أول الغيث قطره ..,, - ::{ مجالس قبيلة هذيل }:: موقع يهتم بتراث القبيلة ومفاخرها

10-21-2007, 10:44 PM

السلام عليكم ورحمة الله وبركاته

عيد مبارك على الجميع ..."

الشاعر عمر الخالدي كما يعلم الجميع شاعر غني عن التعريف ومهما تكلمت عن شاعريته فإنني لن اوفيه حقه ويربطني بأبو محمد علاقة قويه بعيده عن كل الشبهات فهوا ابن عم ورفيق درب منذو البدايات .

القصيده التاليه قصتها أن عمر الخالدي نقل له كلام عن أحد المقربين لي وقد تبين فيما بعد أنه غير صحيح و انتهى الموضوع ولكن القصيده قد كُتبت وربما اطلع عليها أو لم يطلع لا اعلم وها أنا اقدمها لكم وله عبر هذا الموقع الذي يهتم بشعر وشعراء هذيل لأنني اعتقد انها من حقها أن ترى النور ., فمع المشاركه ولكم وافر التقدير ..,
"
.
.

[poem=font="time new romin,5,#00008b,bold,normal" bkcolor="" bkimage="" border="groove,3,#000000" type=1 line=1 align=center use=ex num="0,"]
لاح برق الحيا والنو ثابي وترعـد في مناشيهـا = أول الغيـث قطره واخـر الغيـث ما ينحـق براقـه
كبروها وهانت , بعد بانت لك الله ما نداريهـا = ولعوني ونـا نفسـي مـن أول على ما قيـل تواقـه
يا الله إني دخيلك من عنا الوقت والظنـه وطاريها = اشغلوني ونا مشغـول بعض السوالف مالها فاقه
جاتني البيعـه إلي واقفـه بيـن بايعهـا وشاريهـا = واقفه بالرخا في سوق له من قديم الوقت عشاقــه
اعرضوهـا عليـّه يا جماعـه ونـا مانـي براعيا = اعرف السوق واشري بالغلا ما نحب الرخص واسواقه
جاتني من ثقه واثـق وانـا ذمتـي لابـد ابريها = واجبـي دون نفسي مـا خبرنـا بري للخبـث علاقه
أتحذّر ولا نسلم , ونسلم سلامه ما نماريها = من يماري على المجهول ظلم البري واقف على ساقه
لاحقوني ونا مقفي , وقبّلـت و اقفـت من عصاريهــا = يـا زماني على طــرد المقبل تولم ليـن نستاقه
برّكه للحمول اللي على ظهر أبو مطرق نساويهـا = بشـره بالرحيل اللي يداوي قرا الغارب ومعراقه
هدده بالعذاب اللي كتب له من الخالق وباريها = شيبه في شبابه واجعل السـيف بين ايدين حلاقه
نكّسـه في" مثيبه " واقطع الجم لا يا صل سواقيها = ان رقـا مزلقه وليا قعـد من عذابه تيبس ارياقه
يا " عمر " لو مشينا جهدنا الناس من يقدر يجاريهـا = ناس تمشي معك لا كنهـم يا عمـر بالحيل صداقه
عذر لـ , الله ولك يا راعيا الطيـب معذاري يباريهـا = والله إني ترى مالي بهـا لا بعير أعفر ولا ناقه
لبسونـي ثياب اللـوم وأنا ثيابـي من مطاويهـا = والهدف تفرقتنا لجل يخفون باليد شمس الإشراقه
هقوتي في رفيقـي ما تغير سـوات الجـم صافيهـا= مـا يُكـدّر صفاها , ون تكـدر يجـي للطيـب ذواقه
عاش من يوفيا المكيال والمرجله تُعرف شواريها = واحـدٍ ينعرف قرحه بيـوت القصيد تجيـه مشتاقه
عاصر اللي لهم في باحـة العرف وقفاتـاً يقاريهـا = انشهر من فعوله والشهاده تدون في اول اوراقه
رد غارات ما ترّد صالا لهيب النار واريها = انتصر واثبت الميقاف ساق العدو والـذل ما ساقه
وقفته دون ربعه لن وقف صدق ما تخفـا مواريهـا = ينتخونه وهو من قوم وقت الحميه تحميا الساقه

