قصيدة بدون نقط

الراس عكّـر عكّـره هـمّ مسّـاس = والصدر لاسه والمسه لاس مـالاس
للدار ودّه ملهمـه حمـر الاطعـاس = لدحال طمّـه عـارم ٍ سـحّ سحّـاح
هملـول هـامـل دام دمّ الـدْحـالا = مامور أمـرْالله علـى الكـل عـالا
الله ومَرْهـا وكـل ماطـال ســالا = والماء ملا كل المصامـد ومـا داح
لـم الرواحـل كلهـا واحمـدوهـا = للدار كم عسّـاس سـاع امدحوهـا
كـل العلـوم السالمـه علّمـوهـا = حال ورحل راع الحلال ولهـا راح
له روحوا للـدار روحَـهْ وحولـه = وسم ٍ وسمهـا ماطـر ٍ دك حولـه
على مهل والحـال حـال امحَلولـه = الله عطاهـا والرعـد مامـعـه لاح
المسمى على حـد هـاك اللوامـح = طمح لها الرحّال مـع كـل طامـح
الله سمحها حكمـه السمـح سامـح = للـدار للحـرّه الـى حـد ماطـاح
لدرعا ووراها والسّهـال السماهـد = هاك المحـل وحدودهـا والمماهـد
لها المسكا حامـوا لهـا والمعاهـد = كل ٍ عهد لـه والعـدو راح ملـواح
ملواح لـوّح راح دهـر المعـارك = الصح صـح وعـوّد وراح حـارك
حلّـوا حللهم حلـهـا حــلّ دارك = طرح الطوارح طارح ٍ طاح لو صاح
صارم صرمها والعـداء ردّهـا رد = دام الـدوام وحولهـا وارد الـعـد
لد العـداء وحدودهـا حدهـا حـد = اسمه سما مـاراح معـدود للصـاح
للصاح وأرها مصحصحه كلها ورود = راح المَحَل عاد المطر سادها سـود
طمَ الطوال وطامس ٍ حـد وحـدود = حلوه حلاها هامـل ٍ دكّهـا وسـاح
عسـاه طـم لـدار حمْـد وحَمَـاده = عـوّد لهـا الحـوّام همـه ومَـاده
حـدد رحلهـا مـار اول مــرَاده = لا حوّله حولّ لهـا كـل مصـلاح
مع العـلا مـع سرمـدا والطوالـع = اطوالهـا واسهالـهـا والصـوالـع
معها الولَعَ ولـع لهـا كـل والـع = مع ما كساها عدهـا طـرح طـرّاح
ارطى وعدام وحولها لكـح رمـرام = مكر وسحم وامْـرار ملمـام لمّـام
مع الحماط وحامهـا الحـوم حـوّام = لا وا حلا هالدار مطلعـك لومـاح
لومـاح حـرّ ٍ هـدّ لـدّ ولكحـهـا = مع حومها هـو رامهـا ماسمحهـا
مع الهواء لـوّاح صـاد وسدحهـا = والدم الأحمر ساح مدحـاح سـدّاح
سدّاح سدحه سـاع ماهـو مطـوّل = ماكـر حـرار ٍ علمهـا دوم الأوّل
دوّ ٍ دوالـه هولـه الهـول هــوّل = معه الصـدر روّام للـدار وامـراح
حد الطعوس الحمر والـراس دالـه = وصلو السّمر ماحول كلـه سمالـه
ماعاد اسمـع كـل حاسـد ومَالـه = كل الرمم وعلومهـم كـوح كـوّاح
كوّاح كاح وعـوّد الكـوح دحمـول = ورع ٍ مرح ماصاح والحال محلـول
إلا صدر مهموم مرهوص مسلـول = لاعه دهر مدهـور حلـوه للألـواح
ألواح مـار الحـر صامـد ولـوّح = علـى همـام ٍ للعـدو دوم طــوّح
الساس عوصا مـا وراهـا امْكـوّح = مسلْوَعَه حَصّـه ردوم ٍ وسرسـاح
سرساح حمرا وأمها ساس عرمـاس = ماكوعهـا لمّـاس لحّـاس مسّـاس
كود اكواره مسها حَـسّ الادمـاس = طلمس حداه وحدهـا راح مـرواح
مرسالها مرسـال حلـو ٍ اسهامـه = حط الحسـام وحسْمهـا والمسامـه
حـرّ ٍ لكدهـا والمعمّـه اعمـامـه = وصل اعدوده حاسم ٍ كل صحصـاح
للعد والا الـرس رس ٍ ولـو سـاد = حـط المحالـه والدلـو حـل ورّاد
صل المَحَص عاودله وكـدّ معـواد = حوله حمام ٍ مرسل ٍ حـس صـدّاح
صـدّاح صـادح حولهـا أم سالـم = مع الهواء والـراس عالـم وحالـم
سرى الهوى رحّـال كـود المعالـم = إلا المها للروح هـو روح الأرواح
روح الصدر لامَاه والوصل راحـه = عسى العمر لـو راح روّح مراحـه
معه معه لـو الدهـر مـال كاحـه = آصلْه لو هو واصل ٍ حـد طرمـاح
لو هو وصل لحدود عرعر و لاهَـهْ = لو هو حصـل لاسمّـح الله عاهَـهْ
أروح مهمـا صـار ماهـو ملاهَـهْ = الحمد لله مـا العمـل لـح وإلحـاح
هو الحلا هـو السعـد وا حـلالاه = اسمه سما مـع السمـاء الله سـوّاه
صامل مصمـم كلـه الـود لامـاه = مار الدهر له مـال للحـال كسّـاح
كسّـاح كسحـه للحـرار ومداهـا = وألا الرمم واسدومهـا مـا وراهـا
وحد الحسام محصـل ٍ هـو دواهـا = روم العلا مصرور مع علط الأرماح
لصد العداء مع الردى لكل الأحـوال = ماطال لو هو طال ما طال ما طـال
لا صار وسط الدار حكم ٍ ولا مـال = صارم وحاسم حكمه أحكام واصلاح
اصلاح صلحـه صالـح ٍٍ للمصالـح = لكل الملا سـوّاح صالـح وطالـح
لاسوْ لا اعمال ٍ لهـا الحـال كالـح = ولا واحد ٍ مصدوم والـراح للـراح
علّم وطالـع كـل مـاراح ودهـور = العصر والمعصور والطور والسور
الله لـه الاحكـام والامـر مأمـور = أمور لها دور وحصـور وامـواح
عسى لها ماصـار معلـوم معـدود = الحمر مع الدهم والسحـم والسـود
هاك الصراره وعاود العلم مـردود = والـروح لأمـر الله للسـوْ مسّـاح
الله لهـا الـودود عالـم وعــلاّم = مـادام لـو مــادام الله لـهـا دام
وعلى محمد عـد ماصـام صـوّام = صلوا وسلام ٍ مرسلـه راح سـوّاح



