الليل يامشعل

هلا مرحبا يامشعل ابروق ورعود = من المزنه الي برقها مع رعدها
ترا مانت يابو زيد للموت محدود = تزور القبور وثم تكشف لحدها

يدوم البقا والليل شعله وبارود=عسى يحتمي ميقاف خندف ولدها
أنا ماحسبت لزيد وعمير وسعود=ولا همني كثر الجيوش وعددها

الله الله صح لسااانك واعتذر منك على التاخير

جوني ضيوف لكن بكره نكملها

صروف الليالي جابت البيض والسود = تجيب العلوم ولو ماحد نشدها
عليك الحزام وقدمك الدرب مقعود = ياراعي اليمين الي عرفنا جهدها

الا يالهذيلي صدور وعلومنا ورود=مصدر عن الجمه وغيرك وردها
ترى ماتشب النار ياكود بزنود=ولاكن كل المشكله من بعدها

ابو نايف بغير القاف بعد اذنك

خذ راحتك يابو عتيق والله الله في الا لحان الاوله

خذ راحتك يابو عتيق والله الله في الا لحان الاوله وعدنا بعد الصلاه ان شاء الله

سلام ميعادنا طلعة كرى ياليت ياليت=الشيخ خالد يقابلنا ليا جات الوعيده
أنته من هذيل قوم أم القرى ياليت ياليت=سواير ام القرى ماطابقت ساير بريده

يامرحبا لو تبا راس القرى ياليت ياليت = واليا ترديت ماتحسب على ربعك فقيده
اهل حدا ودها ترجع ورى ياليت ياليت = لكن قرب الحرم يحتاج له شرع وعقيده

دام البقا والجبل فيه خشرى ياليت ياليت=وزعتك جاتك سوات الموت في داخل وريده
بين الثريا مسافه والثرى ياليت ياليت=فالعيد لناس تطلع بالثياب الي جديده

ههههههه

ماجور يادار لاضل و ذرى ياليت ياليت = مالوم مشعل ليا ذرت ذواريها تبيده
الشجره الي طلع فيها الغرى ياليت ياليت = ماجابها الي حطبها من ورا دار الحديده

صح لساااااااانك يبو نايف وعتذر منك ولله ثلاث زواجات الليله معزوم عليها ومنشغل شوي لاكن العذر و السموحه

صح بدنك يابو عتيق وافي وعلمك غانم وابد خذ راحتك والجايات اكثر ان شاء الله