ً منتهية
ألف عام يعد يوم الحشر والصف يتباها
كيف مفتاحة وسودة تنقذ نفوس ٍ عتية
يالله اني جيت ابري النفس من جملة غناها
عن جميع الكفر والالحاد بحروف ابجدية
والصحافة والاذاعة والمحطات وغثاها
والملاعب والمواقع واجه الكية بكية
ماني مكلف ياكود بنفسي وهمي قداها
باذن ربي صايب وماني مبلغ بالخطية
ماحملت بنفسي الا طاقة الروح ومناها
ملتقى الغايب ورضوان الله وصحبة هنية