فـي حفل الشيخ/عبدالرحمن بن معود الخالدي

مشاركتي فـــي حـــفل

الشيخ / عبدالرحمن بن معود الخالدي الهذلي


القصـــيده الاولـــى


بسم الاله المعتلــي سبحـــانـــــه
جــل وتـعالــى ربنــا ســــبحــانـــه


ابــدا بذكره واستعين ابعــونــــــــه
سبحانه المعبود ماعظم شانــــــه


ياهاجســـي عــد البيوت الــــــندر
مانـــي بشاعر غــث مـــاله خانــه


شاعر نعم شاعر وشعري يحسـب
ماهو شعـــر دانـه علــى غير دانه


مانــي بمستثمر واريــــد ادعــايــه
ولاجيت ابيـــع الشعــر فــي دكانه


حضــرت للدعــوه وشعري حاضـــر
فـــي قــدر مـن رحب على بيبانــه


ســـلام ياجنبــاً متين .. ومحـــــزم
سلام لاهــل المحفل ... وضيفانـه


حفل الرجـــال الشامخين الزحــــل
الخلــد اسهــوم الخطــر وجنانـــــه


اهل السطر واهل المدد والمــــده
في الحرب الي ناش السما دخانه


خلــد ولــن نادا المنادي ....خلــــد
قهـــر الحريب ومكحلين اعيانــــــه


والله يبيض وجه شيخاً ...كمـــــــل
الي الحميه والكرم ....عنوانـــــــه


الشيخ ابو خالد وفعله ..... خالــــد
راعي البنا الي مانهدم .....بنيانـه


شيخاً على نهجه يسير اعيالـــــــه
عبــدالعزيز المحتفي واخوانـــــــــه


جابـــو المراجــل صـدق قــولاً ثابت
طيبـــه وشعــــر وبـــورده وامانــــه


خالــــد قلــــط للشعـــر واثبت دوره
ومـــثل الهـــــذلان صــــــح السانه


وفـــــهد قلط للبورده من طنخـــــه
مقـــــــــر لي ناش الهدف نيشانه

ووقت الزعامه من طناخه تـــــزعم
ســــــيوف حرب اليا احتدم ميدانه


ولاغــــرابه شــــي مـــــايستغرب
والمجــــد عـــوده جـــدهم برهانه


تبــــــارك الـــرحمن يامـــاشـــالله
وراعي الحسد يالله تعمي اعيانه


القصيده الثانيه


ابدا بذكر الي على عرشه استوا عزا وجل ///// المعطي الي من عطاه اغنا اليدين السائله


الواحد الي كل شي عنده بتدبير واجــــل ///// بيديه تدبير الامور الاجله والعاجلـــــــــــــــــه


امنت به وبالقدر خيره وشره والرســـــــل /////// الواحـــد المعبود وعباده لغيره باطــلـــــــه


يالله يارحمن ترحم من عن الدنيا رحـــــل /////// ونزله من حيث ما صفوت عبادك نازلــــــــه


يالله يامنجي الدخيل اقبل منه خير العمل ///// وبرحمتك يامجـــــري الافلاك عبدك عاملـــه


نحزن ونصبر من خلقنا للمصايب نحتمــل ///////تجي نزول امن السما والا تجينا راجلـــــه


نرسي في وجه الكايده سوات مايرسي جبل//// وان كان شفنا مايله ششنا لعدل المايله


وهذي صفات الي ليا قالو رجل فعلاً رجـــــــل////وهذي صفات اهذيل ربعي كاسبين الطايله


بالهون ياليل الفرح عقد الالي مكتمــــــــــــل ///// وانا سهرتك شعر كلي والمشاعر كامله


شاعر وشعري ينحسب في نقض والى في فتل ///وحبك البيوت الناقضه يلغي وجود الفاتله


واستاذن الضيفان واستاذن من اصحاب الحفل //// لو تسمحو لي ياكرام ابعث رساله عاجله


ماهي رسالة بلبله والى مهايط مرتجـــــــــل ///////ولا رساله تسليه لصايله والجايلــــــــــه


رسالتاً لاهل القلوب الحيه اضمنها تصـــــــل //////وكلمــــة العقال تعقل لرجــــال العاقلــــه


عنوانها ياشيوخنا والعلم خير امن الجهــل ///// تحررو من سيطرة غـــبر السنين الجاهـــلــه


ياشيوخنا فيكم ثقتنا من قديم ولا تــــــزل //////// وبقعا تهـــز افذيلها والـــها ذيــول امذايله


راح الزمان الجاهلي يوم القبايل تقتتــــل ////////يوم استبد الضلم في ظل الجهاله القاتله

