ردية : ابن طوير & تركي الصخري

سعدْت باالردْ على هذه الذهبيّه الموجهه من الشاعر الرائع
ابن طوير ( الراسي ))
عليك البيض ياتركي وجنّب هرجـة الهـراج

................من السابق ليااللاحق عليك البيض منشـوره

كسبت من المراجل لين سارت فوق راسك تاج
...............ولك سيره مع اهل العرف مخبوره ومشهـوره
.
سليل الشايب اللي طول عمره واضح المنهاج
...............عساه في جنة الفردوس يسكن عالي قصـوره
.
بعدها يالخوي اصبر وانا داري عليك ازعـاج
...............ولكن هقوتي في الصقر ما ينظـر لعصفـوره
.
طيورالجو ما اكثرها وفيها الصقر ما يحتـاج
.................يحوم الصقر ما همه وهي في العش محشـوره
.
وجودي ياليدين اللـي تفتـش داخـل الادراج
................تبي علماً يجملها وراحـت عـوج مكسـوره
.
عسى ربي يجنبنا دروب الضيـق والاحـراج
..............ويجعل حيلـة المحتـال والمكـار مدحـوره
.
سقيم العقل ما فكّر مع المدخال في المخـراج
.............وروّح بين نيبان البعيـر ومـن تحـت زوره
.
في تالي العلم ياتركي ترى بعض العرب منعاج


................وياليتـك توسّـم فـوق جنبينـه ببـاكـوره


محمد القرشي
.............................................



هلا بالنادرات اللي تقول حروفها من عاج
......محاريف ٍ بناها . العــارف اللي يوخــذ بشوره
.
سواة الطايرات الليّ فلحْـظه هدّت الأبراج
...... عساها ما تشلْ ايــدين شاعر هــذي سطوره
.
ويا ابْن طوير ما كل آدمي فوق البسيطه داج
....... ليامنّه مشى قـــدّام عيـنه تـاضح الصوره
.
ولا هو كل عوّام ايتبصّر في البحر لاماج
...... ويـــاصـل غبـّة البحر اللذي طـوّح بباوره
.
ولاهو كل طير(ن) حرْ .لو شفت الطيور افواج
...... لفزْ الصقر عن صـيده .تعشّى النسْر من سوره
.
وابو زيد ان لبس خيشه نعرْفه وان لبس ديباج
...... نميّــز معدن المخــلوق ما ننـظر لديـكوره
.
ويوم نمرّر الحـاجه . نمــرّرها كذا بمْزاج
...... مدرّبنا الـزمن . ماعــاد تمْـشي لفـّه ودوره
.
ترى شفنا ., وعفنا .يامحمد والأمور ادْراج
..... ندرّجْــها بهون .وحاجةٍ فـي القـلب مصروره
.
ونقـْدر في المزاحم مير نسلك واسع الأفجاج
..... مزاحمْة الرّخــوم تشوم عنـْها النفس معذوره
تركي الصخري

	ولاهو كل طير(ن) حرْ .لو شفت الطيور افواج ...... لفزْ الصقر عن صـيده .تعشّى النسْر من سوره . وابو زيد ان لبس خيشه نعرْفه وان لبس ديباج ...... نميّــز معدن المخــلوق ما ننـظر لديـكوره

صح لسانك آخوي تركي وصح لسان الشاعر ابن طوير شاعر معروف له ثقله بالساحه الشعريه

قصيده ابن طوير رسمه فنان وأنت لونتها وبروزتهـآ ببرواز ذهبي ..

بيض الله وجهكـ ..

[glint]
قصاائد مليئة بالحكم الجميله

تركي الصخري الله لايضرك

وصح لساانك ولساان بن طوير

إبـــــــــــــــــــــدا ع
[/glint]

صحتــــ الالسن ..( مبنى ومعنى ) لله دركما

صح لسان ابن طوير

وصح لسانك اخوي تركي

رديه جزله من اهل الجزاله

تحياتي