لغز مطير ورد هذيل

سلام يالدرع الحصين ياللي يذري من لجابه

حضرة هذيل اللي لهم تاريخ من عهد الصحابه

حنا مطير اللي لنا ميقاف محسوبن حسابه

جينا نبارك للرجال وللوجوب مكملين


والثانيه وش بنت خالقها الولي فيها الغرابه

قدم الرجال الجسم عاري يوم تعطيك الاجابه

لو درت في كل الدول للبنت ماتلقى مشابه

الله خلقها معجزه سبحان رب العالمين



رد هذيل

الاوله والضيف غالي ياهلا يامرحبا به

حضرة مطير حزامنا يوم الملاقا والحرابه

الجد خنذف كان نادوا بالعزاوي ياشبابه

حياكم الله يوم جيتم للفرح ومشاركين


والثانيه حنا عرفنا البنت مافيها طلابه

البصمه اللي بينه للعين ماتوخذ نهابه

والله ذكرها عبرتن للخلق في معظم كتابه

من حكمة الله ماتشابه باليسار وباليمين