مشعل المعبدي تفضل لاهنت - ::{ مجالس قبيلة هذيل }:: موقع يهتم بتراث القبيلة ومفاخرها

11-03-2011, 02:32 PM

السلام عليكم ورحمة الله وبركاته

الله يحييك يامشعل المعبدي واستلم طال عمرك

وطيت راس الداب والعقرب = واخذت طمعة ناس طماعه

يلي تقاويني ولاتقوا = الوقت فيه المر والحالي

لقيت رشيد يوم العيدعداالبيد يبغى الفيد ميرالنار مشبوبه = عليه اسيوفنا واحرابنا وارماحنا قامت تعاقب واسر ياساري

الله يديم الغاز والكهرب = ولا يجييك الخوف بانواعه

اسلو مادام الوقت بها سلوا = الوقت فيه المر والحالي

بعدها ماعلينا لو سلينا وان نسينا كل علم نسد ماجوبه = ليا منا نوينا بالمحاسب مانجامل في المحاسب واسر ياساري

11-03-2011, 03:13 PM

الله الله

بدعة فوق المعقول

صح لسانك يابن مغبش

شااااااااعر كبير

وبانتظار شاعرنا مشعل

11-03-2011, 03:34 PM

أنته تحسبن أنا معك ننشب=ماهم ظلع البدو وسباعه
حنا رجال(ن) فالبلد نسوا=الوقت فيه المر والحالي
لقيت رشيد اله جره شريفه عندكم بين العرب فالعد محسوبه=بعد شد الحمل فوق الجمل وقفا على يد المكاتب وسر ياساري

أخذو هذيل القوم بك مقلب=يلي وصلك السم في ساعه
الوقت مابه مزح مع تكوا=الوقت فيه المر والحالي
ليا دار الرحا والنار شبت فالمواقف ماسلم راع الخطر ثوبه=ليا منك بغيت الشور عن درب الخطر والحرب جانب وسر ياساري

وعليكم السلام ورحمة الله وبركاته والله يبقيك والله يخارجني منك انت وطوااااريقك

11-03-2011, 04:30 PM


	المشاركة الأصلية كتبت بواسطة أبو رديد


	الله الله بدعة فوق المعقول صح لسانك يابن مغبش شااااااااعر كبير وبانتظار شاعرنا مشعل

صح لسااانك يابو رديد

وبيض الله وجهك ياراعي الماقف والحميا

تحياتي وتقديري لك يالنشمي ,,

11-03-2011, 05:24 PM

مالوم راعي الذود وان غرب = شجيع لكن طاحت ذراعه

واليا تهقوا نخلف الهقوا = الوقت فيه المر والحالي

قفرنا جرته بين البوادي والبوادي كلها تسحب بعرقوبه == نسي وان الحقوق البينه من دونها جاه المطالب واسر ياساري

انته نسيت الزاد والمشرب == والبرد جاك وهب ذعذاعه

مرسولكم ياهيه وش ضوا === الوقت فيه المر والحالي

قبور اخصامنا من عام الاول جاهزه ومجهزه لو قالت التوبه == لكن انته بعد هذي تخاير ثم تشاور ثم تصاحب واسر ياساري

11-03-2011, 05:31 PM

ياسلام عليكم وصحت الالسن والقلوب

11-03-2011, 05:42 PM


	المشاركة الأصلية كتبت بواسطة شباب


	ياسلام عليكم وصحت الالسن والقلوب

مرحبا والله ياشباب صح بدنك يالنشمي وياهلا بك ,,

11-03-2011, 05:50 PM

اخوي مشعل انا طالع مشوار وارجع بعد العشا ان شاء الله ,,

11-03-2011, 06:53 PM

الخير جاكم ياعرب منصب=من جم عد(ن)ماعرف قاعه
أنا وردت الجم ونت أروا=الوقت فيه المر والحالي
وعلمي يالهذيلي لاتغط العلم كلن يعرف الي داخل جيوبه=تجرب شخص ومجرب على سود الليالي وتجارب وسر ياساري

ماننكر الطيب ولا المذهب=لوهوشة(ن) من غير فراعه
مرسولنا ضوا لكم بلوا=الوقت فيه المر والحالي
تهدد ماتهدد يالهذيلي دلتك فنجالها ياعنك مشروبه=تحاول مير ماتقدر حرابي فاللقا حربي محارب وسر ياساري

11-03-2011, 08:25 PM

صح لسااانك يامشعل المعبدي

مااقصرت يالنشمي ولنا لقاؤ اخر ان شاء الله ,,

11-03-2011, 09:30 PM

صح بدنك يبن مغبش وبيض الله وجهك وصح لسااااانك يبو رديد ولسااان شبااااااب

11-03-2011, 10:02 PM

صحت الألسن

أبدعتم شعارنا

ابن مغبش
مشعل المعبدي

لاهنتم

11-03-2011, 11:35 PM

صحة الالسن

ولاهنتم

تحياتي

11-04-2011, 01:26 PM

صحت ألألسن يابو محمد والمعبدي

كملوها لاهنتم