مركــز الدائــرة

[align=center]الأخوان الأعزاء
أعتذر وبشدة عن تأخري كل هذه المدة
وذلك بسبب بعض الظروف التي مررتُ بها
وأرجو أن أكون قادراً على التواصل معكم
من الآن فصاعداً , وأرجو أن تقبلوا
هذه المتواضعة [/align]

[frame="3 80"][poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازايره بعد مل الشوق والإنتظار=وشلون جيتي بعد طول الجفا زايره
ياما خذتني مواعيدك لكل الديار=لفيت الأقطار خلف وعودك البايره
وياما حزمت الحقايب من مطار لمطار=وياليت في الكون شي اسرع من الطايره
تقبل وعودك وتشعل داخل القلب نار=وتقفي وتترك بعيني دمعةٍ حايره
في كل مره تعذبني ظنوني واغار=واعصى ظنوني واطيع الشوق واسايره
لين إقتنعت إن نجمك في فلك وإستدار=يدور حولي وانا في مركز الدايره
أطلب قرارك بدنيا ماعليها قرار=تدور الأفلاك ونجوم السما سايره
ورجعت للخيره اللي ماعليها إختيار=تبري الجروح الصغار وتردم الغايره
ونسيت مدري تناسيت الجروح الكبار=اللي تخلي براكين الحشا ثايره
واليوم جيتي بوجهٍ مثل شمس النهار=في بالك تجين ودلال الغلا فايره
صبيت عقبك دلالي فوق جمر الوجار=لاتسألي عن حياتي كيف هي صايره
ماكل جرحٍ يكفر ذنبه الإعتذار=بعض المعاذير مثل احكامك الجايره
ماودي اشوف فيك الذل والإنكسار=وإلا تشوفين فيني صوره مغايره
إبقي معي يابعد منهو تفضل وزار=وإلا إرحلي في وسيع العذر يازايره[/poem][/frame]