مزاين ام رقيبه

بسم الله الرحمن الرحيم

السلام عليكم ورحمة الله وبركاته

اسعد الله اوقاتكم بكل خير ...

اقدم لكم قصيده شاركت بها في حفل الشيخ خالد اللحياني في ام رقيبه امل ان تحوز على رضا الجميع

لو بيوت الشعر صارت نادرات وقله = والله انها لاتزيد اليا بحثت اعماقي
دامها في لازما ًشفت القروم تجله = والشجيع اليا وقف ماينثني له ساقي
قمت اسريها على دربً عزيز تدله = لين جاتك تتعب الي ناوي الملحاقي
مرحبا ترحيب نواًمزنته منهله = رعدها جر الهزيم وبرقها شعاقي
مرحبا في مرحبا والعود يبرا الدله = ثم يتلاها الشحم في مجود الاطباقي
في محل الحاتمي ياسعد منهو محله = الكريم ابن الكريم مجود الميثاقي
عندخالد بن سعد والنعم هذا حله= شيخ قوماًعرقها من طيب الاعراقي
التخيمي من رجالً ماتعرف الذله =دونهم ماتقصر الهقوه على المتهاقي
من هذيل الي لهم فالعز شرع ومله = مايغيرها الزمان مغير الاوراقي
واجتمعنا عند شيخً صيرمي ونقله = بيض الله وجه مثلك للعلا سباقي
جبت حمراً كنها الياقوت وسط السله = زينها في جرومها ومزملق الاعناقي
السبال الضافيه واذانها المنصله = والبطون مقوسه تحت السنام الراقي
سدها فحلا من خيار الجمال يتله = للحجاز اليا لمع فالقبله البراقي
يامشالله لاوقف كنه عظيم التله = وان مشا كنه يجاذب مذهب العشاقي
ورثت رجالا تحد السيف ثم تسله = واحتموها عن طماعة واحدا بواقي
واحمد المولى على دق العطا مع جله = واشكره واثني عليه مقسم الارزاقي
وعن سلامة سيدي والله وتتلا والله = ان شعبه والها ولشوفته مشتاقي
المليك الي بعد ضل الاله فضله = امنين ومنعمين وشمسنا فاشراقي
والمزاين مهرجان الفضل يرجع كله = لريس البيعه ومنجز حاجة المنعاقي
ثم يانسل الحرار الصوت قمت اشله = من ضمير ومن هجوس الموقف الخلاقي
انت الاول والمزاين قبلهم محتله = وابشر انا محتمين البيرق الخفاقي
دام ربعك طيبهم يابن الكرام جبله = عندك الميدان وازهل يالشجيع الباقي

وسلامتــــــــــــــــــك م

صح لسانك وبيض الله وجهك يالقرم

والشيخ خالد يستاهل

تحياتي لك

	المشاركة الأصلية كتبت بواسطة نادر النادر

	صح لسانك وبيض الله وجهك يالقرم والشيخ خالد يستاهل تحياتي لك

صح بدنك يانادر النادر ووجهك ابيض ياغاالي

والشيخ خالد اللحياني لن توفيه قصايد المدح حقه من المديح

يستاهل ابوسعد العلم الغانم بيض الله وجهه وجهك يابن الاجواد

بيض الله وجهك قصيدة جزلة من شاعر جزل



تحاتي .

	المشاركة الأصلية كتبت بواسطة مطرفي الدلم

	بيض الله وجهك قصيدة جزلة من شاعر جزل تحاتي .

الله يحييك يابو راكان ووجهك ابيض يابن العم تحياتي وتقديري ,,

كيف ماتنال رضانا وهي بهالجزالة ... صح لسانك وبيض الله وجهك

صح لسانك ويستاهل خالد المدح وقدها

	المشاركة الأصلية كتبت بواسطة ماجد الزايدي

	صح لسانك ويستاهل خالد المدح وقدها

صح بدنك اخوي ماجد وانا اشهد ان الشيخ يستاهل المدح تحياتي وتقديري

	المشاركة الأصلية كتبت بواسطة راك

	كيف ماتنال رضانا وهي بهالجزالة ... صح لسانك وبيض الله وجهك

صح بدنك ياراك والله يحييك يابن الاجواد

شكرا خالد شكرا خالد شكرا خالد

اتيت بقصيده تلائم اجواء ام رقيبه (زعامه)

صح فكرك اهنيك والله

اخوك

	المشاركة الأصلية كتبت بواسطة بن قاسي الهذلي

	شكرا خالد شكرا خالد شكرا خالد اتيت بقصيده تلائم اجواء ام رقيبه (زعامه) صح فكرك اهنيك والله اخوك

الله يحييك يابن قاسي شهاده اعتز بها واعتبرها وسام صح بدنك ياغالي تحياتي وتقديري

والله قصيدة فيها من التمكن الشيء العجيب ماشاء الله

واصل عطاءك

	المشاركة الأصلية كتبت بواسطة شباب

	والله قصيدة فيها من التمكن الشيء العجيب ماشاء الله واصل عطاءك

حياك الله ياشباب شكرا لك ولتقييمك للقصيده تحياتي وتقديري ,,

صح لسانكـــــــــــــــــــ وبيض الله وجهكـــــــــــــــــــــ ــ والشيخ خالد الهذلي يستاهل الطيب والنوماس ....

	المشاركة الأصلية كتبت بواسطة شايع الهذلي

	صح لسانكـــــــــــــــــــ وبيض الله وجهكـــــــــــــــــــــ ــ والشيخ خالد الهذلي يستاهل الطيب والنوماس ....

صح بدنك ياشايع ووجهك ابيض يابن الاجواد وانا اشهد ان الشيخ خالد اللحياني يستاهل الطيب وهو راعي الطيب