يالله ياللي كل عقده تحلها====

يالله ياللي كل عقده تحلها==ياللي تيسر معسرات دروب

ياخالق النمله وياخالق الجمل==يالواحد المطلوب والمعبود

ياخالق الانسان كامل مخلق==مافيه لاعيب ولاعذروب

تحمل به امه تسعة اشهر فبطنها==وهنن على وهنن وكثر كروب

ولاغلق التسعه نزل واستراحت==ومدة رضاعه وقتها محسوب

احد مقدر له حياة سعيده==ويعيش عمره بالسعد مصحوب

واحد مقدر له يعيش بشقاوه==لين العرب يطرونه المنكوب

واحد مقدر له يموت اليا نولد==شافع ويشبه صافي المشروب

واحد مقدر له بزهرة حياته==فاحلى العمر يرسله المندوب

دنيا دنيه ماتساوي زعلنا==وابليس يفرح لالقي متعوب

يقعد يوس وسله ويخلف مساره==ويقوله بس انته المكروب

من شاف كرب الناس ينسى كروبه==ومن بات غالب يصبح المغلوب

دنيا تقلب والخلايق تقلب==واشوف حتى وقتنا مقلوب

مير اطلب المعبود رب الخلايق==اللي مراقب عبده المرقوب

العبد خايف لاتجي منه زله==وياصل جهنم والحطب مشبوب

يالله تكفينا جهنم وحرها==وفي جنتك نلبس جديد الثوب

واختامها مني صلاة على النبي==محمد اللي فالملا محبوب