القصيده للشاعر فهد بن عبدالعزيز المسيكي السبيعي العنزي

منقول

P.S Has got acquainted with the girl, http://cyberblady.com, how it to you? Only it is fair!

P.S Has got acquainted with the girl, http://cyberblady.com, how it to you? Only it is fair!

نشكرك على هذا النقل و هذه مع الأسف اسأة للشعر

محــــــــبوب

يعطيك العـــافيه

على نقلك


وصـــح لسان الشاعر


بصرااااحه معجزة بالشعر قصيده بدون حروف

وهذا يدل على قوة شاعرية الشاعر

المحمودي اساءه لشعر بماذا يا اخي العزيز
؟؟

ملاحظه:: السبيعي العنزي

ما اعتقد يوجد فخذ بعنزه يقالهم السبيعي


.

صح ألسان الشاعر وبيّض الله وجهك على النقل

الله يعطيك العافيه

دمتـ بـــود

الأخ متعب يوجد فخذ من عنزه يقال له السبيعي


والقصيدة من غير نقط وليست من غير حروف

(أنا عارف أنها غلطة مطبعية)



مشكور يامحبوب على النقل

صراحه بغض النظر عن محتواها والرساله التي تحملها

الا انها فعلا غريبه

...........................................

نفسي اشوف الحروف اللي عليها نقط كيف صايره حالتها

شكلها مقهوره وتبي تجتمع في يوم من الايام وتسوي لها قصيده تخصها

ههههههههههههه

.........................................

مشكور على النقل يامحبوب وياليت القصيده كانت لك

قصيدة فعلاً غريبه ونظم غريب وطبعاً كان هناك تكلّف من الشاعر في كثير من الأبيات لتطويع الكلمات التي لاتحتوي على نقاط لكي تكمل المعنى إلا أن بعض الكلمات التي استخدمها لاأعتقد أنه يحمل معنى صريح وواضح ومع ذلك فهو أجاد واستطاع أن يبني قصيدة طويلة بالحروف التي لاتحتوي نقاط .
صح الله لسان القائل ومشكور يامحبوب على النقل والله يعطيك العافية .

مشكور اخوي

مشكور على القصيده