حاتم هذيل سفر السويهري 000

الشاعر محمد القثامي في قصيده يمدح الكريم ابن الكريم
رجل الاعمال سفر السويهري المكنى بحاتم هذيل

انا ليا مِنّي طرقت الباب
والاّ رقيت برجلي المرقاب

مادوّر الا شيٍّ يجملني
والْبس عَلَيْه مْن الفخر جلباب

شاعر فصيح وكلمتي مسموعه
ولانيب لوجيه العرب طلاب

وارائي الشخصيه تمثّلْني
ولاعمري انْطقها بدون اسباب

وياهل المواتر جهزوا لي موتر
مابغا التوبيس محمل الركاب

ابغا شبح مرسدس لونه بحري
من هيبته يحسب له الف حساب

اليا مشى ماكنّه الاّ عذرا
متغطرسه في حفلة الاجناب

واليا وقف ماكنّه الا شقرا
لفتة هدبها تسلب الألباب

ابا اتَنَحّرْ به خويي عادل
واعْطيه من جَزْل الحروف كْتاب

وياعادل الموضوع ماهو سري
علّم به الحضّار والغيّاب

دايم وانا اسمع عن كرم حاتمكم
واقول وش ودّا الكريم وجاب

وبْليلةٍ تاريخها ماينسى
حصّلت رجالٍ عريب مْهاب

متواضعٍ يعجبك في اسلوبه
ويستاهل التقدير والاعجاب

لَكِنّْ سلم لي عليه وقلّه
حنا عواني واصدقا وانساب

واللي يشرّف فالمواقف ربْعه
تفخر به الأجناب والأقراب

وانْت الفخر لِهذيل ياحاتمها
لا جا نهار الماقف الغصاب

وقْفتك ربعك دايم تثمنها
وتْقابلك بالطيب والترحاب

هذا الصحيح اللي رأته عيوني
والحق مايِحْجَب بأيّ حْجاب

وانا اشهد انك ياسفر تستاهل
الود والتقدير والإعجاب