ياشيوخنا تهم وشفا عن بعضنا لاننفصل ////// واحنا في ضل اشيوخ واعيان وضماير عادله


قلعة جذور المشكله ينهي شقاها المتصل//////الي مكبرها عناد وعنصريه فـــــاشلــــــــه


قصو جذور المشكله لاتسمعون اهل الطبل ///// واهل الفتن عسا عليهم ماتحول الحايلــه


واحنا بني عم وعلاقتنا في طارفها شلل ///// يلزم دواع الين ابن عمي بطيب اقابــــــــــله


ياشيوخنا حثو على حل القضيه في عجل ///// لاتهملون الامر وتسير المذاهب هامــــــله


واجب رجال الدين تدعمكم على اصلاح الخلل ///// ولا يصح امفاخره ولا يجوز امخايـلـــــه


واجب على الشعار تستنفر لتوحيد الشمل ///// كــلاً يقوم بواجباته والمهمــه شامــلـــه


واجب على الافراد لشيوخ القبيله تمتثل /////تسهم في حل المشكله حتا تسير القافله


واليا تعاونا يدوم الحب ويدوم الوصـــــــــل /////// وصلاً يدوم على الصفا ولا وصال امجامله

لاترخصون ارواحكم من شان حفنه من رمل ///خافو من الله واستضلو من شموس القايله


تـــرو ( القضيه ) قاحلـــه وترابها ماينوكـل /////وشتان مابين السنام وبين شحم الشاكله


المرجله ماهي بجمع افلوس واقصور وفلل ///////والا تباهي باللمناصب والعروش الزايله


قلته وانا من لابتاً ماتنثني قول وفعل /////لاد البقيلي متعبين الخصم سهم العايلـــــــــه

من غير نقصاً في القبايل لاتزيد ولاتقل ////كـــلاً ولـــه فــــي صفحة التارخ سيره حافله


يالله والامر الصعيب ابقدرتك يصبح سهل ///اطلبك يامنجي الدخيل ابري الجروح الغايله

واختم بذكر الي على عرشه استوا عز وجل /////وعلى نبي الله صلو والرساله عاجلـه

صح لسانك يابووافي
وبيض الله وجهك

ونعم بالمادح والممدوح
وألف مبروك للعريس الله يوفقه ويسعده

قصايد جزلة واسلوب ممتع


صح لسانك يابو وافي وبيض الله وجهك

تحياتي

	المشاركة الأصلية كتبت بواسطة أبو رديد

	صح لسانك يابووافي وبيض الله وجهك ونعم بالمادح والممدوح وألف مبروك للعريس الله يوفقه ويسعده

صح بدنك وما عليك زود
الله لايهينك

	المشاركة الأصلية كتبت بواسطة رايد الياسي

	قصايد جزلة واسلوب ممتع صح لسانك يابو وافي وبيض الله وجهك تحياتي

صح بدنك وما عليك زود
الله لايهينك

صح لسانك يابو وافي

إبداع ليس بغريب عليك

تحياتي

صح لسانك أبو وافي قصيده جزله من جزل سلمت يمينك

واستاذن الضيفان واستاذن من اصحاب الحفل //// لو تسمحو لي ياكرام ابعث رساله عاجله


ماهي رسالة بلبله والى مهايط مرتجـــــــــل ///////ولا رساله تسليه لصايله والجايلــــــــــه


رسالتاً لاهل القلوب الحيه اضمنها تصـــــــل //////وكلمــــة العقال تعقل لرجــــال العاقلــــه


عنوانها ياشيوخنا والعلم خير امن الجهــل ///// تحررو من سيطرة غـــبر السنين الجاهـــلــه


ياشيوخنا فيكم ثقتنا من قديم ولا تــــــزل //////// وبقعا تهـــز افذيلها والـــها ذيــول امذايله


راح الزمان الجاهلي يوم القبايل تقتتــــل ////////يوم استبد الضلم في ظل الجهاله القاتله

ياشيوخنا تهم وشفا عن بعضنا لاننفصل ////// واحنا في ضل اشيوخ واعيان وضماير عادله


قلعة جذور المشكله ينهي شقاها المتصل//////الي مكبرها عناد وعنصريه فـــــاشلــــــــه


قصو جذور المشكله لاتسمعون اهل الطبل ///// واهل الفتن عسا عليهم ماتحول الحايلــه


واحنا بني عم وعلاقتنا في طارفها شلل ///// يلزم دواع الين ابن عمي بطيب اقابــــــــــله


ياشيوخنا حثو على حل القضيه في عجل ///// لاتهملون الامر وتسير المذاهب هامــــــله


واجب رجال الدين تدعمكم على اصلاح الخلل ///// ولا يصح امفاخره ولا يجوز امخايـلـــــه



... هنا بيت القصيد ..

صح لسانك يابو وافي على الأولى والثانية
وسلم فكرك .. ولك خالص التحايا ،،،