££ ياعود لاتصرخ من الظلم والعار ££

ارسل لي احد الزملاء مقطع فيديو به صورة شايب سوري يصرخ ويستنجد بالأمتين الاسلاميه والعربيه فكتبت هذه الابيات/
ياعود لاتصرخ من الظلم والعار
حنا العرب ياعود وافهم كلامي
لنا مع الخذلان جوله ومشوار
لا ماعلينا لو يطول الملامي
اكبر دليل نشوف طغيان بشار
ونصمت على فعله بناسٍ كرامي
لكن خلك فالمصيبات صبار
وارفع يديك لواحدٍ ماينامي
ينصر هل التوحيد وجيوشٍ احرار
ويذل قوم الكفر واهل الظلامي
هذي وصاتي إلك يالوالد البار
لح الدعاء وابشر بنصر الشوامي
ادع الذي يعلم خفيات الاسرار
الواحد اللي كافلٍ هاالانامي
ينزل عذابه فوق من اهلك الدار
اللي جعل من روؤس شعبه مرامي
كم طفل مسلم ذاق ضربات بالنار
وامه تحت بيتٍ عليها هدامي
وكم من عذارى لطخوهم بالاقذار
تخسون ياوجيه عليها عسامي
امن الرجوله خاليه وجيه الاشرار
الله يقبّح فعلكم يالخمامي
شبيحةٍ نجسين وافسق من الفار
يالله ترسل من عذابك سهامي
تقضي عليهم بليلةٍ علمها سار
وتصبح اراضيهم خرابٍ عدامي
حتى يعم الخير في كل الاقطار
وكل الدول تنعم بخير وسلامي
ونفرح ليا جتنا ثمينات الاخبار
يقلون زال الشر قبل الصيامي
شعر/ سيف السعيدي(ابو وسام)

بيض الله وجهكـ على هذه القصيدة الثمينة


وصح لساانكـ ..

..

وأشكركـ على رووعة حسكـ الإسلامي والوطني

ونشاطركـ الرأي ..

ولا نملكـ إلا الدعاء لهم ..


//

صح لسانك

قصيده رائعه


تحياتي

صح لسانك يابو وسام

صح لسانك يا بو وسام وجزاك الله خير

ونسال الله ان ينصر اهل الشام ويهلك بشار واعوانه

تحياتي

صحت ابداااانكم وبيض الله وجوهكم
اشكركم جميعاً

لو خليت بليت .....

صح لسانكـــــ وبيض الله وجهكــــــــــــ