آل " خالد " ذرا المضهود ون غطرفت تبعد مساريها = " خالدي مـن هذيل " اللي على قمة التاريخ سباقه
ابن " قشموع " بيت الجود باني بيـوت العـز با نيهـا = يستحق الثنا لو كان ماهو في حاجة غيرخلاقه
والنهايه تقبّـل صادق الود والمعـــذار قافيهــا = ما يفرق ما بين اثنيـن يا عزوتي هنقات هناقه
والمثل قال من يعرف دروب المهـالك ما مشا فيهـا = والحذر عادة الاحرار والحر شوك الرمث ما عاقه

"
,
عطا الله القارحي

"
,
[/poem]

10-21-2007, 11:09 PM

شاعرنا عطاالله القارحي

صح لسانك وعلا شانك

قصيدة جزلة

وكعادتك نتعلم منك كل يوم شيء جديد

كل عام وأنت بخير

10-21-2007, 11:14 PM

قصيده رائعه من شاعر مبدع
الله يعطيك العافيه
اخوك / حمد الدعدي

10-21-2007, 11:19 PM

يظل الكبير كبير مهما حصل

ويظل الحاقدون على طيب العلاقه بين الاصدقاء كثر

وتظل الصداقه جبل شامخ لن تزعزعه رياح العابثين

ويظل عطالله القارحي رمزا للصداقه وللشعر بكافة اغراضه

ويظل ابن قشموع صاحب عقل كبير وراجح

ادام الله الاخوه بينكم ودمتم لها مثلا اعلى

10-21-2007, 11:47 PM

صح لسانك ياولد العم على هذه القصيده
وماعليك منهم كبير يابن عطية الله ولاتلتفت لقوم قيلا وقال
والشجرة المثمرة دوم ترمى بالحجاره

وتقبل مرور ولد عمك طلال القارحي

10-22-2007, 02:49 AM

والنهايـه تقبّـل صـادق الـود والمعـذار قافيـهـا
ما يفرق ما بين اثنين يـا عزوتـي هنقـات هناقـه

الله يديم المحبة بينكم و يبعدكم عن الحسادة

و صح لسانك يا عطاالله

10-22-2007, 04:22 PM

وعليكم السلام ورحمة الله وبركاته.

صح لسانك الشاعر الكبير أخونا عطا الله القارحي.
وعيدك سعيد .
جيد أن إنتهى الموضوع بخير وإلى خير ويبقى الرجل الكبير بعقله وتسامحه دائما ..وأنت والشاعر الكبير عمر أهلا للتسامح وشعراء لكم وزن وتقدير لدى الجميع ..

وفقكم الله .

10-22-2007, 07:17 PM

[poem=font="Arial,5,#ff0000,bold,normal" bkcolor="" bkimage="backgrounds/14.gif" border="none,1," type=1 line=0 align=center use=ex num="0,"]
آل " خالد " ذرا المضهود ون غطرفت تبعد مساريهـا= خالدي من هذيل " اللي على قمـة التاريـخ سباقـه
ابن " قشموع " بيت الجود باني بيوت العز بـا نيهـا=يستحق الثنا لو كان ماهـو فـي حاجـة غيرخلاقـه [/poem]بيض الله وجهك ياولد الخال والله يطول عمرك ويعطيك الصحه والعافيه

قصيدة جزله من شاعر جزل

تحياتي لك
عاشق هذيل القارحي

10-23-2007, 11:56 AM

صح لسانك ياعطا الله

وانا اشهد ان مالك في هذي الدروب لاجمل ولا ناقة

قصيده رائعة وبيض الله وجهك

وتقبل تحياتي