القلب الطائر

السلام عليكم ورحمة الله وبركاته


وأقلبى الى طاير(ن) من مكانه=طيرت حفيف الريش فى قمة أجبال

ما زاعه الآ الى تبارق ثمانه=بيض(ن) وخده محتوى حبة الخال

بدرآ ليا شفته وحيد ابزمانه=وليا وصفته ما لتوصيفه أمثال

القد كنه يا عرب خيزرانه=وليا مشى غصن(ن) من الريح ميال

سبحان خلاقه و يا عظم شأنه=وسهم عينه للمخاليق قتال

رعبوب كاعب ما مشت فىالخيانه=حورية(ن)منها برا الجسم والحال

لديت فيها وقلت انتى فلانه=قالت نعم وخلك سريعن ومعجال

قلت الهوى يا بنت جرد سنانه=والعشق أشقانى وترا أحموله اثقال

قلته وبسمع جابته من لسانه=عله يواسينى ويعطينى أمال

قالت علامك خل عندك رزانه=واحرص ترا بالناس نشارت اقوال

واصبر عسىالله يدخلك فىجنانه=وتحضىبحور العين مع الصحب والآل

قفت وقفى القلب يمشى وزانه=وان قلت طار القلب ما أنلام يا رجال

وسلامتكم

صح لساانك

وعليكم السلام ورحمة الله وبركاته.
حيا الله كحيلان .
قصيدة ماعليها كلام ..
صح لسانك وبيض الله وجهك ..

سبحان خلاقه و يا عظم شأنه=وسهم عينه للمخاليق قتال.

اخى مشعل الهذلى

الله يبارك فيك و مشكور يا الغالى

اخوى الحازمى الهذلى مشكور على المرور والمشاركه