القصيدة العصما ارجو من <اي هذلي ان يقرا هذه القصيدة ليعرف الحقيقة>

هذه القصيدة للشاعر/حمود بن سودا المطرفي بمناسبة عيد الفطر السعيد القاها في حفل قبيلة المطارفة وذكر فيها بعضا من الامور التي تخص القبيلة و طبعا قال المثل المعنى في بطن الشاعر ولكن الشاعر حمود بن سودا وضح هذه الامور لعل وعسى ان تصلح بعض الامور التي حصلت لن اطول عليكم هذه هي الابيات اقرؤها بتمعن وفسروها بيتا بيت وستعرفون ما احتوت عليه
يقول :

سلام الله ومن العايدين وكل شي يصير

ماداما إن العرب تقرا وتكتب تبري الذمه

سلام الله عليكم يا شيوخ حقها التقدير

يقوله ولد عم تنفعه مدحة ولد عمه

تحية شكر لرجال اللزوم محررة تحرير

على شان الرجال اللي لجمع الراي مهتمه

جمعتوا ربعكم للعيد ورجال اللزوم بخير

هذا طبع الرجال اللي تحب الرفق وتلمه

ترى الرفقه ليا صارت مغير مضيره تضيير

نهار تواجه المدح ونهار تواجه الذمه

رفيقك من على جنبك ليا جاك العدو مغير

ليا منك زهمته جاك فازع عاصب العمه

وانا شايف لي رجال تغير طبعها تغيير

ولاعاد احد يحسب حسبة الهفوة ولا الزمه

يديرون المحايل والمحايل كل ساع تدير

إذن توحي وعشر من الاذان تقل من صمه

ومن فكر بهالدنيا يقوم يصارع التفكير

ترى الدنيا سوات اللي يفك الحبل ويخمه

لها وجه وقفى ولها جنوب مصورة تصوير

وصار الها جيوش من جميع الناس ملتمه

ولاكن المثل قال احرص التزويد والتقصير

ولاتستامن اللي رابط لك السم في كمه

يبا يبقى الجبل مرسي محله والطيور تطير

فصيلة دمنا ما تقبل اللي مختلف دمه

ولا يا الاد مطرف ماحد يرقد بعد تحذير

يكود اللي ليا جاه الخبر والعلم ماضمه

يقولون العرب جانا جمال مصخرة تصخير

لها عامين وانتم ماحد منكم فتح فمه

صدر مرسومهم هاك الزمان وقرروا تقرير

وكل شال له صورة من التقرير مزتمه

حرام تهدرون دمينا بين العرب تهدير

و حنا ما تربانا بحضن العم والعمه

تربانا على يدين الرجال اللي لهم تبرير

وكل له مقام وحافظ القالات من يمه

وذلحينه يبا كل يضوي له علانا بعير

بعير ما نعرف ابوه ولا احد يعرف امه

انا شاعر وابى اعبر وليه حق فى التعبير

وابى اطحن حبة في خاطري متليمه صمه

ترى ما عاد حنا صابرين ولا بها تستير

نبا نقطع حبال مدورين الشر في الجمة

اختمها بذكر الله ورجال اللزوم بخير

هذا طبع الرجال اللي تحب الرفق وتلمه


اخوكم/ كاسب الطيب

اتمنى من الاعضاء الكرام اذا قرأ احدهم الموضوع ان يكتب مشاركته على الموضوع



اخوكم / كاسب الطيب

الموضوع مكرر أخوي

تحياتي