طريقة عمل المقلقل

سلام مني وكيف الحال وفي غيابنا ويش سويتم مدري على العهد والميتاق ولا بمواضيع رزق الله تسليتو
اليوم بدي أشرحلكم طريقة عمل المقلقل اللي نقوله في الكنكارية السلات وهذا من الأكلات اللي أنصحبها في التماشي في البر
المقادير يا قلبي العنا هههههههههه
دبيحة تقطعوها حتت صغار وتحطوها في كيس نايلو لمدة 9 ساعات عبال ما تتمخمخ وتطلع النكهة المزبووووووووطة وكل ما تنكتم اللحمة في الكيس كل ما تزبط أكتر واكتر وأكتر واكتر وتطلع الريحة الطيبة
ولا تحطوها في حافظة ولا مع التلج لأن هدي الأشياء تخلي الخروف لويق يعني لين ومجغجغ هههههههههه
ثم تولعوا الصاج لمن يشلهط والامارية لما تكشو مويه على الصاج تطلع نقط المويه عليه متكورة هادا هو الدليل وانه يطلب حرش مع اللحمة > يا حرش يامرش ههههههه
بعدين تحطوا اللحم وتقلبوه لمن يقرب على الاستوا تحطو الملح والفلفل ونصيحة من عمكم نمط رهيب لا تحطو الفلفل والملح الا في الأخير تكفون عشان ما تخرب الشغلة
فيه ناس كتير يحطو القوطة والبصل انا ما انصحبها عشانها تخبي طعم اللحمة > حتي سيبوها لعيال المسفلة اللي يدبحو البربري واشباهه ههههههههههه
طبعا الطبق اللي يزبط معاها الطحينة وتتكون من نص علبة خل أسود و6 حبات ليمون وفلفل أسود ملعقة كبيرة
وبالهنااااااااااااااااااا اااااااء والعااااااااااااااااااااا اااااافية

ويسرني أن أقدم تبسي من هذي الطبخة لأخويه الغالي الحميا وتستاهل بوقْك